95. الإدراج المزدوج (Dual Listing)
كلام ينوّر أول بودكاست عربي مبسط عن الحياة المالية
linktr.ee/Kalamyenawar : في اللينك ده هتلاقوا كل الروابط الخاصة بكلام ينور تقدروا تتواصلوا معانا وتسمعونا من خلالها
موضوع حلقة النهاردة جالنا عن طريق مستمع بعتلنا رساله عايز يفهم أكتر عن الإدراج المزدوج للسهم في سوقين ماليين مختلفتين في وقت واحد .. بنتكلم النهاردة عن ايه هو الإدراج المزدوج؟ الهدف منه؟ وإيه الاستفادة اللي بتعود على الشركات من الإدراج المزدوج؟
01:06 يعنى إيه إدراج مزدوج؟ -
03:03 الهدف الرئيسي للإدراج المزدوج؟ -
03:51 ايه الفرق بين الأسهم في الإصدار الرئيسي والإصدار الآخر؟ -
04:27 هل قيمة السهم في السوق الآخر لازم تبقى زي السوق المحلي؟ -
06:25 ما هو الاربيتراج (الموازنة) في التداول؟ -
07:32 ليه الشركات بتعمل طرح مزدوج؟ -
08:00 إيه الاستفادة اللي بتعود على الشركات من الإدراج المزدوج؟ -
10:17 مؤشر السوق الرئيسية -
11:46 إيه اللي بيفرّق بين البورصة في بلدين؟ -
لو عندكم أسئلة في الموضوع ده شايفين إننا مردناش عليها في الحلقة ياريت تبعتلنا اسئلتكم واستفساراتكم واستنونا الاسبوع الجاي في حلقة جديدة من كلام ينور
تابعوا حلقتنا واكتبولنا آرائكم بعد سماع الحلقة
: للأسئلة والأقتراحات
: تابعونا على موقعنا الإلكتروني
👇 وصفحتنا على
Omar Shams @ Clubhouse Omar Shams @ LinkedIn : تابعوا شمس على
Transcript:
اهلا بيكوا في حلقة جديدة من بودكاست ينور، الحلقة دي كانت جايه عن طريق سؤال لمستمع بعتلنا على انستجرام وقالنا عايز يفهم اكتر عن موضوع الإدراج المزدوج للأسهم في بورصتين معينين
01:06
بمنتهى البساطه الشركات لما بتيجي تطرح أسهمها في بورصة بتختار بورصة معينة وتروح تقدم ورقها وتقول يا بورصة ايه طلبات إدراج السهم بتاعي عندكم انتم عايزين ايه وبتبقى عملية واضحة مطلوب اوراق معينه بتقدم طلب والطلب ده بيخش ياخد موافقة وبتدي البورصة دي ميزانيتك وحاجات تانيه كتير وبيعتمدوا الادراج بتاعك والاسهم بتنزل في البورصة دي بس بنلاحظ ان في شركات بتبقى مدرجة على بورصتين وثلاثه واربعه كمان يعني ايه الكلام ده بقى
يعني نفس الشركة دى هنقول هي عندها مثلا في المثال ده مليون سهم والسهم بـ 10 جنيه او بـ 10 دولار مثلا ورأس مال الشركة دي 10 مليون دولار ، بتروح مثلا بورصة بتاعة الدولة المحلية بتاعتها بيبقى فيها معظم النشاطات او الايرادات التشغيلية بتاعه الشركة دي جايه من بلد معينة فبتروح للبورصة تقول لها يا بورصة انا عايز احط الأسهم بتاعتي عندكم في نفس الوقت لا يمنع يعني انها تروح لبورصة تانيه فى دولة تانية تقول يا دولة تانية انا عايز احط أسهم عندك
02:20
بنلاقي المثال ده مقرر في البورصات الكبيره يعني يعني البورصة الامريكية انجلترا ممكن نشوف هولندا بنلاقي بتسمح بالحاجات دي او اي دوله في العالم يعني انت مفيش حاجه تمنع انك تروح بورقك وتقدم في دولة تانية
02:38
طيب بتقدم بتقولهم ايه انا عايز برده نفس الـ 10 مليون سهم دول انا هنا مش بأصدر أسهم جديدة او اي حاجه انا بس عايزه أقيد الأسهم بتاعتي على البورصة ، طب ايه بقى اللى بيحصل ده انت هنا نفس الاسهم الموجوده مثلا هنقول المثال بتاعنا البلد تشغيلية بتاعتك الإمارات ورحت البورصة في انجلترا قلتها يا إنجلترا انا عايز احط الأسهم
03:03
أنت هنا بتقيد نفس الشركة بنفس عدد الأسهم بنفس كل حاجه بس بتحطها على سوق تاني علشان المساهمين بتوع الدولة الاخرى يبقى عندهم فرصه انهم يشتروا اسهمك يبقى ده الهدف الرئيسي للإدراج المزدوج احط نفس الشركة بنفس عدد الأسهم في دولتين عشان افتح مجال لمستثمرين جداد في دول تانية تستثمر في اسهمي من غير ما يحتاجوا يروحوا يفتحوا حسابات في الدولة الاصليه ليه ؛ لان مثلا بورصات زي مثلا امريكا او انجلترا أعداد المساهمين بتوعها اعلى بكتير من الأسواق الناشئة فده بيشجع الشركات الناشئة اللي في دولة معينة انها تطلع تحط أسهمها في حته تانيه
03:51
طيب ايه المتوقع أو الفرق بين الأسهم في الاصدار هنا والاصدار هنا هنلاقي ان الاصدار اللي في السوق الاول اللي هو الرئيسي لو قلنا في المثال بتاع الامارات الاسهم بيتداول بالعملة بتاعه الدولة اللي هو جواها يبقى ده اول فرق هنلاقي ان السهم سعره بالدرهم او لو في البورصة المصرية سعره بالجنيه وهنلاقي الاصدار الآخر اللي موجود في الدول الاخرى دي هنلاقي السهم بيتداول بالدولار أو بالاسترليني أو باليورو أو على حسب الدولة اللي انت حاطت فيها الأسهم دي يبقى ده اول فرق ما بين السهم ده والسهم ده
04:27
طيب هل معناه ان القيمة بتاعته لازم تبقى زي السوق المحلي غالبا ايوه غالبا السهمين بيمشوا مع بعض في السعر ولو حصل أن السهمين مش ماشيين مع بعض في نفس السعر ده بيبقى لأسباب ليها علاقة بالعملة في بلد معينه او حاجه كده بس الطبيعي في الظروف الطبيعية أن السهم هنا بدولار وفي مصر المفروض يبقى سعره 30 جنيه على حسب مثلا سعر العملة النهارده ، طب لو في الإمارات هيبقى بدولار في امريكا وهيبقى ب 3.6 درهم في الإمارات ده في الأوضاع الطبيعية
05:08
الحاجه كمان اللي بنشوفها في الازدواج بتاع التداول ده أن البورصات بتسمح انك تنقل اسهمك من دولة لدولة بمعنى ايه انا ممكن اكون اشتريت السهم في إنجلترا انا ممكن اكلم أمين الحفظ من خلال شركة السمسرة بتاعتي اللي انا بتداول معاها واقولها يا شركة سمسرة انا عايزه احول اسهمي من الدوله دي للدولة دي انا عايز نفس عدد الاسهم انا عندي 5000 سهم مثلا في الشركه الفلانيه وحطتهم في انجلترا حولهملي للاصدار اللي في الدولة المصرية
05:40
فأمين الحفظ في الخلفية بيعمل ايه بيروح رايح حاطط طلب مع البورصتين واخد الأسهم من هنا نقلهم حاططهم في البورصة المصرية ، يبقى انت وقتها لما هتبيع في البورصة المصرية هتاخد فلوسك بالجنيه والعكس صحيح بمعنى ايه ان انا لو في البورصة المصرية بشتري الاسهم او في البورصة الاماراتية او ايا كان لازم الاقي ان البرنامج ده مفتوح ما بين الدولتين يعني لازم اتاكد ان الدولتين فاتحين ما بينهم وبينهم بعض ودي طبعا بتبقى موجودة في الإصدار بتاع الأسهم بيقولك قد إيه تقدر تحول والحاجات دي والتعليمات والكلام ده وتقدر تحول اسهمك من الأسهم المصرية وتطلعهم بره وتبيعهم في الدولة الأخرى
06:25
لازم شركة السمسرة يبقى عندها التداول في البورصتين طبعا عشان تعرف تحول اسهمك بيحصل فترات زي ما بيقول كده حاجه اسمها الاربيتراج (مراجحة) أن السهمين دول مع انهم في نفس الشركه ونفس كل حاجه بس ساعات في دولة بتبقى اغلى من دوله او ارخص من دوله بيبقى في جماعة مستثمرين بيشتغلوا بس على الحته دي ان هو بيحاول يشتري السهم رخيص فين ويحوله ويبيعها ولكن الموضوع ده معقد وكله عمليات كتيره يعني ولازم تبقى مستثمر فاهم انت بتعمل ايه عشان تعرف تنفذ الموضوع ده وبيبقى في تقيد في الحجم ، يعني في قصه كبيره ورا الموضوع ده ، الموضوع مش سهل انك تشتري وتحول وتبيع وهكذا فده من وجهة نظر المستثمر انت بتشوف الحاجة دي ازاي وليه هي معموله كده ، انا لو عايز استثمر ممكن اختار الاصدار المصري او الاماراتي او بتاع انجلترا ايا كان
17:18
ولقينا مؤخرا في شركات اتطرحت في البورصات العربية يعني مثلا في سهم النهارده بيتداول في السعودية وبيتداول في الإمارات وفي نفس الوقت نفس الشركة اللي هي شركة امريكانا مثلا بيتداول في الدولتين واسعارهم دائما بتبقى قريبة من بعض
07:32
طيب الشركات بتعمل ليه الطرح ده؟ اولا طبعا زي ما قلنا انها بتفتح لنفسها قاعدة مستثمرين في دولة جديده يعني بدل ما اروح اقول للناس في السعودية يا بتوع السعودية تعالوا اشتروا في بورصة الإمارات لا انا هحطلهم السهم عندهم على طول.. طب الناس اللي في الامارات نفس الكلام ، فهو فتح لنفسه المجال كعدد مستثمرين أكبر وفي نفس الوقت هو عايز النوعين من المستثمرين دول
08:00
طب ايه تاني اللي بيحصل لما بيبقى في دولتين برضه فرص السهم انه يتداول بشكل اعلى احسن في السيولة بتاعه السهم نفسها بتعلى لما بتكون موجوده على بورصتين وخاصه لو بورصتين كبار بتزود السيولة بتاعه السهم فدي حاجه تانيه الشركة بتستفيد منها
08:20
تالث حاجه الشفافية بتعلى لانك مقيد في بورصتين وممكن تكون بورصة منهم بورصة كبيرة فمعنى كده انك عايز الإفصاح بتاعك يعلى ، عايز تحط مواصفات قياسية كشركة إن أنا بطلع ميزانيات وبقدمها في دولة متقدمة وبيراجعوا عليها فالمستثمرين لما يبصولي ويلاقوا ان انا مسجل في بورصة مش بس البورصه الناشئة بتاعه الدولة بتاعتي لا انا في بورصة كمان عالمية هيبصوا للشركة بشكل تاني
08:50
ايه كمان ممكن الشركة تستفيد منه لو أنا صاحب الشركه؟ ان انا النهارده ممكن ادعو لزيادة رأس المال وممكن أدعو في الدولة الخارجية اقول للجماعه اللي بره يا جماعه انا عايز أبيع شوية أسهم فهي مصدر للعملة الصعبة في زيادة رأس المال بتاعي انا مش لازم اخد الفلوس بتاعتي بالفلوس المحليه انا ممكن الم فلوس من مجموعة مستثمرين خارجيين في دوله ثانيه واستخدم الفلوس دي بطريقه معينه ممكن اكون عايز حاجه بالدولار بالدولار مثلا وده وده جزء من انواع توفير العملة الصعبة خارجيين في دولة تانية واستخدم حضرتك تفتح كصاحب شركة البورصة بتاعتك في بلدين انت هنا مش معتمد على السياسة بتاعه الدوله دي بس او او الفلوس دي بطريقة معينة ممكن أكون عايز حاجه بالدولار مثلاً وده جزء من أنواع توفير العملة الصعبة
09:24
ايه كمان بتستفيدوا الشركات دي؟ الشركات دي بتستفيد ان هي النهارده مش معتمد على بورصة واحدة لان في الاخر البورصات دي مقدم خدمات عادي سواء البورصة دي بيمتلكها افراد أو شركات أو حكومات أو أيا كان البورصة دي مقدم خدمة ده سوق ده ، الراجل فاتح لك السوق هناك كأنك رحت سوق العربيات البورصة هي عبارة عن الراجل اللي بينظم سوق العربيات نفسه
فلما تفتح صاحب شركة البورصة بتاعتك في بلدين انت هنا مش معتمد على السياسة بتاعه الدوله دي بس أو السياسة بتاعه الدوله دي بس انت هنا نوعت في المخاطرة بتاعة انك مقيد في بورصتين وممكن تكون البورصة العالمية ممكن تكون احسن وساعات العكس ساعات ممكن البورصة المحلية تكون كويسه جدا برده كمقدم خدمة فأنت بتبقى مستريح معاها فهي برده تاني نوع من انواع تنويع المخاطرة بالنسبة لأصحاب الشركات
10:17
في حاجه تانيه بنشوفها أن الشركة بتاعتك دي لو ناجحه وكبرت وبتعمل أرباح وحجم القيمة السوقية بتاعها كبير وانت مثلاً مقيد في انجلترا الأسهم دي ممكن تبدا تخش في المؤشرات بتاعه السوق الرئيسي ، بمعنى ان في مصر في (إيجي إكس 30) فدي اكبر 30 شركة ، في انجلترا في (فوتسي 100) ، في امريكا (إس & بي 100) أيا كان مسمى المؤشر بتاع الدوله نفسه
بس انت لو شركتك كبرت في يوم من الايام وصلت لحجم معين كبير ممكن تبتدي تخش في المؤشرات الرئيسية ، لما بتخش في المؤشرات الرئيسية معناها ان انت كصاحب شركة بتبقى نجحت انك تبقى من أكبر 100 شركة في انجلترا ودخلت في المؤشر ومش كده وبس انت كده انت كمان بيجيلك المستثمرين اللي بيشتروا في صناديق المؤشرات المتداولة في البورصة ، أو بيشتري محافظ الدخل السلبي اللي بيشتروا مؤشرات ووقتها هيقدر يشتري في شركتك لأن شركتك هتبقى من من الـ 100 شركة فـ على المدى الطويل لو الشركه ادائها كويس وبتكبر ومستفيدة من الإدراج ده هي ممكن يجيلها مستثمرين جداد باحجام جديدة
11:25
العمليه دي تعتبر برده من عمليات الناجحة بالنسبة للشركات انها تنجح ولكن طبعا في معايير وطرق وفي مستشارين بيخلوا الإدراج ده بينجح بشكل احسن اعلى ، وفي زي اي حاجه في الدنيا ممكن تكون عامل إدراج في بلدين والعمليه ما نجحتش والسبب أخطاء شركه عملتها وهى بتعمل إدراج
11:46
برده من الأمثلة المشهورة بما اني ذكرت امريكانا اللي هي موجوده في السعودية وفي الإمارات هنلاقي سهم سي أي بي أو البنك التجاري الدولي في مصري البنك من أكتر الأسهم اللي التداول بتاعها كان ناجح أو الإصدارات بتاعتها كانت انه مسجل في البورصة المصرية ومسجل في إنجلترا بيبقى برنامج كده اسمه (جي دي أر) فهو اصلاً ليه اسمه يعني وانت بتبص عليه على البورصة المصرية هتلاقي الرمز بتاع السهم بتاعه غير البورصة بتاعة إنجلترا ولكن هما هما نفس الشركة هي هي نفس الميزانيات والأرباح ، لو في كوبونات بتتوزع هتتوزع على الراجل اللي هنا والراجل اللي هنا كل اللي فارق بالنسبالي العملة بتاعة التداول بتاعة السهم ومكان إصداره
12:27
لو عايز تشتري السهم اللي بره لازم يكون عندك حساب في شركة سمسرة بتقدم الخدمة دي زي ما قولنا أو بتوفر العملة اللي انت بتشتري بيها السهم ده وهكذا يعني الموضوع بمنتهى البساطة أعتقد يعني بما اني شوفته كتير فـ بالنسبالي هو بسيط اتمنى أكون بسطة ليكم ولو عندك أسئلة في الحتة دي بالذات أنا مغطنهاش في الحلقة دي ياريت تبعتلنا
شكراً جداً جداً على وقتكم النهاردة وإن شاء الله اشوفكم الاسبوع اللي جاي
Translation of some words and terms:
Dual Listing الإدراج المزدوج
Activities النشاطات
Arbitrage مراجحة
Operations العمليات
Limitation الحد
Standard مواصفة قياسية
capital increase زيادة رأس المال
Developed متقدمة النمو
Risk مخاطرة
ETFs صندوق المؤشرات المتداولة
تنويه هام: جميع الآراء التي تم التعبير عنها من قبل شمس وضيوف البودكاست هي آراؤهم الشخصية ولا تعكس رأي أي كيان ينتمون إليه. هذا البودكاست مخصص لأغراض تعليمية فقط ولا ينبغي الاعتماد عليه في القرارات الاستثمارية. أي اعتماد على المعلومات المقدمة يتم على مسؤوليتك الخاصة
#كلام_ينوّر #بودكاست #بودكاست_عربي #بودكاست_بالعربي #الإدراج_المزدوج