حلقة النهاردة هي إعادة للحلقة (4) اللي بنتكلم فيها عن الفرق ما بين الإمتلاك المادي وإكتساب الخبرات وأيهما بيحققلك السعادة أكتر..

الخسارة مصطلح بيتكرر كتير جداً في عالم الاستثمار بشكل عام.. يعني إيه خسارة؟ وليه بتحصل؟ ازاي ممكن تتعامل معاها؟ في حلقة النهارده بنتكلم على الخسارة والأحاسيس اللي بيمر بيها المستثمر في المرحلة دي..

التحيزات من الحاجات اللي بتخلينا ناخد قرارات عشوائية أو عاطفية مكنتش المفروض ناخدها، بنتكلم النهاردة على تحيز الاستثمار المحلي أو تحيزي للاستثمار في البلد اللي أنا عايش فيها، والتحيز ده موجود في الأسواق الناشئة وفي الأسواق المتطورة الكبيرة زي امريكا وانجلترا واليابان واستراليا وبنأكد إحصائياً على وجود التحيز ده عالمياً

اتكلمنا الحلقة اللي فاتت عن "وهم السيطرة" ، في حلقة النهارده بنتكلم على نوع جديد من الأوهام اللي الناس بتوهم نفسها بيها وهو "وهم المعرفة" ازاي وهم زي ده بيأثر عليك وعلى قراراتك الاستثمارية

موضوعنا النهاردة عن “وهم السيطرة” ولكن من منظور عملي ، حلقة للناس اللي بتحب تفهم نفسها وبتحب تفهم آلية اتخاذ القرارات ، ازاي تحيز زي ده بيأثر على اتخاذ القرارات وخاصة القرارات الاستثمارية

حلقة النهاردة بمناسبة موسم التسوق وتخفيضات شهر نوفمبر ونهاية العام حبينا نقولكم شوية معلومات ليها علاقة بأساليب الدعاية والحيل التسويقية اللي بتأثر علينا سيكولوجياً وبتخلينا نستهلك أكتر من أحتياجاتنا

"اشتري دلوقتي وأدفع بعدين" "اشتري وقسط براحتك" "بدون مقدم وبدون فوايد"

جمل دعائية انتشرت بشكل كبير جداً في الفترة الأخيرة وبقينا نشوفها ونسمعها في كل مكان.. بنتكلم النهاردة على أنظمة التمويل المتناهي الصغر، وازاي ممكن استخدم أنظمة التمويل دي بحيث يكون قرار استثماري سليم؟

كلنا بنحتاج نروح السوبرماركت نجيب احتياجاتنا من الأكل والشرب ولكن نسبة كبيرة من الناس بتصرف علي البند ده بطريقة غير عقلانية تماماً!

في حلقة النهارة بناقش بعض الأساليب والحيل التسويقية اللي بيلجألها أصحاب المحلات لجذبك كمستهلك، وازاي أنت كمستهلك تكون واعى بطريقة صرفك وتعرف تفرق بين اللى أنت عاوزه واللي انت محتاجه

حلقة النهاردة هي إعادة للحلقة (3) اللي بنتكلم فيها عن "الفلوس" كمفهوم عام وليه الفلوس (او المادة) كمصطلح مربوطة في أذهانا بمشاعر سلبية !

حلقة النهاردة لايف (مسجل) في ضيافة صديقنا عمرو عبدالفتاح على كلوب هاوس بمناسبة اليوم العالمي للمرأة حبينا نتكلم على الحرية المالية من منظور المرأة وازاي الاستقلال المادي بينعكس عليها وعلى الأسرة والمجتمع كله

في الحلقتين اللي فاتوا أتكلمنا عن ليه وازاي تعمل ميزانية.. ولأن الاستقلال المالي بيبدأ بميزانية مظبوطة تقدر تنفذها وتلزم نفسك بيها فحبينا نعيد النهاردة تشغيل حلقة "خطوات إلى الإستقلال المالي" عشان تبدأ تربط الكلام كله ببعض والدنيا توضح أكتر

التدخين عادة من العادات اللي بنشوفها في مجتماعتنا بشكل كبير جداً وطبعاً لا يغفل على أحد أضرارها الصحية ولكن النهاردة احنا بنتكلم على أضرارها من المنظور المالي .. ازاي التدخين بيأثر على حياتك المالية؟ وإيه هي التكلفة الحقيقية للتدخين؟

حلقة النهاردة بمناسبة موسم التسوق وتخفيضات شهر نوفمبر ونهاية العام حبينا نقولكم شوية معلومات ليها علاقة بأساليب الدعاية والحيل التسويقية اللي بتأثر علينا سيكولوجياً وبتخلينا نستهلك أكتر من أحتياجاتنا

التحيز .. ولأن الناس ديماً بتتأثر بتحيز معين أو بتنحاز لفكرة معينة وقت اتخاذ القرارات تحديداً.. في حلقة الإسبوع ده بنتكلم عن أكتر 7 تحيزات بيأثروا في قراراتنا في البدايات واللي درس علم نفس هيبقى فاهم احنا بنتكلم على ايه ولكن احنا هدفنا ديماً تبسيط المعلومة بشكل يفيدنا في المجال المالي بشكل عام

يعني ايه راجل غني ويعني ايه راجل ثري ؟ ويا ترى انت عايز تكون غني ولا ثري؟ بنتكلم في حلقتنا الاسبوع ده عن مفهوم كلمة غني و كلمة ثري من المنظور المالي وايه الفرق بين المفهومين؟

تابعوا حوارنا مع مصطفى بنتعرف على مصطلح يوفوريا.. يعني إيه يوفوريا؟ وإيه علاقة اليوفوريا بالمجال المالي؟ وازاي اليوفوريا بتأثر على حياتنا؟

بعض المفاهيم العامة المغلوطة والموروثات الفكرية الخاطئة في مجال الاستثمار المالي وازاي نتجنب الوقوع فيها

بنتكلم عن الفرق بين الامتلاك المادي واكتساب الخبرات وأيهما هيحقق لك السعادة الحقيقة

بنتكلم عن "الفلوس" كمفهوم عام وليه الفلوس (او المادة) كمصطلح مربوطة في أذهانا بمشاعر سلبية!