موضوعنا النهاردة عن “وهم السيطرة” ولكن من منظور عملي ، حلقة للناس اللي بتحب تفهم نفسها وبتحب تفهم آلية اتخاذ القرارات ، ازاي تحيز زي ده بيأثر على اتخاذ القرارات وخاصة القرارات الاستثمارية .. (إعادة)

أتكلمنا قبل كده عن صناديق الاستثمار مين بيبعه ازاي تقدر تشتريه والتفاصيل دي كلها في حلقة قديمة.. ولكن في حلقة النهاردة بنقارن ما بين صناديق الاستثمار العادية والصناديق المتداولة على البورصة

(إعادة)

بمناسبة مرور 3 سنين على كلام ينور حبينا نحتفل معاكم بمقتطفات مالية مع ضيوف كلام ينور اللي اتكلمنا معاهم على مدار 3 سنين.. الجزء الثاني

بمناسبة مرور 3 سنين على كلام ينور حبينا نحتفل معاكم بمقتطفات مالية مع ضيوف كلام ينور اللي اتكلمنا معاهم على مدار 3 سنين.. الجزء الأول

بنجدد النهاردة لقاءنا مع مدربة التداول ومؤسسة برنامج التدريب على أخطاء التداول لارا أحمد سُليمان للمرة التانية بعد وقت قصير بسبب كم كبير من ردود الفعل على الحلقه اللي فاتت فحبينا نعرف منها تفاصيل اكتر عن البرنامج اللي بتقدمه

النهاردة بنكمل معاكم الرد الأسئلة في الجزء الـ 14 من حلقات ما يسأله المستمعون، بنجاوب على مجموعة جديدة من الأسئلة ملحقناش نرد عليها الحلقة اللي فاتت

حلقة النهاردة هي الجزء الـ 13 من حلقات ما يسأله المستمعون اللي بنرد فيها على أسئلتكم اللي وصلتنا من خلال صفحتنا على السوشيال ميديا

بمناسبة يوم المرأة العالمي حبينا نفكركم بمقتطفات مع رائدات الأعمال.. المستشارة الاستثمارية ماري تريز ومدربة التداول لارا احمد.. كان لينا الحظ انهم يكونوا ضيوف في كلام ينور في حلقات من أهم حلقات البودكاست

بنكمل الجزء التاني من لقائنا مع ضيفنا أ/عمّار معلا مدير مبيعات ساكسو بنك (الإمارات) في لقاء من جزئين بنغطي فيهم التحديثات اللي بيقدمها ساكسو بنك بشكل مفصل

ضيفنا للمرة الثانية في كلام ينور أ/عمّار معلا مدير مبيعات ساكسو بنك (الإمارات) في لقاء من جزئين بنغطي فيهم التحديثات اللي بيقدمها ساكسو بنك بشكل مفصل.. الجزء الأول

بنتكلم النهاردة عن التأمين أو التكافل الاجتماعي من وجهة نظر شركات التأمين.. بيعملوا إيه وازاي بيكسبوا، الناس بتستفيد ازاي من التأمين وإيه البدائل الشبيهة بالتأمين

التضخم من الحاجات اللي بتحصل في العالم كله لأسباب اقتصادية معقدة لها علاقة بأداء الدول ولكن النهاردة احنا بنبص عليه من ناحية الفرد، ازاي الفرد يستثمر في هذه الظروف! وليه الطبقة المتوسطة هي اكتر طبقة بتتأثر وقت التضخم.. ازاي نتجنب الموضوع ده ونعدي من فترات التضخم العالي من غير ضرر

حلقة النهاردة هي الجزء الرابع من حلقات بعنوان (مقتطفات مالية) واللي بنلخص فيهم أهم النقاط والمواضيع اللي اتكلمنا عليها في الحلقات السابقة.. حلقة النهاردة عن اهم المقتطفات من حلقة كلوب هاوس

في الجزء الأول من (من أنتم؟) سألناكم مجموعة من الأسئلة والنهاردة بعد تقريباً سنة ونص رجعنا سألناكم نفس الأسئلة تاني.. في حلقة النهارده بنعرض لكم نتايج الأسئلة وبنقارنها بنتايج الجزء الأول

اتكلمنا في الحلقة 141 عن المركز المالي بتاعك وازاي تخطط لمستقبلك، النهارده بنتكلم على نظام مراقبة أو تقييم سنوي لأداءك هيخليك تعرف أنجزت إيه السنة اللي فاتت وتحدد أهدافك للسنة الجديدة

اتكلمنا على الاستثمار العقاري كذا مره قبل كده بس النهارده حابين نتكلم عليه من ناحية الاختيار.. ازاي تختار وتفاضل بين اختيارين، في عوامل كتير بتأثر على اختيارك للعقار، حاجات سهلة وبسيطة بس بتأثر عليك وانت بتختار

مع بداية كل سنة بتبتدي تحضر للسنة الجديدة سواء في شغلك أو في حياتك أو في مشاريعك أو أهدافك وفي المجال المالي بناخد بداية السنة فرصة أنك تشوف عملت إيه في السنة اللي فاتت وتوقعاتك إيه للسنة الجديدة وإزاي تكون صورة مالية عن نفسك هتقدر من خلالها تاخد قراراتك استثمارية بشكل أفضل في المستقبل

عمرك فكرت ازاي الأسواق أدائها بيتقاس؟ إيه المقايس اللي بنحدد على أساسه اذا كان السوق ده طالع بشكل كويس أو نازل بشكل جامد؟ ازاي أقيم العوائد بتاعتي في الاستثمار؟ في حلقة النهاردة بنتكلم عن مؤشرات أسواق المال ، وازاي تقيم أدائك في البورصة

في الحلقة 37 اتكلمنا على إيه هي الميزانية وليه الميزانية مهمه وفي الحلقة 38 اتكلمنا على تقسيمة الميزانية كبنود، حلقة النهاردة هي تطبيق عملي على تنفيذ خطة الميزانية دي على أرض الواقع

بنكمل النهاردة الجزء الثاني من حوارنا عن التحليل الفني مع أ/ هيثم عبد السميع، عضو مجلس إدارة الجمعية المصرية للمحللين الفنيين ورئيس لجنة الخريجين ومؤسس قناة المنبة الفني على اليوتيوب