96. استضافة مع يوماً ما - الجزء الأول
كلام ينوّر أول بودكاست عربي مبسط عن الحياة المالية
linktr.ee/Kalamyenawar : في اللينك ده هتلاقوا كل الروابط الخاصة بكلام ينور تقدروا تتواصلوا معانا وتسمعونا من خلالها
The one day podcast - في حلقة الاسبوع ده والاسبوع الجاي هنذيعلكم لقاء كنا ضيوف فيه عند عمر المجالي مقدم بودكاست يوماً ما
اللقاء كان طويل ومثمر ، واتكلمنا في موضوعات لطيفة ومختلفة في المجال المالي واتبسطنا جدا مع عمر المجالي
بودكاست يوما ما بيستضيف قصص نجاح ملهمة في المنطقة لمشاركة أهم أدوات النجاح في الحياة والعمل
: تقدروا تتابعوا عمر المجالي على اليوتيوب من خلال رابط القناة
https://www.youtube.com/@Omar.almajali
05:46 ليه بدأت بودكاست عن محو الأمية المالية؟ -
07:42 ضيوف كلام ينور اللي بتستضيفهم ، هل أشخاص عندهم خبرة بعالم المال بيقدروا يشاركوها مع جمهورك ولا ناس طبيعيين عندهم اسئله؟ -
09:30 عمر بيفضل إنه يكون صوت من خلف البودكاست عشان الناس تركز بالمحتوى اللي بيقدمه؟ -
10:13 احكيلي اكتر عن العلاقة ما بين الحياة المالية والصحة النفسية أو الصحة بشكل عام -
14:06 إيه هي الأركان الرئيسيه اللي لازم دايما نفكر فيها لما بنحكي على الادارة المالية او الصحه مالية السليمة؟ -
19:05 رأيك إيه في موضوع الكريديت كارد بشكل عام؟ -
25:53 كيف بتتعامل مع موضوع الادخار بشكلك اليومي؟ -
ده كان الجزء الأول من استضافة مع بودكاست يوما ما وعمر المجالي استنوا الجزء التاني الاسبوع الجاي
تابعوا حلقتنا واكتبولنا آرائكم بعد سماع الحلقة
: للأسئلة والأقتراحات
: تابعونا على موقعنا الإلكتروني
👇 وصفحتنا على
Omar Shams @ Clubhouse Omar Shams @ LinkedIn : تابعوا شمس على
Transcript:
اهلاً بيكوا في حلقة جديدة من بودكاست كلام ينور ، في الحلقه بتاعه الاسبوع ده والاسبوع الجاي احنا هنذيع استضافة حصلت معايا في بودكاست تاني اسمه يوم ما البودكاست ده بيقدمه عمر المجالي ، انا اتعرفت على عمر من خلال صديقه مشتركه ما بينا هي عرفتني على عمر ووصلتنا ببعض
هو بيستضيف الناس اللي عندها افكار او رواد أعمال في المنطقة بشكل عام الحلقه جميله اسئله عمر كانت كويسه جدا اتكلمنا على الثقافة المالية بشكل عام ، انا بدات البودكاست ليه ، الضيوف بتوعنا بنتكلم معاهم ازاي بنجيبهم ازاي الكلام ده كله واسئله تانيه كتير وموضوعات في المجال المالي لطيفة جداً انا اتبسطت جدا بلقائي مع عمر ، عمر عنده قناة على اليوتيوب هنحط اللينك بتاعها في الشو نوتس و اسيبكم تستمتعوا بالحلقة
المجالي : اهلا وسهلا جميعا في حلقة جديدة من بودكاست يوما ماذا معكم عمر المجالي اليوم راح نحكي عن موضوع كتير كتير مهم وللاسف مش مثقفين عنه كفاية وهو الثقافة والحياة المالية أو المعروف عنها محو الأمية المالية يعني بنحكي كيف بندير أموالنا ونخطط لمستقبلنا بطريقة مستدامة
Introspect Capital ضيفي هو شخص عنده شغف وعلم كبير بهالموضوع اسمه عمر شمس عمر هو شريك لمؤسسة
وأطلق أول بودكاست بالعربي بمهمة التثقيف والتوعية عن الحياة المالية بشكل سهل و مبسط ومفهوم عـ اساس اي شخص عادي ماعنده الخلفية المالية يقدر يفهم هـ المفاهيم المعقدة
اسم البودكاست كلام ينور واليوم راح يساعدنا عمر نتنور بهالموضوع اكتر ويا جماعه قبل ما ابلش الحلقه نصيحتي الكم تجيبوا قلم وورقه وتدونوا الحديث والدروس اللي راح تتعلموها من خلال المحادثة مع عمر عشان فهم الحياة المالية في العالم والمجتمع الرأسمالي اللي احنا عايشين فيه اليوم شيء كتير كتير مهم .. اهلا وسهلا عمر
شمس: أهلاً عمر اول حاجه شكرا لاستضافتي ، احنا كنا بنخطط اننا نعمل اللقاء ده بقالنا شوية وانا مبسوط جداً أنه حصل يعني
المجالي: انا كتير متحمس للحلقه وحابب أعصر كل خبرتك ومعرفتك بهالموضوع خصوصا ان الحياة المالية بدها هيك شوية إعادة هندسة ما راح اكذب
شمس: كلنا عايزين هندسه كل يوم هو مجال دائم التغير ، عمرها ما بتخلص وهي دي المتعة اللي انا بتشدني في المجال ده يعني اللي خلاني اتشد في المجال ده ان مفيش اجابه واحده دايما الموضوع بيتغير هنحاول النهارده نغطي مع بعض حاجات كتير ان شاء الله
03:42
المجالي: الصراحه يعطيك العافيه على اطلاقك للبودكاست وهيك استمرارك بمشاركة العالم بهاد الموضوع عشان نكون صادقين هاي انا بعتبرها معرفة كتير كتير ثمينة عشان للاسف بمحيطنا الاكاديمي و محيطنا العائلي ما علمونا عن هاي الحياه ما علمونا عن الثقافه الماليه ، العالم بتبلش تفكر وتتعلم بهالموضوع لما يختبروا الحياة ويخطئوا أخطاء صغيرة وكبيرة وينضربوا اول الكف ، فليش ما يثقفوا حالهم من قبل عشان يتجنبوا المشاكل اللي ممكن يدخلوا فيها؟
شمس: الحتة دي بالذات هقولك عليها قصه كده سريعه احنا بطبيعتنا تاريخياً حتى الطريقة التي بنعيش بيها في نوع معين من البقاء انت بتبقى عايز تعيش جزء من التحيز للبقاء على قيد الحياة إن انت بتحاول غصب عنك متاخدش مخاطر خالص في حياتك ، احنا مش مجهزين لنظام رأسمالي النظام الرأسمالي ده اخترع بس من 100 سنه او 150 سنه او ايا كان عدد سنين الموجودة لكن قبل كده كانت الأنظمة مختلفة وقبل كده كمان كان انت بس عايز تعيش في الحياة
العلم ده كله علم جديد يعني فكر كده اول مره حد اتكلم في في المالية أو في نظام التقاعد بقاله كام سنه؟ 50 سنة! 60 سنة! فهي تعتبر حاجه جديده
الهدف من الموضوع ان احنا كعرب الحمد لله يعني فينا ناس كتير جدا عندها معرفة ومتفتحين و بنشوف حاجات كتير جداً بره وبنحاول نشوف النظام اللي اتفرض علينا في السنين دي زي نظام الرأسمالي ازاي نقدر نتعامل معاه بأحسن طريقة
بعد 20 او 30 سنه ممكن الانظمة دي تتغير برضه ازاي نقدر نغير طريقة حياتنا فهي دي مش غلطتك ولا غلطه النظام على قد ما هي حاجه في طبيعة الإنسان يعني ده برضه رأيي الخاص يعني
المجالي: انه ما بتخطر على باله غير لما بيجي الأمر أمر واقع ولازم يعلم حاله ، لما يتزوج أو يخش حياه مهنيه بده يشتري اشياء بده يسافر وملاحظ انه ما عنده الادخار المناسب فلما بيتحط بها الواقع وقته الواحد بيبدأ يشتغل على هالموضوع
شمس: مظبوط
05:46
المجالي: شو خطر عبالك انك تبلش هالبودكاست جاي عـ بالي هيك يعني شوية تعطيني خلفيه عنك بهاد السياق لأنه الواحد مابفيق بيوم من الايام يحكي بدي ابلش بودكاست عن محو الأمية المالية أعتقد أنه أمر رائع جداً
شمس: هو في حاجتين محفزة حصلولي يعني ، اول حاجه كمية صحابي اللي بيسألوني انا بشتغل في المجال المالي في إدارة الأصول شغل كله مؤسسات خلينا نقول بالتبسيط كده بنوك بتشتغل مع بنوك ، مؤسسة بتشتغل مع بنك يعني حاجات ملهاش علاقة بالأفراد بس الناس لما بتعرف انك بتشتغل في اي حاجه ليها علاقه بالفلوس بيبتدي يسالك اسئله حتى لو بسيطه انا عندي شيك هصرفه من البنك اصرفه ازاي ، طب انا هاخد قرض اعمل ايه فابتدى يبقى عندي ردود على حاجات كتيره جدا خارج نطاق عملي ولكن هي مرتبطة لان انا بتعامل مع الفلوس من كتر ما أصحابي سالوني
فقلت ما أنا ممكن ابتدي أوثق الكلام ده بطريقه زي مدونه او حاجه كتابياً أو أعمل حاجه انا بحبها زي البودكاست لان انا بسمع بودكاست كتير جدا قبل كده يعني يمكن من اول ما اتعملت وانا بحب اسمعها انا مبحبش اتفرج على التلفزيون مبحبش اتفرج على حاجة بصرياً انا بحب اسمع فتعلمت الهيكل والشكل
المحفز التاني كانت الكورونا لما قعدت في البيت كتير زي ما كلنا قعدنا حسيت ان انا عندي وقت جنب شغلي اقدر اعمل فيه حاجه تانيه فده اللي اداني المساحه ان انا اقدر اقعد فيها لوحدي واكتب واسجل واعمل الكلام ده كله والحاجه التانيه ان انا برضه بطلت اتكلم واقابل ناس وكنت عايزه اتكلم مع الناس يعني انا عارف انها حاجه غريبه شويه بس يعني عارف انت زمان وانت صغير بتتكلم مع اصحابك كتير فقدت الاتصال بالعالم فقدت الاتصال بالناس ، بعدت عن الدنيا ده كان حاجه خلتني ارجع تاني اتكلم مع الناس وأكون صدقات جديده وكده يعني وهكذا ده سريعا يعني اللي خلاني اعمل بودكاست
07:42
المجالي: حلو كتير ، ملاحظة كمان إن البودكاست بتاعك المحتوى بتاعه أول حاجه كتير فظيع ومشغول عليه ومرات بتجيب ضيوف ، الضيوف دول اللي بتجيبهم على البودكاست وبتستضيفهم مين هما؟ هل هما أشخاص بعالم المال عندهم خبرة معينة بيقدروا يشاركوها مع جمهورك ولا هل هما ناس طبيعيين عندهم اسئله؟ يعني شو نوعية الناس اللي بتستضيفهم بكلام ينور
شمس: دلوقتي انا مثلاً في مشوار الشغل العملي أي واحد بيشتغل مهندس او دكتور او اي حاجه هو اتعامل مع نفس الناس اللي في مجاله وبعد شويه لما بتكلم مع واحد بطريقه معينه في حته معينه بتعرف ان هو ده اللي هيوصل معلومه كويسه في الحته دي فببتدي كده كاجوال اقوله ما تيجي معايا نعمل حلقة ونتكلم في الموضوع ده
الناس دي كلها ولا هي مشهوره ولا رفيعة المستوى ولا اي حاجه هي ناس زي كده مانا محدش يعرفني اصلا من البيت او بنعمل مكالمة وندردش في الموضوع بمنتهى البساطة بس انا ببقى عارف الخلفيه او وجهه نظري فيه ان هو ضيف هيضيف للمحتوى نفسه فدي الطريقه اللي انا بجيب بيها ضيوف بتوعي
الحاجه الثانيه اللي انا بجيب مستمعين نفسهم يحضروا معايا الحلقة فعندك كذا طريقة ممكن تبعتلي فويس نوت ، ممكن تيجي معايا لايف ، ممكن تكتب لي الحلقه في مرة واحد كتبلي الحلقه كامله وانا قريتها وقلتها زي ما هو كاتبها بالظبط يعني فدول انا بعتبرهم ضيوف وبعتبرهم جزء كبير جداً من الموضوع يعني الناس اللي بيسمعوا
المجالي: رهيب ، عملت زي مجتمع ومخليه مجتمع نشط ومساهم في المحتوى بتاعك
شمس: وكلنا عايزين نعرف هنعمل إيه في فلوسنا فاهم قصدي فأي حد ممكن يساهم يعني
09:30
المجالي: 100% ، وبس عشان الناس تعرف شي إنت ذكرته عم تحكي إن الناس ما تعرفك هلأ فعلياً للي بيحضر هالحلقة على يوتيوب هو عمر بيفضل إنه يكون صوت من خلف البودكاست خلاص عنده بتفضل إن الشكل بتاعه يكون صوتياً عشان الناس تركز بالمحتوى اللي هو بيشاركة عبر السمع أكتر من وسيلة بصرية وعشان هيك يمكن الكاميرا بتاعتي بس هي اللي باينه
شمس: وممكن نعتبر نفسنا في 1960 مثلا اكن لسه مفيش تليفزيون واحنا في الراديو والراديو المشهور برده
10:13
المجالي: البودكاست في نهاية الأمر هو وسيلة استماع ، أنا مرات بحط الاختيار للي حابب فيديو بس على أي حال ، راح نبلش يا عمر بمحل أو موقع اذا بدك غريب لهالموضوع قبل ما نتعمق فيه شوي لفت نظري عنوان بالانستجرام بتاعك لما كنت بتصفح فيه وكان عنوان البوست العلاقة ما بين الحياة المالية والصحة أو الصحة النفسية أو الصحة بشكل عام ، حبيت عنوانها كتير لأن اللي بيعرفني بيعرف قد إيه انا عندي شغف للصحة النفسية والصحة واللياقة العاطفية بشكل عام فأحكيلي أكتر عن العلاقة اذا عامل بحث عليها أو عندك أي فكرة أو وجهة نظر على الموضوع
شمس: آه أنا هعتبرها وجهة نظر نظري يعني في الحاجات الماليه والحاجات الغير ماليه جزء كبير جدا من الصحه النفسيه بتاعه الانسان من توقعاته في الحياه ، يعني انت النهارده متوقع انك مثلا تبقى لعيب كوره مصري يعني زي مثلا محمد صلاح التوقعات بتاعتك نسبه تحقيقها صعبه جدا فلو مبتحصلش بتبتدي تضايق وبتبتدي تزعل
انا اللي بحاول اعمله سواء بقى في الفلوس او في أي حاجه ان احنا نخلي التوقعات بتاعتنا ضمن القدرات اللي احنا موجودين فيها ، لما انت بتعمل كده نسبه الرضا والسعاده بتاع اللي عندك بتشوف الحياه من منظور اخر
الفلوس مشكلتها الكبيره بقى ان الناس التوقعات بتاعتها في كل مكان انا عايز اجيب بيت رائع ,عربيه جميله وابقى اغنى واحد في العالم واطلع على فوربس 1000 ، واعمل أكبر شركة في نفس اللحظه وانا بيبتدي حياتي
فبيحصل إحباط جامد للناس ، الناس مبتاخدش بالها ان الحياه الماليه عباره عن 40 او 45 سنه ايا كان الناس ممكن تقعد فوق 60 حتى انها تشتغل لازم تخطط على المدى الطويل لو عندك الرؤيه بتاعه المدى البعيد كل الإحباط اللي بيحصلك على المدى القصير في حياتك مش هتبقى هماك لانك ماشي لهدف معين
الناس دايما بتحب اوي الهدف او بتحب انها تبقى مشهوره او تبقى عايز تعمل فلوس او اي حاجه وبتنسى ان الحياه كلها عباره عن الرحله نفسها اللي انت ماشي جواها فالبودكاست ده وغيره من الحاجات اللي بتستهدف الصحة النفسيه من وجهة نظري المفيده ايا كان الشكل اللي انت موجود فيه بتخليك تبقى فاهم اه انا كده النهارده ولكن انا قدام عايزه ابقى كده ومش لازم افضل قاعد باصص على النتايج ان انا مستني النتيجه
فانا بحس ان الفلوس هي جزء كبير جدا من التعاسه بتاعه الناس عشان الناس مش فاهماها الناس مش عارفه حجمها ولا عايشه هي بحجمها ولا عارفه تخطط صح فبتبقى تايهه فكل ما يجي الكلام على الفلوس الناس تضايق وتغضب دي سريعا برضه للصحه النفسيه مهمه او لها علاقة بالفلوس
المجالي: 100% علاقتنا مع الفلوس بتاثر كتير على الواقع بتاعنا حول الفلوس كتير ناس حوالينا عندهم علاقه سيئه مع الفلوس في ناس عندهم وهي لسه اتوقع انه عنصر تاني عن الموضوع ضروري نتعمق فيه وهي السيكولوجية المالية في ناس عندها كرة للمصاري بس تاني ده موضوع تاني
بس حبيت فكره انك بتحطهم في الواقع وانت بالبودكاست بتاعك بتعطيهم مرايه انت موقعك من الاعراب اليوم بتحاول توصل لنقطة بهاد اللي لازم تنجزه
شمس: مظبوط ، وبعدين فكر في العلاقات الإنسانية كلها ما بين مثلا اتنين متجوزين دايما المال بيخش في العلاقة ، اتنين شركاء في الشغل المال بيخش في العلاقة ، انت موظف ومديرك الفلوس بتخش في العلاقة ، فمع الأسف الفلوس بتلمسنا كل يوم في كذا حته في العلاقات وكل واحده من الحاجات دي ليها هيكلة هتقلل نسب المشاكل لو انت مشيت بيها دي من وجهة نظري برضو
14:06
المجالي: 100% طب خلينا ندخل اكتر في الموضوع اول شي بشكل عام وبعدين نقدر نتعمق فيه اكتر ، شو هي الأركان الرئيسيه يا عمر اللي بتمثل الإدارة المالية السليمة ، العناصر اللي لازم دايما نفكر فيها لما بنحكي على الادارة المالية او الصحه مالية
شمس: الأركان الرئيسية زي المولود أو زي البيبي انت بتتولد فبتتعلم شوية حاجات وبعدين تبتدي تمشي وبعدين بتبتدي تجري وبعدين بتكبر وعضلاتك بتقوى نفس الكلام في الفلوس هرجع تاني ان انت لازم تبقى عارف المرحلة اللي انت فيها لما تعرف المرحلة اللي انت فيها انت بتعرف قدراتك المادية فين بمعنى إيه
أنا النهاردة لسه خريج من الجامعة اول شغلانه ليا دي مرحلة اللي هي مرحلة الولادة لسه داخل السوق العمل الفتره اللي فاتت دي كلها كنت اهلي بيصرفوا عليا مثلا هنا في تعامل بطريقه معينة مع الفلوس المرحله اللي بعد كده لما ابتدي يبقى عندي فائض كويس واقدر اعمل بيه حاجه تانيه بتحول من المرحلة دي للمرحله اللي بعديها
في حلقه احنا اتكلمنا عليها اسمها 8 مراحل للحرية المالية هتلاقيها في البودكاست هي بتتكلم على مراحلك انت بتمشي ازاي في حياتك لحد ما توصل للحرية المالية في الاخر فبترجع كلها لحاجه واحده انت لو شغال في شركه الشركه دي هدفها ايه يعني تعالى نقول كده انت راجل موظف الشركه دي هدفها ايه انا بسالك قولي كده الشركه دي مفتوحه ليه عشان تعمل فائض اقتصادي يعني بتعمل ارباح معينه جايه من ان المبيعات بتاعتها اعلى من المصروفات بتاعتها
لو خدنا نفس المفهوم ده في كل مراحل حياتنا هو ده بدايه او الركن الاول في الفكر الاقتصادي الصحيح للبيت او للشخص الإقتصاد الشخص ، انت عندك دخل وعندك مصروف ما ينفعش تنجح لو مصروفك اعلى من الدخل ده اول حاجه بديهية في الدنيا بس الناس عمرها ما بتبسط الموضوع لهذه الدرجة الناس مبتبقاش القابلية انها تتابع مصاريفها او حتى تبقى عارفه هي صرفت قد ايه الشهر ده لان بيبقوا تايهين في حاجات تانيه في الحياة وبيبقى في نوع من انواع عدم الالتزام والتفكير في الفلوس والمشاكل كتير قوي
يبقى اول ركن هو ان يبقى عندي فائض ما انت لو شركتك فاتحه وبتخسر كل سنه بعد شويه هتقفل نفس الكلام كإنسان لو اديت ابنك 20 جنيه او 20 دينار او 20 دولار وراح صرف اكتر منهم الراجل مش هيديله حاجه نفس الفكره لو حاجه لطفل صغير هيعملها انت كراجل مدير بيت لازم تعملها انت النهارده معاك 20 بتوع الشهر ده هما دول اللي أنا لازم اصرفهم مينفعش أطلع أكتر من كده فده أول ركن اللي هو الميزانيه بنسميه الميزانيه انك يبقى عندك ميزانيه واضحه فيها بنود واضحة انت بتصرف بطريقه معينه وفاهم أنت بتعمل ايه
الركن التاني المهم ان انا زي ما بهتم بعمر بتاع النهارده وهتكلم على عمر انت مش عمر انا يعني ، أنا لازم اهتم بعمر بتاع قدام يعني لازم اضحي بالاستهلاك بتاع عمر بتاع النهارده ان انا اعرف ان في عمر قدام هيكبر وهيحتاج فلوس وهيخلف وهيدخل مدارس وهيتقاعد وهيعمل حاجات كتيره جدا في حياته طيب عمر النهارده هيعمل ايه لعمر بتاعه قدامي صعب اصلاً انك تفكر في احتياجاتك قدام واحد اصلاً صعب يعرف احتياجاته بكرا الصبح أو بعد بكرا الناس مش بتفكر بالطريقة دي فانت بتقولي نبقى انسان ممل كفايه ان انا افكر في عمر بتاع قدام هيبقى عاوز ايه ده صعب مش حاجه سهله مع انه هو هو عمر فاهم قصدي بس احتياجات عمر بعد عشر سنين او 15 سنه او 20 سنه هتختلف تماماً عن عمر النهاردة
بعد كده الركن التالت اللي هو خلينا نقول الاستثمار ، طب أنا عرفت وعملت ميزانية وبعدين عرفت إن في عمر لما يكبر عايز حاجه تانيه اعمل ايه بقى لعمر اللي قدام ده لازم ابتدي اعمل خطط اقتصادية ، نفس الكلام لو فكرت فيها هي هي شغل الشركات وهي هي شغل الحكومات ، الحكومات الشاطره هي بتعمل خطط مستقبلية بتستهدف حاجات معينه نفس الكلام انت بتقعد تفكر على المستوى الشخصي
طب الكلام ده غلس ومعقد وملهوش معنى وصعب وممكن تقول عليه حاجات كتير جداً
المجالي: راح نحكي على الاستثمار أكيد ، هنتعمق فيه أكتر حابب كده أنكش مخاتك على الموضوع
شمس: آه بس قصدي لما توصل تكسر الموضوع كده ونتكلم بيه بالشكل ده انا بحاول أقنع الناس إن الموضوع مش معقد يعني هو ده هدفي بالظبط اننا أكسرلك المشكلة اللي هو انت شايف خبير أقتصادي عالمي رهيب بيتكلم على حاجات صعبة جداً انا مش عايز كده انا عايز أقولك هو الموضوع بسيط بس لازم يبقى عندك خطة
19:05
المجالي: حلو كتير ، دول أهم العوائق اللي بتوقف بطريق الشخص العادي لينمو أمواله وفي كمان مشكلة أتوقع انها عندنا في المجتمع شائعة كتير ، مشكلة بنشوفها حوالينا طول الوقت وبلاحظ هاي المشكلة انت بتحب تسلط عليها الضوء بالمحتوى بتاعك هو عن الكريديت كارد أديش هاد الإشي مدمر لحياتنا المالية ولكن بالرغم من معرفتنا بهاد الاشي ولكن تجد الكثير من الأشخاص بيحملوا كريديت كارد على الأقل انا محيطي ما بعرف أي احد ما عنده كريديت كارد شخصياً .. اش رأيك على الكريديت كارد بشكل عام قبل ما نحكي عن الاستثمار والادخار وندخل بالمواضيع دي خلينا نحكي عن حاجه واقعي وملموس بحياتنا
شمس: أنت عندك كريديت كارد وأنا عندي كريديت كارد ، هي المشكلة في طريقة استخدامك للكريديت كارد ، الكريديت كارد ده معمول عشان الاستهلاك يعني هو بيديك قرض أو بيديك سحب على المكشوف على فلوس مش عندك النهاردة بنسبة كبيرة جداً هتستخدمها في الاستهلاك يعني مينفعش مثلاً تروح تشتري بيت بالكريديت كارد ما ينفعش تروح تشتري عربيه بالكريدت كارد مش الاحجام بتاعتنا يعني مبتكفيش نشتري عربيه بس في ناس يمكن بس قصدي الاغلبيه العظمى الكريديت كارد حد صغير عليه فوائد عاليه جدا بيشتغل عند البائغين بتوع الاستهلاك فدي اول مشكله كبيره في نوع القرض اللي هو بيخليك او بيغريك تصرف فلوس لسه ما جتلكش على حاجات احتمال متبقاش محتاجه اصلا
المجالي: فلوس انت ما عندك اياها فعليا
شمس: اه هي مش موجوده هو ضمان وان شاء الله هتدفعها
المجالي: لوحده هاد المفهوم مجنون
شمس: هي مش موجوده فاهم وعلى المدى القصير وتقدر تصرفها في أي حته وسهله جدا ومش هتحس باي حاجه هتقعد تصرف تصرف سيكولوجيا هم دارسين طبعاً الموضوع انك اسهل تزود الصرف بالطريقه دي فدي اول مشكله في الكليت كارد
تاني مشكله ان الفوايد بتاعتها مجنونه يعني في فوايد عاديه وفي فوايد عاليه وفي فوايد مجنونه ، الكريديت كارد الفوايد عليها مجنونه ، الناس بس ما بتاخدش بالها ان الكريديت كارد بتاعك ده ممكن تدفع عليه مثلا من 30 لـ 40% فوايد سنوية
انت شايف المبلغ صغير شايف 1000 دولار 2000 دولار ايا كان رقم انت شايفه صغير فبيقولك هات 5% منه بس النهارده مش عايزه كله طيب خد 50 دولار بس انت هتلاقي الـ 50 دولار دول ممكن يكون فيهم 30 دولار فوايد او 40 دولار فوايد شهر فالمفهوم نفسه خطير جدا ، هو هيفضل سايبك هو مش عايزك تدفع ، مش عايزك تسد القرض اللي عليك هو عاوزك تقعد عندك رصيد سالب على الكريديت كارد عشان تدفع فوايد ، طبيعي انت بتقولي انا هصرف وهصرف كتير وهصرف بشراهه وهدفعك فوايد عاليه يبقى هنا في مشكله كبيره
الأغلبية العظمى وبرضه في حلقه على الارقام مش متذكرها قوي عن الكريديت كارد جايبين الناس بقى اللي بتدفع فوايد والناس اللي مبتدفعش ، فهو بيكسب على الناس اللي بتفشل انها تدفع في الوقت هو بياخد 40 او 30% من الناس دي
انا مش مشكلتي مع القرض القرض في ظروف تانيه بيبقى كويس جدا في الاستثمار لو انت بتشتري بيت لو انت بتعمل أصول سعرها هيطلع في المستقبل لا انت عايز تستلف ولكن لما بتستلف في الاستهلاك لما تستلف عشان تسافر عشان تعمل حاجات كده صعب اقتنع بيها كقرار استثماري مهتم بـ عمر المستقبلي ده بمنتهى البساطه الكارثتين الموجودين في الكريديت كارد
انا قلت لك اول ما تكلمنا انا عندك انا عندي كريدت كارد أه ، أنا بستخدمها وبدفع في الوقت وباخد المنافع بتاعتها بس عشان انا مسيطر على وضعي المالي وعارف انا بعمل ايه قليل جدا 2% او 1% من الوقت نسيت ونزل عليا فوايد بس انا دايما بستخدمها لان في فوائد في الكريديت كارد برضه اللي هو النقاط ، المكافآت الحاجات اللي بتاخدها من النظام نفسه بس تاني هو سلاح خطر لاي حد يعني لازم تبقى بتعرف تستخدمه
المجالي: 100% تعرف انا لهلأ مرات صراحة شخصياً وهكون بكذب عليك اذا بقولك انا بعرف انه مرات بيقولي الكريديت كارد انه لازم أدفع قيمة معينة قبل تاريخ معين وبدفعهم دول مرات بس ما بعرف هل هو اذا دفعته بيقيم عني المصاريف ولا هل هاد اشي منفصل عن موضوع المصاريف ، هل هما اشياء منفصلين عن بعض اللي هما الحد الأدني لتدفع مبلغ معين؟
شمس: هو بيوريك الرقم اللي هو عايزك تدفعه عشان ينزل عليك فايدة فهو بيقولك الحد الأدنى للدفع هذا الشهر هو كذا فأنت هتروح تدفع الرقم وتفتكر انك دافع النظام نفسه معقد انك تفهمه
المجالي: أنا هيك بفكر
شمس: آه ، أنت الحل الوحيد عشان مينزلش عليك فوايد انك تدفع اللي انت دفعته خلال الشهر اللي صرفت فيه كله
المجالي: كله؟؟ سامعين يا جماعة
شمس: لأنك لو قعدت الشهر اللي وراه ومدفعتش هيبتدي ينزل عليك فوايد ، الدايرية بتاعها بتبقى الحد الأقصى فيها 55 يوم ده اللي بيبقى مفيهوش فوايد لكن بعد كده وبيبهدلك
لو سحبت بقى كاش دي بقى كارثه تانيه ، لو سحبت كاش من المكنه بيعذبك اكتر لانك بقى بيديك كاش من المكنه فدي فيها فوايد يوميه مركبة رهيبه من اول لحظه بقى وانت ماشي من عند ATM هو خلاص بيحاسبك فوايد
المجالي: انا ما كنت افهم هاد الاشي مره كنت مسافر مع اصحابي على المكسيك مسافره من السفارات وسحبت من كريديت كارد ابوي مصاري كاش وبتذكر انصدمنا انا وياه على كمية الفوايد اللي خلونا ندفعها كان في فوائد مركبة يومية فمن وقتها تعلمت درسي بطريقه محترمه يعني
شمس: طبعا انت في طرق لو عندك مشكله في الكريديت كارد وعندك دين كبير في حلول انك تعرف تلغي الدين بتاعك ده بدين من نوع تاني يعني مثلاً تاخذ قرض شخصي تدفع كل الديون الوحشة اللي عليك ، يعني في مبادئ كده بتعملها بنصح الناس بيها يعني عشان بيعرفوا يخرجوا من دايره الديون لان مع الاسف برضه دايره الديون زي الادمان لما بتخش فيها بالصعوبة جدا تعرف تخرج منها فهي كلها قرارات شخصية او حاجات سلوكية يعني
المجالي: 100% الصراحة انا بحب الموضوع ده كتير عشان بعرف انه فعلياً اذا بدك هي ثقافة هي روتين لإدارة العمل لازم نطورها ولازم نلتزم فيها واذا ألتزمنا فيها راح نقدر نتمكن من انه نأمن حالنا في المستقبل ونحط حالنا بمحل أأمن مالياً وأريح
25:53
المجالي: في شغلتين بدي أحكي فيها يا عمر وبدي أرجع لموضوع الإدخار والاستثمار ، حابب أحكي عن هادول الأتنين بس حابب أكتر يمكن نبدأ نحكي بالادخار عشان أنا عندي مشكلة بهالموضوع ، حابب أسمع منك هل في طرق ووسائل سهلة وموجودة بتخلينا ندخر مصارينا ، هل في نسبة معينة من راتب الشهري لازم نحسب حسابه ، هل في شغلات انت طبقتها بحياتك وسائل ساعدتك .. كيف بتتعامل مع موضوع الإدخار بشكلك اليومي؟
شمس: العالم بره مثلا بيقولوا انك محتاج تستهدف هناخد مثلا 20% من الدخل بتاعك ال 20% من الدخل بتاعك دول لازم يبقى موجودين في الركن الاولاني اللي احنا اتكلمنا عليه اللي هو الميزانيه يعني انا لازم ابقى فاهم ان انا بيجيلي 100 دولار في الشهر لازم ابقى فاهم قبل ما فكر اني احوش اصلا لازم اقعد مع نفسي واجيب ورقه وقلم او ايا كان اللي انا هكتب عليه واشوف ال 100 دولار بتاعتي دول ازاي هطلع منهم الـ 20 دولار اللي انا هوديهم في الادخار لان الادخار اساسيات زيه زي الكهرباء والمياه الايجار والحاجات دي كلها
لو انت ما حققتش نسب السيفنج بتاعتك المظبوطه انت بتاخد من مستقبلك بمنتهى البساطه يعني انت لو محققتش الادخار انت هتيجي في مرحلة معينة في حياتك هيبقى عندك نقص لان احنا مش منتجين طول عمرنا
فعشان اعرف الكلام ده لازم ابتدي اشوف ميزانيتي اشوف انا هصرف ازاي على كهربتي ومايتي اللي هي البنود بتاعة الحياة الطبيعية كلها عشان اعرف اوصل لل 20%
في ناس ممكن تفاجئ انها ممكن تحوش 30% و 40% عادي وشايفه ان الـ 20% دي سهله جدا ده لانهم لسه في اول حياتهم يبقى خير وبركه ، طيب في ناس لا انا لما قعدت حسبت حساباتي انا هقدر اشيل بالعافيه 10% او 7% يبقى انت هتبتدي كده وبعدين مع الوقت محتاج تتطوري وتزق نفسك اكتر للـ 20%
طيب ده من الناحيه الفكريه عشان دي زي ما بنقول خطة اللعب زي ما بنلعب ماتش كوره دي خطة اللعب بتاعتنا 20%
تنفيذه بقى زي كده ربنا خلقنا كل واحد كده شكل ولون وبصمة كل واحد عنده تفضيلات معانا في الحياة في ناس معتدلين ، في ناس متهورين ، في ناس عاقلة ، في ناس أياً كان بقى الطريقة اللي انت بتعملها ولكن الطرق بتاعة الادخار كتير جداً
أنا نفسي ابتديت أول طريقة حوشت بيها في حاجه في مصر معرفش هي عندكوا في الأردن ولا لأ حاجه اسمها جمعية ، الجمعية دي عبارة عن نظام ما بين صحاب مثلاً كل واحد بيحط جزء كل شهر وفي واحد في الشهر بيقبضها اسمها ايه عندكوا في الأدرن؟
المجالي: الجمعية
شمس: اسمها الجمعية أوكية ، حلو أوي ، دي كانت أول حاجه أعملها ، أول طريقة أجبرتني على التحويش ، ما أنت محتاج برضه تجبر شوية
المجالي: 100% لازم يبقى في ميكانيزم
شمس: لازم يبقى في ميكانيزم ، ممكن الميكانيزم ده يبقى بدائي ، انا لسه ببتدي في حياتي فأخترت الجمعية لقيت عندنا حد في العيلة منظم واحده هي المنظم بتاعة الجمعيات هي اللي بتنظم العلاقات ما بين الناس عشان محتاجه حد ينظمها فقولتلها أنا عايز أخش بحته من دخلي والحته دي مش فاكر يعني قد إيه كنسبة بس أنت ممكن تحط نسبة معينة من الدخل بتاعك دي طريقة معينة انك بس تبتدي بمجرد ما بيجيلك أول مبلغ في حياتك هتحس ان انت انسان انجزت حاجه كبيرة في الدنيا حتى لو الرقم ده صغير جداً مهو تاني انت محتاج تتشجع ايه ده انا اول مره ألاقي حاجه في البنك بتاعي ، البنك لأول مره مش عايز مني فلوس أنا اللي عايز منه فلوس فدي الخطوة الأولى
بعد كده تجبر نفسك على استثمار بأي طريقة يعني ممكن تشتري عقار ، ممكن تشتري أسهم ، ممكن تشتري سلع ، ممكن تشتري كل دول تعمل محفظة مجمعة من الحاجات دي كلها طريقة الاستثمار وده اللي انا بشوفه مشكلة في المحتوى الموجود في العالم كله أن الناس مركزين على الجزء بتاع الاستثمار هما مش بيركزوا خالص على البداية والوسط وبعدين الاستثمار ده اللي هو في النهاية تحس ان العالم كله كده مثلا مليونيرات او كلهم عايزين مستشارين ماليين مع ان كل اللي بيستهلك المحتوى في العالم هو اصلا محتاج محتاج يبدا يحوش
هقولك على حاجه لو انت اول سنه أأمن حاجة انك تحط الفلوس تحت السرير عندك في البيت اعمل كده
المجالي: انه تشوف الطريقه اللي بتناسبك ما في طريقه واحده صح
شمس: مفيش ، انا كنت واثق في الست دي في العيلة بتاعتنا فكنت بديها الفلوس فعندي ثقة ان الفلوس هترجع بطريقة بسيطة وبدائية قدر الإمكان فاهم قصدي
أول مره ممكن أكون حطيت مثلاً دفعة أولي لبيت صغير واخدت جزء كبير من دخلي وقتها لأن وقتها انا كنت سنجل لسه متجوزتش وابتديت أحوش جزء من دخلي في حاجه على قسط مثلاً على 6 أو 7 أو 8 سنين مع الوقت هتلاقي فجأة انك بقى عندك أول أصل موجود في حياتك ده بس مش هيدخلك دخل لأ ده هشجعك تجيب حاجه تانية لأنك نجحت وعملت أول خطوة
في بقى فئات أصول كتير جداً ممكن تختار منهم وتحط فلوسك فيهم زي البنوك ، شهادات الاستثمار أياً كان بقى الفلوس هتستقر فين مش دي مشكلتي خالص ومش دي اللي بحس انها هتفرق في حياتك النهاردة اللي هيفرق في حياتك النهاردة هو الألتزام بتاع الإدخار نفسه انك تحقق فائض وتبطل تاخد قرارات ملهاش معنى بعد 5 دقايق هتندم عليها او بعد سنة هتندم عليها هو ده اللي انا بحاول أغيره في التفكير بتاع الناس
المجالي: كتير حلو ، وفعلياً أعتقد ان الموضوع في أساسه بيبدأ من انه يكون عندك الألتزام والمواظبة بمراقبة وإدارة مالك وهو نظام هتتعود عليه بعد فترة معينة
شمس: بالظبط
وبكده نكون وصلنا لنهاية الجزء الأول بشكر كل الناس جداً اللي وصلت معانا للجزء ده من الحلقة وخلصت الحلقة معانا وان شاء الله نكمل اللقاء الجميل ده الاسبوع الجاي واشوفكوا ان شاء الله الاسبوع الجاي
Translation of some words and terms:
Financial Literacy محو الأمية المالية
It's An Ever Changing Field هو مجال دائم التغير
Honest صادقا
Valuable Knowledge معرفة ثمينة
Historically تاريخياً
The Way We Evolve الطريقة التي نتطور بها
Survival Bias تحيز البقاء على قيد الحياة
System النظام
Triggers محفزات
Document توثيق
Blog مدونة
Visually بصرياً
Format And Structure الشكل والهيكل
High Profile رفيعة المستوى
Guest ضيف
Community مجتمع
Contribution مساهمة
Preference تفضيل
Visual Medium وسيط مرئي
Emotional Fitness اللياقة العاطفية
Perspective وجهة نظر
Expectations توقعات
Within ضمن
All Over The Place في كل مكان
Startup شركة ناشئة
Frustration إحباط
Result Driven مدفوعة بالنتائج
Money Mentality عقلية المال
Pillars أركان
Loan قرض
Overdraft السحب على المكشوف
Limit حد
Venders بائعون
Negative Balance الرصد السلبي
Interest فائدة
Fail يفشل
Points نقاط
Rewards مكافآت
Fees مصاريف
Minimum Period الحد الأدنى للفترة
Minimum Payment This Month الحد الأدنى للدفع هذا الشهر
Complicated معقدة
Daily Compound Interest الفائدة المركبة اليومية
Debt دين
Discipline التزام
Rent إيجار
Shortage نقص
Strategy استراتيجية
Preferences التفضيلات
Conservative متحفظ
Risk Takers متهورين
Forced تجبر
Lump sum دفعة واحدة
Property ملكية / عقار
Commodities سلع
As Simple And Primitive As It Can بسيطة وبدائية قدر الإمكان
Down Payment الدفعة الأولى
Asset أصل
Generate يولد
تنويه هام: جميع الآراء التي تم التعبير عنها من قبل شمس وضيوف البودكاست هي آراؤهم الشخصية ولا تعكس رأي أي كيان ينتمون إليه. هذا البودكاست مخصص لأغراض تعليمية فقط ولا ينبغي الاعتماد عليه في القرارات الاستثمارية. أي اعتماد على المعلومات المقدمة يتم على مسؤوليتك الخاصة
#كلام_ينوّر #بودكاست #بودكاست_عربي #بودكاست_بالعربي #يوما_ما