128. حوار مع "ساكسو بنك" منصة تداول عالمية - الجزء الأول
كلام ينوّر أول بودكاست عربي مبسط عن الحياة المالية
linktr.ee/Kalamyenawar : في اللينك ده هتلاقوا كل الروابط الخاصة بكلام ينور تقدروا تتواصلوا معانا وتسمعونا من خلالها
دايماً بتسألونا عن منصات للتداول في حلقة النهارده بنتكلم عن "ساكسو بنك" بنك استثماري (مقره الدنمارك) متخصص في التجارة والاستثمار عبر الإنترنت في أسواق رأس المال العالمية
: روابط خاصة بـ ساكسو بنك
Home.Saxo
Saxo Bank @LinkedIn
ضيفنا النهاردة هو أ/ عمّار معلا مدير مبيعات "ساكسو"، خبرة أكتر من 9 سنين في قطاع الخدمات المالية ومتخصص في المبيعات المباشرة وإدارة العلاقات
Ammar Moualla @LinkedIn :تقدروا تتواصلوا مع عمّار
: في الجزء الأول
(03:50) كلمنا عن تاريخ ومهمة بنك "ساكسو"؟ -
(06:02) ازاي "ساكسو" بيساعدني في رحلة الاستثمار؟ -
(08:16) هل بتقدم خدماتك للأفراد والمؤسسات؟ -
(10:36) كلمنا على عدد العملاء والأسواق اللي بيغطيها بنك "ساكسو"؟ -
(15:21) هل البنك بيغطي كل أسواق الأسهم العالمية؟ -
(16:40) هل البنك بيقدم صناديق استثمار تقدر تتداول عليها؟ -
(20:29) هل "ساكسو" بيقدم أي مصادر تعليمية؟ -
(22:00) هل بتقدموا حسابات تجريبية؟ -
(23:37) هل ممكن افتح حساب بسيط اشتري أسهم أو صناديق متداولة فقط بدون رافعة مالية؟ -
..استنوا الجزء التاني الإسبوع الجاي هنكمل حوارنا مع عمّار عن ساكسو بنك
تابعوا حلقتنا واكتبولنا آرائكم بعد سماع الحلقة
: للأسئلة والأقتراحات
: تابعونا على موقعنا الإلكتروني
👇 وصفحتنا على
Omar Shams @ Clubhouse Omar Shams @ LinkedIn : تابعوا شمس على
Transcript:
اهلاً بيكوا في حلقة جديدة من بودكاست كلام ينور
أكتر سؤال جالي من ساعة ما أبتدينا البودكاست على وسطاء او سماسرة ممكن الناس تفتح معاهم دايماً هقول الناس لازم تبص على الشركات اللي هي بتفتح فيها، تذاكر هي مين بتعمل إيه والكلام ده كله ودايماً تبقى متابعة أخبار الوسطاء الماليين بتوعها لو الوسيط ده مثلاً مدرج في بورصة ما دايماً بتبقى اخبارة موجودة فالنهاردة انا مستضيف معايا أ/عمّار معلا هو بيقود المبيعات في ساكسو بنك في مكتب الإمارات
عمّار هيساعدنا النهاردة نتعرف يعني إيه ساكسو بنك، إيه القصة اللي وراه، تاريخه، إيه الأدوات اللي بيقدموها ازاي ممكن نحلل الخدمات اللي بيقدموها، وبرضه انا بنصح الناس وبأكد دايماً لازم تعمل البحث بتاعك في اي خطوة انت بتعملها بس الهدف من الحلقات دي ان احنا نفهم اكتر، نحاول نسأل أسئلة تيجي على دماغ الناس اللي بتسمع فأتمنى تكون حلقة مفيدة هتلاقوا الروابط بتاعة ساكسو بنك وعمّار في الشو نوتس وهسيبكوا تسمعوا الحلقة
(02:08)
عمر: عمار أزيك، اولاً شكراً جداً على وقتك معانا النهاردة حلقة مهمة من الحلقات اللى انا مستنيها وبنعدلها بقالنا شوية اولاً عايز اشكرك على وقتك واهلاً بيك في كلام ينور
عمار: أول شي شكراً كتير على الاستضافة، البودكاست انا من زمان متابع حلقات منه وبحب المحتوى اللي بتقدمه اكيد وكتير بيسرني اني اكون ضيف معاك فشكراً كتير ليك
عمر: شكراً ربنا يخليك يا عمار، النهاردة احنا هنتكلم على ساكسو بنك وإيه اللي بيحصل، عايز احكيلك قصة صغيرة كده يمكن متكلمناش فيها قبل التسجيل انا مش فاكر من كام سنة من كتير اوي من اول ما ابتديت المجال بتاعي كنت بدور زي اي حد بيدور أونلاين عايز اعرف الاسواق العالمية إيه اللي بيحصل كان من الحاجات اللي بتطلعلي دايماً ساكسو بنك وخاصة انهم كان عندهم محفظة افتراضية وكانوا من أوائل الناس من زمان جداً يعني من وقت ما كان الإنترنت بالاتصال التليفوني أنا مش عارف برضه صلحلي المعلومة لو انا غلطان او بألف مثلاً ودي حاجة مش حقيقية
عمار: في ساكسو احنا بنقدم خدماتنا من 1992 فمرة فترة الاتصال التليفوني، مرة فترة انك تحط الكارت وتنتظر الاتصال عشان تفتح المنصة
عمر: آه من أوائل الحاجات اللي بجد شوفتها وفاكر اني فتحت حساب افتراضي زمان عشان افهم يعني إيه أسهم وعشان يعني إيه فوركس واعرف المنتجات كلها الموجودة في الاسواق العالمية وساكسو كان من الناس دي وقتها وجه الوقت اهو اللي بنعمل معاكو حلقة فتاني أنا سعيد جداً بوجودكم معانا
(03:50)
عمر: الأول عايز ابتدى تدينا كده إيه هو بنك ساكسو تاريخة، المهمة بتاعه بتعملوا إيه سريعاً يعني
عمار: بالنسبة لنا مهمة ساكسو في الدرجة الأولى من أول يوم تأسيسه تسهيل الوصول للأسواق المالية لكل المستثمرين بأقل تكلفة وبأعلى جودة ضمن التراخيص وحماية الإيداع الأعلى بالسوق
فبشكل عام ساكسو بنك احنا بدأنا بتقديم خدماتنا من 1992، زي ما أنت حكيت من شوية من أيام أتصال الإنترنت بالتليفون وحتى من قبل كان الناس اللي مهتمة تتداول معانا كانت بتحط طلباتها عبر التليفون، يعني يتصلوا على ساكسو بنك عشان يحطوا الطلبات بتاعتهم أنا بدي أشتري السهم كذا الكمية كذا فتاريخ تأسيس ساكسو بيعز عليا كتير لأنه بنفس سنة ميلادي فأنا بشوف اننا بنكبر مع بعض من هذه الناحية
من ناحية الكبر بساكسو بنك نحنا بنك دينماركي مرخصين من هيئة الرقابة المالية الدنماركية، مقر البنك بالضرورة الدنمارك، عندنا 14 مكتب حول العالم بما فيهم دولة الإمارات مكان ما احنا موجودين وبنسجل، احنا عندنا أكتر من 2500 موظف بساكسو بنك، طبعاً الرقم ده يعتبر كبير بالنسبة لنمط الخدمات المصرفية اللي احنا بنقدمه احنا عندنا خدمات بنكية استثمارية فعادة هذا العدد بيشوفوه في السوق عدد كبير من الموظفين بس السبب بسيط زي ما حكينا من شوي ان بالنسبة لنا في ساكسو بنك عاوزين نقدم افضل خدمة وأعلى جودة وبالتالي كل شيئ احنا بنعمله داخل البنك، فضمن ساكسو بنك موجود خدمة عملاء، المبيعات، إدارة العلاقات، موجود القسم التقني المسؤول عن تطوير المنصة كل شيئ ساكسو بيعمله هو ضمن ساكسو
فبالتالي احنا مش بنعتمد على اي طرف تالت لتقديم أي شيء من خدماتنا إلا الوصول للسوق في بعض الاحيان بس بشكل عام بنقدم كل شيء في ساكسو بنك وبنطور كل شيء داخل المؤسسة
(06:02)
عمر: طيب انت كراجل مستثمر ازاي ساكسو بنك بيساعدني في رحلة الاستثمار؟ يعني إيه اللي انت بتقدمه للمستثمر؟
عمّار: احنا بنقدم للمستثمر الوصول شبه الشامل لكل الأدوات المالية المتاحة لحتى يبني محفظة استثمارية بتلبي تقريباً كافة الأحتياجات فخليني احكي بمثال المبتدأ الشخص المهتم بالاستثمار بس مش عارف حاجه
انت النهاردة فتحت حساب مع ساكسو بنك هيبقى عندك وصولو لـ 3 منصات:
SaxoInvestor
SaxoTraderGO
SaxoTraderPRO
طبعاً كل منصة من المنصات هي مجانية الوصول، كل منصة بناءاً على استراتيجية معينة أو اسلوب استثمار أو تداول معين
لما بتدخل على المنصة بتشوف عندك قسم الأبحاث الخاص بينا في ساسكو بنك هتشوف الاخبار والتحاليل مقسمة حسب الأدوات المالية المهتم بيها وبتبدأ استثمار بناءاً على المعلومات اللي بتشوفها على ساكسو بنك ده أو خيار موجود عندنا
بشكل عام خلينا نقول الوجود الدائم للأخبار والتحليلات والأدوات اللي بتساعدك انك تستثمر
عمر: قولتلي في منصة تالتة
عمَار: المنصة التالتة بتشمل كل شيء بس بتعتبر للمستثمرين الخبراء، لأنه دايماً الخبير بيكون عنده رغبة يفتح أكتر من رسم بياني مع بعض ممكن يبقى عنده 4 أو 5 شاشات وبيتداول بأدوات مالية معقدة شوية وعالية الخطورة محتاج استجابة أسرع من المنصة، محتاج تبقى عينة على أكتر من طرف
بس بشكل عام لأي مستثمر حابب يشتري سهم لنفترض او اصول معينة ويتركها لقدام الموضوع ده ممكن يعمله في منصة بسيطة
بس خليني اوضح حاجه على كلمنا قولناها من شوية احنا معندناش منصة للأبحاث، احنا ضمن المنصة في قسم للأبحاث، يعني كل منصة لوحدها فيها كل شيء شاملة
عمر: تمام
(08:16)
عمر: كده هياخدني لحتة انت بتقدم خدمتك للأفراد والمؤسسات صح؟
عمّار: تماماً
عمر: يعني انت ممكن تروح تقدم خدمة لمؤسسة معينة عندها إدارة أصول أو عندها إدارة ثروات، أيا كان يعني منقسم لقسمين جوه الشركة.. صح كده؟
عمّار: صحيح، بالنسبة لنا بنسميهم فردي أو مؤسسي، النسبة للفرد لما بيفتح معانا حساب في ساسكو بنك هو بياخد كل خدمات وبياخد الوصول للمنصات بكل اريحيه بيقدر يستثمر معانا احنا المسؤولين عن حماية الأصول وعن تنفيذ الصفقات وخدمة العملاء وما إلى ذلك
لما بيكون مؤسسي احنا بنعطي وصول للأسواق لبنك او لوسيط مالي معين وهو بيبعها للعملاء من الطرف الآخر وده في بعض الأحيان ده ممكن يكلفة عمولات أكتر لأنه بالتأكيد احنا لما بنقدم الخدمة دي لبنك وسيط وهو هيعمل تسويق للعملاء بتاعته ويضيف عليها عمولات من طرفه بس بشكل عام احنا منقسمين لفردي اللي هو ساكسو بنك بالدرجة الأولى ومؤسسي
حاجه انا حابب اضيفها احنا بالمؤسسي مش كل البنوك والوسطاء اللي بنتعامل معاهم معروفين انهم بياخدوا سيولة من ساكسو بنك بينما المستثمر الفردي العادي هو ممكن يقول بمنتهى البساطة انه بيتداول مع ساكسو بنك ودي واحدة من تفاصيل وأسرار المهنة خلينا نقول لأن في بعض البنوك مش بتحب تعرفك مين بيديك سيولة أو التكنولوجيا
White labeling عمر: بمعنى انك بتعمل
بمعنى ان انا سمسار وفاتح في دولة معينة وعندي شوية عملاء ممكن افتح منصة خاصة بتاعتي بس الخلفية بتاعتي كلها معمولة من عند ساسكو بنك
عمّار: صحيح، تنفيذ سيولة صفقات الفوركس، الوصول لسوق الأسهم الأميريكي، الصناديق المتداولة كلها بتبقى عبر ساكسو بنك بس عبر منصة اخرى او احياناً نفس المنصة من ساكسو بنك احتمال كتير كبير انه المستمعين معانا يكون عندهم حساب مع ساكسو بنك بطريقة غير مباشرة
عمر: آه يعني هو ممكن يكون كان فاتح مع سمسار والسمسار ده بيستخدم ساكسو بنك
عمّار: صحيح تماماً
(10:36)
عمر: ساكسو بنك بيخدم كام عميل دولي، يعني اعتقد انت مش مقفول على بلد معينة صح؟ كلمنا كده على الجغرافيا بتاعتك، عدد العملاء، الأسواق اللي بتغطيها، كلمني كده على شكل الناس جوه ساكسو بنك.. كعملاء
عمّار: احنا من فترة مش كتير بعيدة بقى عندنا أكتر من مليون عميل حول العالم تقريباً، من ناحية الأصول الموجودة في ساكسو بنك من المستثمرين فهي بتتجاوز 100 مليار دولار ودي من أعلى الأرقام بالمجال ده
اذا بنحكي على حجم التداول اليومي تقريباً اكتر من 17 مليار دولار بيتم تداولها كمقدار في ساكسو بنك يومياً
من ناحية عدد الصفقات اللي بتتم في ساكسو عبر ساكسو هي بتتجاوز 260 ألف صفقة يومياً
من ناحية الأدوات المالية بنقدم أكتر من 71 ألف أداة مالية فاحنا بنتكلم في أرقام كبيرة
عمر: آه، أعتقد لو انا بتبدي حياتي كمستثمر الأرقام دي بالنسبالي كبيرة طبعاً بس قصدي في المجال بتاعنا انا عايز الناس تبقى فاهمة ان البنوك العادية حتى هي ممكن تكون بتعمل أعداد من العمليات رهيبة احنا مبناخدش بالنا، فكونك معانا النهاردة وبتدينا الاحجام دي ده يدي فكرة للناس في الخلفية مبتبقاش فاكرة ان انت ممكن تنفذ كمية الصفقات دي في يوم واحد ولكن بالتكنولوجيا ووجود المنصات دي هي اللي بتساعدك تعمل كل الكميات دي
عمّار: صحيح، اللي حابب اقوله احنا ليه بنشارك الأرقام دي بالدرجة الأولى لما بنقول اني عندي 260 ألف صفقة بتتنفذ يومياً انا بحكي عن عملاء بيفتحوا صفقات وبيقفلوا صفقات بشكل يومي بدون ما يواجهوا أي مشاكل انا بتكلم عن القدرة التكنولوجية الموجودة وعن السلاسة وسهولة الاستخدام للمنصة الموجودة معانا
ذكرت من شوي ان عندنا أكتر من 71 ألف أداة مالية احد العملاء عندي لما ذكرت له الرقم ده قالي طب انا بس محتاج سهمين بس الـ 71 ألف اللي فاضلين انا مش محتاجهم طبعاً احنا بنذكر الرقم ده للأدوات المالية المتاحة عشان نوريك ان معانا في ساكسو عندك قدرة على التنويع بالاستثمار مش هتكون محكوم بأسهم بس أو صناديق مشتركة أو سندات أو صكوك ده الهدف من ذكر الأرقام دي
عمر: مظبوط، وزي ما انت بتقول بالظبط احنا من خلال البودكاست ده مش بنتكلم الناس لازم تبقى خبيرة وبتستخدم حاجات معقدة للتداول عشان تبني ثروة انت ممكن فعلاً بسهمين أو تلاتة، صندوقين استثمار متداولين تقدر تعمل محفظة التقاعد بتاعتك بسهولة والكلام ده كله مش الهدف اننا يبقى عندنا حاجات معقدة في المحافظ بتاعتنا بس فعلاً في مؤسسات مالية عايزة أسهم في دول مش متغطية او بتستخدمك عشان توصلها لانها معندهاش تواجد فيها فأنا فاهم جداً ليه عدد الأدوات الموجودة
الأسواق بقى العالمية، اعتقد هيبقى معظم الكمية جاي من الأسواق المتقدمة زي الأسواق الأمريكية إيه أكتر نشاط موجود فين؟ يعني أنت موجود في أمريكا في إنجلترا فين النشاط الأكثر بتاعك موجود فين؟
عمّار: النشاط الأكبر بيتم على السوق الأمريكي، لعدة أسباب أول شيء البورصات الأمريكية هي من الأكثر نشاط بشكل عام، الأخبار بتكون مركزة على السوق الأمريكي خليني اديك مثال بغض النظر عن جنسية الشخص ومكان إقامته فهو عارف بأبل وعارف بمايكروسوفت عارف بالشركات الأمريكية فبالتالي لما يروح يستثمر هيروح يستثمر بالاسهم دي والشركات دي بالرغم ان ممكن يكون عنده بمنتهى البساطة في السوق المحلي فرص استثمارية اكثر نجاح
أو بالسوق الألماني أو بالسوق اليوناني احنا عندنا وصول للبورصات دي بس بحكم الموثوقية والسمعة وسهولة الوصول للأخبار فكل التركيز على السوق الأمريكي من ناحية الاستثمار
بينما لما نتكلم على ناحية التداول لنفترض بعقود الفوركس او بعقود الفروقات دايماً السوق الأمريكي هو الأكثر الأسواق نشاط، ولما يبقى في نشاط بيبقى في تذبذب في الأسعار وده اللي بيستفيد منه المتداول فدايماً التركيز بيجر تركيز وبالتالي النشاط والاستثمار بيزيد على السوق الأمريكي
(15:21)
عمر: في أي منطقة في العالم - خلينا نتكلم مثلاً على سوق الأسهم - في أي منطقة في العالم انت لسه مش بتغطيها كساكسو بنك؟ ولا هل انت بتغطي كل الأسواق العالمية من على المنصة بتاعتك؟
عمّار: لأ مش بنغطي كل الأسواق العالمية لعدة اعتبارات أولها التراخيص، عشان تقدم وصول لسوق معين لازم يكون عندك الفحوصات اللازمة على السوق ده على سبيل المثال حتى على السوق الأمريكي إذا في شركة صغيرة جداً رأس مالها صغير احنا مش بنقدمها على المنصة عندنا إلا بطلب مع العميل
يعني ممكن حد يفتح حساب مع ساكسو ويكون مهتهم بصندوق مشترك أو سند وميلاقيهوش على المنصة ده مش معناه انه مش موجود ده معناه اننا مش طارحينه فالسبب هو المخاطر المرتبطة بالأسهم دي عادة
انا دلوقتي هقف وهتكلم على الأسواق اللي بنقدمها باختصار احنا بنقدم الوصول للأسواق الأوروبية كاملة، الأسواق الأميركية الكندية، بعض الأسهم المطروحة في أسواق أمريكا اللاتينية، والأسواق الآسيوية بالدرجة الأولى.. الأسواق المحلية الناشئة ما بنقدم وصول ليه
عمر: وده ممكن يكون راجع زي ما بتقول للمخاطرة او تقدير المخاطرة بتاعتك أو اللوائح وحاجات تانية ليها اعتبار
(16:40)
طيب دايماً بنتكلم على فئات الأصول المختلفة، لو واحد عايز يعمل محفظة متنوعة هو ممكن يستخدم على سبيل المثال صناديق استثمار مدرجة، ده طبعاً سهل الوصول ليه من على ساكسو لأن مثلاً الأسواق الأمريكية فيها أكبر عدد من صناديق الاستثمار فحاجه زي صناديق الاستثمار المتداولة موجودة على ساسكو تقدر تتداول عليها؟
عمّار: موجودة على الـ 3 منصات ومتاحة لكل المهتمين بيها، التوزيع بشكل عام انا من وجهة نظري ورؤيتي للمستثمرين بيبصوا على ايه ومهتمين بإيه، انا فيا قول مش ضروري توزيع يعني توزيع على الأدوات المالية المختلفة، ممكن يبقى عندك محفظة متنوعة جداً، كتير ثابتة و موزعة بس بتحتوي على أسهم بس
التوزيع مش دايماً اني عندي أسهم وصناديق استثمار مشتركة لأ ممكن الاهتمام بالقطاع الطاقة انا عندي أسهم معينة، بقطاع التكنولوجيا عندي أسهم معينة، بأي صناعة طيران موجود عندي أسهم معينة
الهدف من التوزيع انه في حال حصل أي مشاكل أو أي أخبار سيئة على قطاع معين محفظتي مش بتضرر كلها، في فترة الكوفيد كلنا عارفين حصل ايه في أسهم شركات الطيران فلو محفظتي كلها في شركات الطيران انا كنت خسرت
ممكن يكون عندي محفظة موزعة بس كلها أسهم، مش ضروري أحط صناديق متداولة وصناديق مشتركة وصكوك وسندات لأ بس طبعاً بينصح انك توز على أصول مختلفة
عمر: تمام، طيب أنت ذكرت الصكوك او السندات والكلام ده كله اللي انا عارفه دايماً ان السندات والصكوك بيبقى في حدود أدنى كبيرة، هل استثمار الجزئي؟ هل ساكسو بيقدم خدمة انه يقطع حتى في الأسهم لو سهم تمنه 1000 دولار في تجزئة؟
عمّار: للأسف احنا مش بنقدم استثمار جزئي مبدئيا من ضمن المخططات المستقبلية طبعاً في سبب وجيه للموضوع ده هحكيه كمان شوية، بالنسبة للسندات مش الوسيط هو اللي بيختار طبعاً أي شيء فوق الحد الأدنى في السندات العميل هو اللي بيختاره، يعني مثلاً الحد الادنى في الاستثمار ده مثلاً 10 آلاف دولار ممكن حضرتك تحط 10 آلاف و100 دولار فوق الـ 10 آلاف ده أختيارك بس بالنسبة للأسهم زي ما حكيت من شوي احنا معندناش تجزئة دي من ضمن الخطط المستقبلية
طبعاً انا حابب أضيف حاجه على موضوع الاستثمار معانا الأولوية مش بس للأدوات المالية اللي بنقدمها، بالنسبة لنا في ساكسو بنك احنا بنشوف ان مسؤوليتنا أن يكون المستثمر معانا على دراية كافية بالأسواق كل قرار بياخده هو قرار مبني عن فهم بمعنى ان احنا عندنا قسم مخصص اتكلمنا عنه من شوية قسم الأبحاث فيه كل الأخبار والتحليلات بالإضافة لكده احنا عندنا تقرير ربع سنوي كل ربع سنة بنزل تقرير وبنحلل السوق وبنتوقع نشاط السوق
Outrageous predictionsكل فتره بنزل ما يسمى بالـ
بنشوف لفين الأسواق رايحة بشكل عام
احنا بشكل عام هدفنا بالدرجة الأولى ليس فقط أن يكون الاستثمار المتداولين معانا سليم وصحيح بل أن يكونوا على دراية ماذا يتداولون دي الدرجة الأولى
(20:29)
عمر: طيب هل عندكم أي مصادر تعليمية؟ غير التوصيات، غير السوق رايح فين جاي منين، هل الناس اللي حتى في المرحلة اللي قبل كده، هل في مصادر تعليمية الناس تقدر تخش تشوفها من عندكوا؟
عمّار: أكيد، احنا على المنصة بتاعتنا فيها كل شيء، انا حابب أكد على النقطة دي لأن أنا بشوفها نقطة كتير مهمة يعني أنت لما بتحتاج تتواصل مع ساكسو خدمة عملاء بتتواصل من المنصة، حابب تشوف أبحاث بتشوفها من المنصة وبالنقطة اللي ذكرتها حابب تتعلم عن الأدوات المالية في من ضمن المنصة ذات نفسها في قسم للتعليم، قسم بيقولك كيف تتداول فوركس، كيف تتداول الأسهم، شو معلومات عن الأساسيات للصناديق المتداولة والصناديق المشتركة كلها موجودة ضمن المنصة معانا
Auto Charts بالاضافة احنا عندنا ضمن المنصة آداة اسمها
فكرة الأداة المالية دي انها مدمجة بالمنصة بتعطيك فكرة للتحليل التقني لبعض الأدوات المالية يعني اليوم معندكش أي فكرة في بالك ولا أي قرار استثماري بس حابب تطلع على السوق تقنياً الأداة دي بتقولك ان في فرصة استثمار ممكن تطلع عليها
طبعاً ليس الهدف انها تداول بناءاً عليها بس الهدف انك تكون على دراية كيف بيتم تحليل السوق تقنياً، بالإضافة للتحليل الأساسي الموجود كمقالات وتحليلات وفديوهات
(22:00)
عمر: طيب هرجع بقى لحاجة مهمة جداً كلمنى بقى على محاكاة الأسهم اللي انا قابلته من زمان أول ما ابتديت الرحلة بتاعتي في الاستثمار، واحد لسه جديد مش فاهم هو عايز يعمل ايه لسه بيجرب نفسه انا دايماً بنصح الناس انها تعمل محافظ تجريبية أو محافظ ورقية اللي مبتحطش فيها فلوس حقيقية، كلمنى بقى هل انا ممكن احط كل الأدوات قدامي وأبتدي أتابع اسعارها من هناك وابتدي أتعلم اصلا المنصة من خلال المحفظة التجريبية دي كلمني وصلتوا لايه في الحتة دي
عمّار: احنا حولناها شوية لتصير حساب تجريبي، بالحساب التجريبي أول ما تفتحه هيبقى عندك رصيد 100 ألف دولار بالرصيد ده قادر تجرب تستثمر في الأسهم، قادر تجرب بالفوركس، تجرب الخدمات، تجرب عروض الفروقات تشوف ازاي المنصة دي بتشتغل تعمل محاكاة متل ما حضرتك حكيت انت روحت اشتريت السهم ده وصندوق التداول ده واشوف الأداء بتاعها لفين ماشي
طبعاً فتح حساب تجريبي معانا بساكسو مش هيختلف كتير عن فتح حساب حقيقي من ناحية الوصول للسوق والأدوات كلها موجودة يعني اللي هتشوفه على الحساب التجريبي هو اللي هتشوفه على الحساب التجريبي
نفس الشيء بتضمن لو حابب تتعلم لو حابب تقرأ مقالات، تشوف أخبار كله موجود عنا بالمنصة سواء التجريبي أو الحقيقي طبعاً احنا بنفضل يكون عندك حساب حقيقي أكيد
(23:37)
عمر: طيب انا بس هرجع اقول حاجه، هل أنا ممكن وانا بفتح الحساب أطلب منك أنا عارف في أدوات معقدة زي ما انت ذكرت، هل انا ممكن افتح حساب بسيط بيشتري أسهم أو صناديق متداولة من غير رافعة مالية؟
عمّار: أكيد ممكن لو بتتذكر من شوي حكينا عن 3 منصات احنا عندنا منصة
SaxoInvestor بتركز على الأدوات المالية اللي بنسيمها المنتجات النقدية هي أداة بدون أي رافعة مالية، احنا بنتكلم على صناديق متداولة، أسهم، سندات وصكوك وصناديق مشتركة بس بتعمل تسجيل دخول على المنصة دي ومش هتشوف غير الأدوات المالية دي بالاضافة إلى إدارة المحافظ المتاحة عليها
عمر: وده للمستثمر اللي هو لسه بيبتدي مش عايز أي حاجات معقدة، حاجات بسيطة مظبوط؟
عمّار: تماماً، طبعاً المنصة دي بتركز بالدرجة الأولى على المستثمر انا مش عاوز أشوف أدوات عالية المخاطر أنا مش عايز اجرب الفوركس، مش عايز أجرب أي عقود أجله، أنا بس عاوز استثمر لتقاعدي، أحط فلوسي بالـ إس اند بي 500 المنصة دي ليك
SaxoInvestor بس خليني أؤكد على حاجه باعتبار اننا بنتكلم على المنصة دي، حسابك بساكسو بنك بيعطيك الدخول للـ 3 منصات يعني لو النهاردة فتحت
SaxoTraderGO واشتريت الأسهم دي وبعد 6 اشهر او سنة شوفت فرصة في عقود الفروقات على سبيل المثال ودخلت على
SaxoTraderPRO أو
هتشوف نفس الأدوات المالية متاحة هنا وهنا بس احنا بنعطيك 3 منصات بناءاً على احتياجاتك
عمر: تمام، انا ليه بس بقول كده لأن أنا بحب الناس اللي بتبتدي ميبقاش في جراءة زيادة عن اللزوم ميبقاش في اندفاع اللي هو انا عمري ما استثمرت ودخلت اخدت حاجه فيها رافعة لأن طبعاً بنشوف قصص كتير لناس بتحاول تجري قبل ما تمشي اصلاً
طبعاً مش ضد الأدوات المالية المعقدة هي ليها مكان في المحفظة بتاعة الناس بس لازم تكون انت واصل للدراية المالية العالية
عمّار: طيب خليني اقول هنا حاجه بالمناسبة دي، احنا في ساسكو بنك بنهتم بالعميل، احنا رافعتنا المالية كانت 1 لـ30 قبل ما تتصرف أزمة وتغير الرافعة المالية بتاعتها من 1 لـ 200 وتنزلها للحد الأعلى 1 لـ 30 بالإتحاد الأوروبي
احنا كنا شايفين من قبل ما يشوف المرخصين والجهات الرقابية المخاطر رافعة المالية على بعض الأدوات احنا كنا عاملين الأبحاث بتاعتنا وانا كنت شايف ان الرافعة المالية دي بتناسب المستثمرين انا اخدت القرار ده وكان قرار صائب لأن الجهات الرقابية بعدين طبقت الموضوع ده
بالنسبة لما يدخل شخص يتداول لنفترض فوركس هيشوف عنده زي تقييم المخاطر أو ملاءمة يا ترا الأداة المالية دي مناسبة ليك ولا لأ في مجموعة من الأسئلة اللي بتجاوب عليها طبعاً الإجابة عليها خيارية بس أنا عملت واجبي باني وريتك هل الأداة المالية دي مناسبة ليك أو لأ هتجاوب معلومات عن الهامش، هتجاوب معلومات عن حجم الصفقات.. لما بتنتهي من الإختبار الإختياري ده هتكون فكرة هل الأداة المالية دي بتناسبني ولا لأ
فاحنا حطينا مجهودنا بحيث ان المستثمر أو المتداول معانا يكون على دراية بالإضافة إلى احنا عندنا حد أدني للاستثمار 5000 دولار بساكسو بنك.. طيب ليه 5000 ليه مش مجاني، طب فرضاً انا عايز اشتري بس سهمين يمكن يطلعوا 400 أو 500 دولار ليه 5000؟ لأن احنا بنشوف بناءاَ على البيانات الكبيرة اللي عندنا من وقت ما بدأنا في 1992 ان اي حد بيبدأ بمبلغ أقل من 1000 دولار حسابه بيكون معرض للخسارة أكتر فالفكرة بسيطة كل ما كبر رأس مالك كل ما زاد اهتمامك فيه كل ما زادت فرص أن تقلبات السوق ما تطلعك من السوق فبالتالي لما يكون عندك الرصيد بيبدا من 5000 دولار بتكون واعي ومهتم أكثر لاستثمارك غير لما تحط 50 او 100 دولار يعني الحد الأدنى للتمويل عندنا كمان لمصلحة العميل خلينا نقول
عمر: تمام، ده حجم الحساب بالكامل يعني انا اول ما فتحت الحساب بحول 5000 دولار هو ده الحد الأدنى في الحساب مش في الصفقة.. صح؟
عمّار: صح، الحد الأدنى للحساب مش للصفقة، وانا من تجربتي الطويلة في مجال الخدمات المالية اللي امتد أكتر من 9 سنين انا بشوفها فكرك منطقية وذكيه لما بتبدا بالمبلغ ده بتكون قدرتك على تحمل المخاطر أعلى وخصوصا اذا رافعتك المالية مش رافعة مجنونة لأن بالآخر الرافعة المالية بتعرضك لمخاطر أكتر لما بتعطيك فرصة ربح خلينا نقول
عمر: مظبوط
وبكده نكون وصلنا لنهاية الجزء الأول.. شكرا جدا على وقتكم معانا وان شاء الله عمّار هيبقى معانا في الحلقه اللي جايه هنغطي برضه مواضيع مهمة بتغطي الجوانب الأخرى في ساكسو بنك فشكراً جداً على وقتكم واشوفكم ان شاء الله الاسبوع الجاي
Translation of some words and terms:
Due Diligence العناية اللازمة
Lead يقود
Sales المبيعات
Simulation محاكاة
Dial Up اتصال تليفوني
Connection اتصال
Platform المنصة
Virtual Account حساب افتراضي
Mission مهمه
Market سوق
Order طلب
Banking الخدمات المصرفية
In House داخلي
Relationship Management إدارة العلاقات
Wealth Management إدارة ثروات
Retail فردي
Institutional مؤسسي
White Labeling منتج أو خدمة تنتجها إحدى الشركات وتقوم شركات أخرى بإعادة تسمية العلامة التجارية لتبدو كما لو أنها قامت بتصنيعها
Volume مقدار
Trading تداول
Instruments الادوات
Assessment تقدير
Regulations اللوائح
Sector القطاع
Industry صناعة
fractional investing الاستثمار الجزئي
Minimum الحد الأدنى
Educational resources مصادر تعليمية
fundamental analysis التحليل الأساسي
stocks simulator محاكاة الأسهم
Demo account حساب تجريبي
Leverage رافعة مالية
Cash Products المنتجات النقدية
mutual funds الصناديق المشتركة
risk assessment تقييم المخاطر
Appropriateness ملاءمة
تنويه هام: جميع الآراء التي تم التعبير عنها من قبل شمس وضيوف البودكاست هي آراؤهم الشخصية ولا تعكس رأي أي كيان ينتمون إليه. هذا البودكاست مخصص لأغراض تعليمية فقط ولا ينبغي الاعتماد عليه في القرارات الاستثمارية. أي اعتماد على المعلومات المقدمة يتم على مسؤوليتك الخاصة
#كلام_ينور #بودكاست #بودكاست_عربي #بودكاست_بالعربي#ساكسو_بنك #الجزء_الأول