129. حوار مع "ساكسو بنك" منصة تداول عالمية - الجزء الثاني
كلام ينوّر أول بودكاست عربي مبسط عن الحياة المالية
linktr.ee/Kalamyenawar : في اللينك ده هتلاقوا كل الروابط الخاصة بكلام ينور تقدروا تتواصلوا معانا وتسمعونا من خلالها
النهاردة بنكمل الجزء التاني من حديثنا مع عمّار معلا عن "ساكسو بنك" بنك استثماري (مقره الدنمارك) متخصص في التجارة والاستثمار عبر الإنترنت في أسواق رأس المال العالمية، وواحد من أفضل 25 بنك للعملات الأجنبية على مستوى العالم
: روابط خاصة بـ ساكسو بنك
Home.Saxo
Saxo Bank @LinkedIn
ضيفنا هو عمّار معلا مدير مبيعات "ساكسو"، خبرة أكتر من 9 سنين في قطاع الخدمات المالية ومتخصص في المبيعات المباشرة وإدارة العلاقات
Ammar Moualla @LinkedIn :تقدروا تتواصلوا مع عمّار
: في الجزء الثاني
ازاي افتح حساب مع ساكسو بنك؟ (01:47) -
ساكسو بيعمل فلوس ازاي؟ (05:00) -
لو اشتريت سهم مثلاً وقعدت سنة أو اتنين مبعملش اي نشاط هل في مصاريف حفظ؟ (06:55) -
كلمني عن حفظ الأصول في ساكسو بنك؟ (09:41) -
بتعملوا إيه عشان لحماية بيانات العملاء؟ (12:50) -
ساكسو بنك متطلع لإيه في 2024؟ (16:30) -
لو واجهتني أي مشكلة على المنصة أعمل إيه؟ (17:50) -
وبكدا يكون لقائنا مع عمّار معلا خلص، ابعتولنا لو عندكم أي اسئلة أو استفسار عن ساكسو بنك ونشوفكم الاسبوع الجاي في حلقة جديدة إن شاء الله
تابعوا حلقتنا واكتبولنا آرائكم بعد سماع الحلقة
: للأسئلة والأقتراحات
: تابعونا على موقعنا الإلكتروني
👇 وصفحتنا على
Omar Shams @ Clubhouse Omar Shams @ LinkedIn : تابعوا شمس على
Transcript:
اهلاً بيكم في حلقة جديدة من بودكاست كلام ينور
النهاردة هنكمل الجزء التاني من حلقة ساكسو بنك منصة التداول او البنك الاستثماري مقره في الدنمارك هنتكلم مع ضيفنا عمار على حاجات زي ازاي تفتح الحساب ازاي ساكسو بيتعامل مع فلوسك ازاى بيفرق بين فلوس العملاء وبعضها، التأمين الإلكتروني في بيانات العملاء حاجات كده بنحاول نغطيها النهارده
احنا دايما قبل ما نرشح أي منصة بنحاول نتكلم مع المؤسسين بتوعها أو الناس القائمين عليها بحيث كل الاسئله اللي في دماغك بنحاول نسألها من خلال كلام ينور ودايما تقدر ترجع لساكسو وترجع لعمار ترجع بوابة المساعدة بتاعتهم زي ما هنتكلم في الحلقه النهارده مع عمار اي اسئله انت عايزها الروابط هنحطها في الشو نوتس ويارب الحلقة تعجبكم
(01:47)
عمر: طيب أنا النهاردة محتاج إيه عشان أفتح حسابي مع ساكسو، محتاج طبعاً يبقى عندي فلوس أكيد.. محتاج يبقى عندي حساب في البنك، خلينا نمشي كده في طريقة فتح الحساب؟
http://Home.Saxo عمار: بسم الله الرحمن الرحيم أول شي بتزور موقعنا اللي هو
اعلى الشاشة على اليمين عندك خيار "فتح حساب" بس بتملى البيانات الأساسية الاسم، تاريخ الميلاد، مكان الإقامة، معلومات عن خبرتك بالاستثمار، بالإضافة إلى مصدر دخلك والمبلغ اللي حابب تستثمره بساكسو بنك وفي الآخر بترفع صورة الهوية وجواز السفر وده كافي عشان تفتح حسابك بساكسو بنك
طبعاً فتح الحساب مش مباشر، فتح الحساب بعد ما أنتهيت من الخطوة دي نروح على الـ (أعرف عميلك) أو عملية الإعداد بنشوف البيانات لو عندنا اي معلومات ناقصة أو إضافية بنتواصل مع العميل سواء عبر التليفون أو عبر الإيميل وبيتفتح الحساب خلال يومين لـ 3 أيام عادة
عمر: وأول ما الحساب بيتفتح بتديني رقم حساب احول عليه الفلوس أياً كانت العملة اللي بتستثمر بيها دولار أو يورو أياً كان بتديني مثلاً أرقام حساب واحولك الفلوس وبيظهرولي على المنصة صح كده؟
عمار: لما ينفتح الحساب معانا بساكسو بنك هيكون حساب بنكي باسم المتداول يعني هو بالنسبة للبنك المحلي بيحول مصاري من اسمه لاسمه، بمعنى آخر فلوس الشخصية خلينا نقول
ده بيخدم اكتر من سبب أهمها الحماية ضد أي مخاطر أو اختراق للحساب ما إلى ذلك، بمعنى آخر ما حدا ممكن يخترق حسابك ويحول مصاري على حسابه دايماً بيحول من اسم العميل لاسم العميل بساكسو بنك دي أحد النقاط الإيجابية وطبعاً مع الايميل اللي بيحتوي بيانات التحويل للحساب ففي رقم الحساب اللي بيقدر يعمل تسجيل دخول عليه
بمعنى آخر فيه بيشوف المنصة، وبيشوف الأدوات المالية فيه بيشوف كل التفاصيل قبل ما يودع ولو عنده أي أسئلة خدمة العملاء موجودين
عمر: تمام، والحساب ده بيفتح في الدنمارك لأن الفلوس بتاعتي لما باجي ابعتها ببعتها في حسابي صح في البنك اللي موجود في الدنمارك
عمار: صحيح، أولاً لأننا بنك دنماركي تراخيصنا في الدنمارك، بالاضافة إلى حماية رأس المال عندك حماية رأس المال بالدنمارك بحكم التراخيص الاتحاد الأوروبي على السيولة الموجودة في الحساب لحد 100 ألف يورو في حال ساكسو بنك واجهه أي مشاكل مالية في المستقبل او اي شي من النوع ده السيولة في الحساب محمية لحد 100 ألف يورو ودي من الأعلى في السوق بصراحة
بينما الأسهم والصناديق المتداولة والصناديق المشتركة وكل استثماراتك محميه 100% لما نتكلم على الاستثمارات النقدية كله محمي 100% بس لو عندك كاش في الحساب 50 أو 60 الف دولار انت محمي لحد 100 ألف يورو اللي هي 105000 دولار تقريباً
(05:00)
عمر: تمام، طيب ساكسو بيعمل فلوس ازاي؟ يعني أنت دلوقتي بتقدملي خدمة اني اوصل للاسواق واتداول، بتقدملي خدمة فتح الحساب، تحويل الفلوس ليك، واخدت الفلوس منك تاني انت بتعمل فلوس ازاي كساكسو؟
عمار: أنا بعمل فلوس منك في حالة واحدة اللي هي لما تداول معايا عبر المنصة فقط لا غير، انا مبخدش منك عمله على الإيداع او السحب ومعنديش حاجه اسمها صيانة احنا عندنا بس العمولات على التداول كل العمولات دي مذكورة على الموقع بالتفصيل بس باختصار شديد احنا بناخد عمولات لما تفتح صفقة ولما تقفل صفقة باختصار شديد
عمر: تمام والمعلومات موجودة على الموقع الناس تقدر تخش تشوف، احنا هنسيب برضه في الشو نوتس روابط لو الناس عايزة توصل لحاجات اسهل شوية، فالمصاريف دي موجودة موجودة على الأسهم، موجودة على كل الأدوات المالية اللي بتشتغل بيها
عمار: صحيح تماماً واحنا بالدرجة الأولى بتهمنا الشفافية بعلاقاتنا مع المستثمرين معانا فانا هقولك دي العمولات اللي هتشوفها، اذا في حد نسي مثلاً العمولات اللي قايلنها على الموقع وفتح حساب وحول الفلوس وجاي يستثمر أول ما يحط انه مثلا عايز يشترى 5 أسهم من كذا تذكرة تداول هتظهرله العمولات انه هتكلفة كذا
عمر: ففي شفافية قبل تنفيذ الصفقة اصلاً هقولك هتدفع كام ثمن الصفقة دي
عمار: آه وحتى قبل ما تقفل الصفقة هيطلعلك انه دي التكلفة، فهتكون على دراية بكل التفاصيل كل شيء موجود عندنا في ساكسو على المنصة تقريباً مفيش داعي تسيب المنصة عندنا
(06:55)
عمر: تمام، لو انا سبت الأسهم بتاعتي سنة او اتنين، اشتريت اول يوم اسهم آبل مثلاً وقعدت سنة أو سنتين.. هل في مصاريف حفظ أو تكلفة عدم النشاط اني مبعملش اي تداول على الحساب؟
عمار: في بس بتكون على الحساب الكلاسيك فقط.. يعني احنا عندنا 3 انواع للحسابات عندك كلاسيك، بلاتنيوم، في اي بي بيختلفوا بكمية الإيداع خلال أول 30 يوم
الحساب الكلاسيكي هو أي حساب تم إيداع فيه اكتر من 250 ألف دولار خلال أول 30 يوم
البلاتنيوم 250 ألف دولار لحد مليون 250 ألف دولار
الـ في آي بي أي شيئ فوق المليون و250 ألف دولار
الحساب الكلاسيكي بيدفع مصاريف عدم النشاط فيه، بس هي ضمن الشفافية انه اول شي ذاكرينه على الموقع، وبنبعت رسالة للعميل على التليفون وبنرسل له إيميل قبل بـ 20 وقبل بـ 10 أيام انه في حال مفتحتيش أي صفقة أو اخدت اي نشاط على حسابك هيكون عندك تكلفة خمول 150 دولار فالقرار بيرجع للمستثمر بالدرجة الأولى يا هل ترا انا حابب افتح واستثمر، انا شايف فرصة مناسبة في صفقة في بالي أو لأ، أو المصروف ده جالي
عمر: تمام احنا اتكلمنا على فتح الحساب، والجدول الزمني انت قلتلي من يومين لـ 3 ايام، والوثائق انا مفيش حد بيجيلي ومش بروح في حته وبرفع الباسورد بتاعي او الورق المطلوب كله على المنصة
عمار: صحيح تماما، انت مش محتاج تزورنا بالمكتب الا اذا حابب تتعرف علينا بس كل شيء بيتم عبر الانترنت من ناحيه لو مطلوب وثائق أو كشف حساب بنكي ممكن تاخذ كشف حساب pdf وتبعته لنا بالايميل او تعمله رفع على المنصة
نقطه انا حابب اضيفها على الموضوع اللي هو ناس كتير بيسألوا عنها عادة طب لو انا مقيم بالامارات وبكره انا رحت على مصر إيه اللي بيحصل في حسابي؟
بكل بساطة من نفس المنصة تعمل تحديث للمعلومات بتاعتك انا عنواني الان بالقاهره كذا كذا وبتكمل حساب عادي احنا ممكن نطلب منك إثبات سكن ولا افترض فاتوره او كشف حساب بنكي او فاتوره تليفون او ممكن صوره الهوية المصرية وعليها العنوان وبتستمر بحسابك
عمر: تمام، فأياً كان انا اعيش في انهي دولة مفيش اي مشكله بالنسبه لي
عمار: تماماً، الا بعض الدول يعني حد عايش بكوريا الشمالية مش هينفع نفتحله حساب معانا
(09:41)
عمر: مفهوم، خلينا نتكلم بقى على الحماية بتاعه الأموال انت قلت ان الحساب بيتحمي ب 100 الف يورو على السيولة الموجودة فقط جواه ولكن على الأسهم بتاعتي بتبقى حفظ يعني الأسهم بتاعة عمر موجوده باسم عمر، محفوظه باسم عمر الكلام ده كله كلمني شويه على حفظ الأصل نفسه؟
عمار: احنا عشان نقدم اعلى مستوى حمايه ممكنه للمستثمر معانا اذا حامل أسهم بالسوق الامريكيه فهي بتكون مع بنك اخر او امين حفظ البنك ده بيكون اكبر من ان يفشل بحيث اسهمك هتكون محمية والطرف ده مضمون من قبل الجهات الرقابية معينة
وعلى السيرة دي احنا من فتره تم ترقيتنا لبنك عالمي ذات الأهمية النظامية بمعنى اخر ان احنا خطوه اقرب ان احنا نكون (أكبر من أن يفشل)
بس مبدئيا نكمل حديثنا بتكون أسهمك مع طرف آخر الطرف الاخر ده في حال واجهنا اي مشاكل اسهمك موجوده معاه هو بيحولها لك
بالنسبه للحمايه على الكاش 100 ألف يورو، الـ 100 الف يورو ده الحد الادنى اللي بنعوضه للمستثمرين معانا بناء على حجم الإشكالية اللي بنواجهها 100 ألف يورو على الكاش الموجود معانا
ليه الاحتمالية دي صعب تحصل مع ساكسو بنك لانك لو بتتذكر كان من فترة في إشكاليات مع بنك (كريدي سويس) اللي هو دلوقتي بقى تحت بنك يو بي إس دي من الإشكاليات البنكية اللي حصلت اس في بي في السوق الأمريكي مبتواجهناش كساكسو بنك لأننا باختصار شديد مش بنحمل أصول تحتنا يعني احنا مش بنتصرف بأصول العملاء وده نفس السبب اننا معندناش كسور الأسهم انك لما بتروح عند بنك او وسيط بيقول لك انا بعد بديك كسور أسهم طيب انا اشتريت 0.5 من سهم أبل طب مين هيشتري 0.5 التانيين الوسيط ذات نفسه فبالتالي الوسيط بقى عنده مسئولية قانونية
عمر: على فكره احنا عملنا حلقة كاملة عن أمناء الحفظ المستمعين برده ممكن يرجعوا ويسمعوا يعني ايه أمين حفظ، حلقة من الحلقات القديمة بتاعتنا احنا بنحاول نوصل الناس لدرجة معينة من الفهم انه يبقى فاهم الأسهم بتاعته ايه وقاعدة فين لما بتستخدموا وسيط هنا ساكسو بالنسبة لي هو وسيط الأسهم قاعده في بنك زي ما بتقول بدرجة استثمارية زي ما بيقولوا عنده القوة ماليه انه يحمي المدخرات بتاعتهم
عمار: اه يعني بنوك لو وقعت وقع الاقتصاد معاها
عمر: بالضبط زي ما شفنا (كريدي سويس) البنك السويسري مؤخرا والحكومة تدخلت وعملت عمليه انقاذ للوداع بتاعه الناس والكلام ده كله وده جزء من النظام المالي بشكل عام
(12:50)
بما انك منصه كل حاجه عندك اون لاين الأنظمة انت اللي بنيها الأمن الإلكتروني كموضوع مهم جدا وحمايه البيانات يعني انا بحط البيانات وبقول لك انا اسمي عمر باسبوري اهو برفع الحاجات دي اون لاين الأمن الإلكتروني من أكبر المخاطر الموجودة النهارده في العالم الأمن الإلكتروني وتسريب البيانات والكلام ده كله مش عشان محفظتي كبيرة بس عشان أنا بديك عنواني ورقم تليفوني بديك حاجات عني كتير
دايماً بحاول اسأل الشركات ايه اللي هم بيعملوه عشان يحموا البيانات بتاعتي؟
عمار: بغض النظر سواء كان حساب في 5000 دولار أو 30 مليون دولار بيكون عنده نفس الحماية دلوقتي من ناحيه الحمايه المباشره اللي بيشوفها العميل أو صاحب الحساب معانا "عامل المصادقة الثنائية" عشان تخش على المنصة في عندك تحط عامل المصادقة الثنائية بحيث تضمن انه انت اللي بتدخل على المنصة
عمر: معلش انا هقطعك هنا وانا بقول لكل الناس تعمل عامل المصادقة الثنائية في كل حاجه في حياتها يعني ده من اهم الحاجات اللي بيبقى عندك تطبيق على التليفون او فيديوهات رساله او ايا كان الطريقه اللي بتعمل فيها المصادقة الثنائية في اي حد يفتح اي حساب لو حتى الايميل بتاعه حتى المصادقة الثنائية من اهم الحاجات
عمار: صحيح بالإضافة احنا عندنا الأجهزة الموثوقة بمعنى آخر النهارده عملت تسجيل دخول من الموبايل بتاعك كل 30 يوم بيتجدد، يعني كل 30 يوم هنسألك (هل تثق بهذا الجهاز) وهتوصلك رساله بتأكد الحركه دي.. ودي من الامور اللي بيشوفها المتداول مباشرة
في حال مثلا ان احنا شوفنا ان الحساب تم الدخول عليه من عنوان اي بي غريب هيوصلك ايميل مباشره انه تم تسجيل الدخول على حسابك من ال (اي بي) ده ممكن العميل يكون مستخدم (في بي ان) ممكن يكون مسافر وقتها بيتغاضى عن هذا الايميل
بالنسبة لحماية الأموال في حال تم اختراق الحساب زي ما حكينا في البدايه غير مسموح انك تسحب أموال إلا على حساب بنكي باسمك يعني مفيش اي حد بيخش على حسابك ويسحب أموال على اسمه مش هتحصل ابدا او على اسم شركه او بنك تاني.. الأموال لازم تكون باسم صاحب الحساب بشكل متطابق بنفس البلد، يعني اذا اليوم عاوز فاتح حساب انك مقيم بالامارات وعملت عمليه سحب لمصر هنوقف العمليه ونسألك ليه بتسحب لمصر؟ انا مثلا مقيم في مصر وعندي حساب بنكي اوكي تمام
عمر: اه بتبتدي تعمل تحديث للحساب بتاعك وتقولهم انا في مصر وتبعت ما يثبت ان انت عايش في مصر
عمار: احيانا اتصال هاتفي للتاكيد، ممكن ايميل مع سكرين شوت للحساب البنكي.. بس حتى دي رغم ان الحساب مطابق لاسم العميل معانا هنطلب المعلومه دي وبالاخير احنا بنك أوروبي حماية بيانات العميل بتهمنا بالدرجة الأولى زي ما بتهم العميل ذات نفسه
فاحنا دايما واعيين لأي تسريب بيانات أو معلومات زي ما قلت احنا بنعمل كل حاجه جوه ساكسو 2500 موظف وأكثر بنعمل كل حاجه جوه ساكسو بهدف يكون عندنا القدره الكامله على كل بيانات العملاء اللي معانا بحيث ان انت متداول بتستثمر بأمان ده هدفنا
(16:30)
عمر: إيه اللي ساكسو بيعملوا جديد، هل في حاجات متطلعين ليها في 24، 25، هل بتطوروا حاجات جديدة هل في اختلاف في الاستراتيجية الفترة اللي جايه؟
عمار: مقدر اقول في اختلاف في الاستراتيجية، الأساسات من الاستراتيجية زي اللي احنا اتكلمنا عليها احنا دايما بندور على وضع مفيد لينا وللمستثمرين معانا بس من الأمور بتيجي خطوة بخطوة مع ساكسو بنك يعني مثلاً السنة دي احنا اطلقنا خدمة إعارة الأسهم، في ناس مهتمه تستفيد من إعارة اسهمها ولو حابب ممكن نتكلم بالتفصيل إيه هي إعارة الأسهم تمام
احنا بشكل عام بنعمل تحسين على المنصة، بنعدل بناءاً على الرغبة المستثمرين بناءاً على التطورات اللي بتحصل بالأسواق وبنضيف أدوات مالية جديدة
يعني أنا ممكن أقولك أن في أدوات مالية جديدة هنضيفها خلال السنة دي واللي جاية بس حابين نخليها مفاجأة للمستثمرين معانا لحد ما نوصل لمرحلة أشمل ما يمكن يكون موجود عندنا على المنصة بس مش عايز اقولك على المنتجات خليها مفاجأة للمستثمرين عندنا
(17:50)
عمر: تمام، طيب لو انا بقى هسألك سؤال برضه بسأله دايماً لو انا رحت على المنصة وعندي مشكله وتضايقت ملقتش اللي انت بتقولهلي موجود.. ايه تصعيدات اللي ممكن اعملها هل انا ممكن ارفع شكوى لخدمة العملاء، هل في فريق بيشوف الشكاوي؟ لقيت حاجه غلط في كشف حسابي أياً كانت المشكلة اللي ممكن اقابلها الطريقه اللي انا بتكلم فيها مع ساكسو؟
عمار: زي ما حكينا من شوي منصتنا بتشمل كل شيء، ما في داعي تطلع من المنصة عشان تدور على اي حاجه
عبر المنصة في عندك خدمة دردشة موجوده 24 ساعه خمس ايام بالاسبوع طالما السوق مفتوح، خدمة الدردشة مع خدمة العملاء موجودة في عندك خيار انك تعمل تكت عبر المنصة لأي سبب معين نفترض مثلا عملت ايداع واتاخر عليك حابب حد من ساكسو يشوف شو صار بالإيداع رغم ان ده مسؤولية البنك المرسل
شفت شيء بكشف حسابك مش فاهمه، في عمولة شفتهاش مفهمتهاش في عندك اختيارين يا اما تعمل تكت على المنصة أو تحكي عبر الدردشة وفي الخيار الأبسط والأسهل شيل التليفون وتواصل مع ساكسو بنك
عمر: تمام يعني في تليفون لان للاسف دلوقتي مبقاش في حاجه فيها تليفون يعني ساعات بدور على خدمه عملاء بتاعه حاجات مشهوره جدا وعمري ما بعرف اوصلها فلطيف جدا انك لسه عندك خدمة التليفون ممكن اكلم بني ادم يقدر يرد عليا الناحيه التانيه
https://www.help.saxo عمار: الصراحه في أمور بتحب تحكي مع بني آدم فيها ما بتحب تبعت ايميل ويوصل لك ايميل، احنا عندنا بوابة مساعدة هي
فيها أجوبة على كل الاسئلة تقريباً اللي ممكن تمر ببالك بس برضه عندنا تليفون لأن بكتير أحياناً بشوف ان في ناس بتحب تشيل التليفون وتتكلم مع شخص وتفهم إيه اللي بيحصل إذا كان ده الاتصال خارج أوقات العمل مثلاً في مكتب الإمارات الاتصال ده هيتحول على الدنمارك وحد بيرد عليك ويجاوب على سؤالك
طبعاً عبر المنصة ممكن تطلب كل شيء ممكن تطلب سهم ينضاف لحسابك بنشوف إذا في إمكانية نضيف هذا السهم، عبر المنصة فيك تطلب تحويل محفظة من بنك اخر لعندنا على ساكسو أو تحول محفظتك لمكان آخر.. كل شيء بيتم عبر المنصة وبالنسبة لينا احنا بنسمع من العميل بيهمني العميل وده اللي بيميز ساكسو عن الباقي الموجودين في السوق زي ما حكيت وانا عندي حسابات كتير مع وسطاء او مع شركات معينة بتتعب عشان توصل لخدمة العملاء اللي هو ممكن احكي مع حدا!! مع ساكسو فيك تحكي مع حدا
عمر: آه الأيام دي اللي هو انا طلبت أكل ومش عارف أوصله ومحدش عارف الأكل فين مش عارف أكلم بني أدم يقولي الأكل فين.. أنا فاهم اننا في زمن تكنولوجي ظريف كل حاجه بتطور بس ساعات ببقى عايز اكلم البني ادم الناحية التانية من فضلكوا يا جماعة وصلوني باي نوع من انواع خدمة العملاء مش اخر الخط ابعت ايميل للايميل الفلاني وان شاء الله يردوا عليك أكيد دي حاجه لطيفة بس برضه انا من الناس اللي بفضل لو في طوارئ محتاج اتكلم مع حد دلوقتي ومعنديش مشكلة اني اكلمه دردشة لايف اقدر اتكلم معاه المشكلة بس اعتقد عشان تقلل العمالة عندها بتمنع العميل يوصل لخدمة العملاء بشكل مباشر
عمار: بالتالي كعميل انت بالحالة دي بتشوف نفسك في موقف طب انا مفروض اعمل ايه حالياً!! مننساش ان المنصة دي استثمارية، أموالك موجودة فيها، في ناس خطتها التقاعدية في ناس مدخراتها.. أولوية بالنسبالها تحكي مع حدا للسبب ده احنا عندنا مكتب تمثيلي بالإمارات موجودين هنا عشان نعمل خدمة لمنطقة الشرق الأوسط وشمال أفريقيا بشكل عام بحيث اننا قريبين منكم موجودين بنفس التوقيت الزمني بتاعك زي ما حكيت احنا عندنا 14 مكتب حول العالم من اليابان لبريطانيا عندنا مكاتب بحيث كل منطقة إقليمية في فريق موجود يساعد
عمر: تمام وانا من الجيل اللي لسه بيتكلم في التليفون، وكان بيحط اوردراته زمان بالتليفون فانا محتاج اتكلم في التليفون دي حاجه يمكن شخصية فشكراً انكم عاملين كده وطبعاً شكراً انكم موفرين برضه حد يتكلم باللغة العربية أن انت يبقى عندك سمسار عالمي الناس تقدر تستخدم معاه اللغة العربية لأن اعتقد من حقنا في المنطقة العربية نتكلم اللغة بتاعتنا يعني
عمار: أكيد حتى المنصة موجودة باللغه العربيه
عمر: دي حاجه جميله جدا، اعتقد ان ده برده مكلف تكنولوجيا أنكم تطوروا حاجه باللغه العربيه
عمار: في بعض القيود للغة العربية على المنصة بس بشكل عام الأغلبية باللغة العربية، حبيت تعمل تسجيل دخول على المنصة وتسحب فلوس او تودع فلوس الخطوات موجودة باللغة العربية ولنفترض عندك حساب في آي بي وحابب تتكلم مع مدير العلاقات العامة بيتكلم عربي موجود
عمر: في اي اسئله انا مسالتهاش كان المفروض اسالها النهارده اعتقد يمكن نحتاج حلقه ثانيه قدام يمكن نسمع برده اسئله الناس ممكن نعمل حلقة تانية نتكلم معاك فيها بعد مثلا كم شهر لان اعتقد المنصة كبيرة والمنتج او الحاجات اللي موجوده كتير فممكن الناس يبقى عندها اسئله بس قبل ما نقفل حلقة النهاردة في اي حاجه انا مسالتهاش؟
عمار: الصراحه لا مفيش كان حديث ممتع، بس انا حابب اضيف واحنا بنتكلم حاليا على موضوع رغم كثر الحديث عنه بيفضل غامض نوعا وهو التوزيع، سهل قوي انك تقول طب انا عندي محفظه موزعة بس انك توصل لمحفظة متوزعة ده امر صعب بيحتاج منك مجهود وبيتطلب تتبع لاخبار السوق وبيتطلب تجربة وخطأ، تجربة وخطأ
انا بحب اذكر حاليا واحنا بنتكلم سؤال بيمر علي كتير عن فوائد التوزيع.. ليه انا مضطر اوزع انا شايف ان مفيش غير امازون او ابل احط فلوسي فيها
لا مضطر توزع كمستثمر لحتى تقلل من المخاطر بتاعتك يعني لو كل أصولك موجودة بمجال معين زي ما تكلمني في بدايه الحلقه انت بتعرض نفسك للخطر فتقليل المخاطر
تاني شي التوزيع ما بين العوائد والمخاطر انا عارف ان محفظتي متوزعة كده حتى لو السوق اتحرك انا عندي لنفترض من 5 لـ 10% أرباح بالسنة ومخاطري محدودة
النقطة التالتة والأهم اللي بلاحظها بتحصل كتير مع المستثمرين اللي ما بيوزعوا بتحطهم بموقف محرج نوعاً ما استثمارياً هي السيولة، اذا اليوم بدك تشتري بيت او سيارة وكل اسهمك بالاحمر كلها خسرانه لأنك موزعتش فتضطر تبيع على الخسارة لتسحب فلوس عشان سيولة شراء بيت او سيارة او شيء طاريء لا سمح الله فالتوزيع انا بحب كتير أأكد الموضوع ده للمستثمرين سواء معانا بساكسو أو غير.. وزع لحتى تقلل مخاطرك حتى تحمي نفسك ولحتى يكون عندك سيولة يعني صندوق الطوارئ مش ضروري يكون 10 آلاف أو 15 ألف دولار موجودة على جانب بس احتاجها اخدها ممكن تكون موجودة مستثمرة بالاسهم وانا اليوم احتجتها سحبتها بتوصلني تاني يوم دي نقطة حابب ااكد عليها بحديثنا
عمر: ده هدف البودكاست، ازاي الناس تشوف من خلال البودكاست ومن خلال اللقاءات بتاعتنا دي أهمية التنوع
خلي بالك كل الناس ممكن تقول تنوع، اقصد ان اي حد في المجال المالي بيقولك تنوع بس الناس اللي بره المجال مش فاهمة يعني إيه اصلاً تنوع لازم تخش في منصات لازم تبتدي تشوف الأسهم دي شكلها عامل ازاي، لازم تبتدي تشتريها وتحس بيها، لازم يمر عليها ازمة مرة واتنين وتلاتة واربعة عشان يبتدي ياخد ثقة يعني انا فاكر وقت الكورونا في شهر 1 او 2 2020 لو انت معندكش محفظة قوية وعندك ثقة فيها انها هترجع بعد الأزمة انت كنت ممكن تاخد قرارات استثمارية خاطئة تماماً بسبب النزول الجامد اللي حصل لأن الهبوط اللي حصل وقت الكورونا كان الهبوط الأسرع عبر التاريخ فلو انا مش موزع وشاري الحاجه اللي انا حاسس اني مستريح بيها حتى لو دخلنا في أزمة بعد الأزمة هتخرج الناحية التانية أقوى بس أنا نظرياً مهما قولتلك عمرك ما هتحس غير لما تفتح محفظتك وتتابع الاستثمارات بتاعتك شوفت الأزمة دخلت عليك وخرجت منها وشوفت انت اتصرفت ازاى جوه الأزمة يعني انا متخيل ان التليفونات عندكم مبتبطلش او لو انت عندك عملا جوه الأزمات أعتقد الناس بتبقى دايماً عندها خوف من اللي هيحصل فانا معاك جداً جداً وبأكد كلامك ازاي مهم في البورصة وبره البورصة في الأصول المختلفة والخبرات محدش بياخدها ببلاش انت لازم تبقى موجود انا اسف على الإطاله بس دي حته من أهم الحاجات بصراحة
عمار: بالعكس انا حبيت اذكر النقطة دي لأنها مهمه بساكسو احنا كتير بنركز على أساسيات الاستثمار لأنه من السهل تغيب عنك أساسيات الاستثمار وانت بتستثمر انا شوفت ناس كتير خبراء بس معندهمش توزيع اه انا عارف يلا بعدين!! ما في شي اسمه بعدين كورونا زي ما اتكلمت الأسهم نزلت فجأة اللي كان عامل توزيع واجه مشكلة خطيرة خلينا نقول بالسنة والسنتين حتى رجع استقر استثماره في ناس حبت تسحب وقالت لأ الأمر رايح لأسوء من كده وخسرت أكثر من 60 و 70% من استثمارها
و احد النقاط اللي دايماً بقولها للمستثمرين اللي بيسألوني طيب انا شو لازم بيع او شو لازم اشتري ولازم احط فلوسي وين شايف انت الناس بتحط فلوسها اعمل بحثك سواء مهتم بقطاع السيارات الكهربائية قطاع الطاقة، الذهب بشكل عام بشو مهتم، بشو عارف، شو مجال عملك، انا مجالي خدمات مالية انا بعرف ان البنك ده او الوسيط ده أسهمهم ممكن تتحرك كده، انا بعرف من مجالي أن في بعض القطاعات انا ذات نفسي كعمار مهتم بالذكاء الاصطناعي عارف هحط استثماراتي فين.. لو عكس عليا السوق او لو خسرت انا مبسوط لأني انا اخترت كده
عمر: مظبوط، لأن مع الوقت القطاع ده هيكبر مع الوقت، احنا شوفنا اسهم كبيرة بتنزل لـ 20 و 30 و 50% وبترجع تاني الاسعار بتاعتها المستقبلية بتبقى اعلى شوفنا الكورونا التعويض حصل بعد 3 و 4 شهور مكنش اي حد يحلم أن السوق يرجع بالسرعة دي فانا معاك 100% والخطة الاستثمارية على قد ما هي صعبة على قد ما هي سهلة من وجهة نظري انت ممكن تبتدي بحاجات بسيطة جداً وبعدين تبتدي تتطور مع الوقت مع التعليم بتاعك
عمار: تماماً، على الحديث اللي احنا بنحكيه في قول مر عليا من فترة وفضل ببالي اللي هو
well begun half done
لما تبدأ شيء صح ما بني على حق، فتبدأ صح من ناحية البحث بتاعك من ناحية الأخبار اللي بتطلع عليها وابدأ صغير ناحية الاستثمار وابني على معرفتك
عمر: ومع الوقت هتكبر، لأن في الاستثمار عمر ما الواحد بيبتدي كبير أي حد رجل أعمال حتى هو بدأ صغير ومع الوقت والخبرات هو كبر
عمار انا مش عارف اشكرك قد إيه على الوقت اللي انت ادتهوني النهاردة، يمكن المره اللي جايه هنتكلم على حاجات معينة ان شاء الله تاني هنتكلم مثلاً فى حتت في المنصة نركز عليها عشان الناس تشوف ازاي هتقدر تستخدمها بشكل مدقق أكتر يعني وشكراً جداً على وقتك وكل المعلومات اللي أدتهالنا النهاردة
عمار: شكراً كتير ليك على الاستضافة، زي ما حكيت في البداية انا من المعجبين بالبودكاست بتاعك والمعلومات البسيطة والمفيدة جداً اللي بياخدوها المستمعين عندك إن شاء الله عندنا لقاءات تانية واذا في اي سؤال ممكن يوصلك على البودكاست سواء عن ساكسو او اي شيء ممكن نساعد فيه او تم الحديث عنه هنا احنا جاهزين للمساعدة
عمر: بإذن الله هجمع الأسئلة كلها ونستضيفك مرة تانيه أو هبعتلك الأسئلة ونرجعها تاني للمستمعين فشكراً اوي اوي على وقتك احنا هنحط روابط عمار في الشو نوتس وهنحط روابط ساكسو بنك ازاي تقدروا توصلوا ياريت الناس تقضي وقت بقى على المنصة بتاعتهم عشان واضح انك محتاج وقت كبير تروح على المنصة، التعليم وفتح الحساب عندك برضه شغل تعمله لو انت مهتم بالمجال ده
شكراً جداً يا عمار وإن شاء الله اشوفكم الاسبوع اللي جاي
Translation of some words and terms:
Open Account قفتح حساب
Kyc = Know Your Customer اعرف عميلك
Onboarding Process عملية الإعداد
Cash Investments الاستثمارات النقدية
Maintenance صيانة
Fees مصاريف
Trade Ticket تذكرة تداول
Custody رسوم حفظ
Inactivity Cost تكلفة عدم النشاط
Timeline الجدول الزمني
Documentation توثيق
Virtually افتراضيًا
Update تحديث
Protection حماية
Segregation حفظ
Custodians أمناء الحفظ
Too Big To Fail اكبر من ان يفشل
Systemically Important Financial Institute البنوك العالمية ذات الأهمية النظامية
Fractional Shares كسور الأسهم
Liability مسئولية قانونية
Investment Grade درجة استثمارية
Cyber Security الأمن الإلكتروني
Leakage تسريب
Two Factor Authenticator عامل المصادقة الثنائية
Trusted Devices الأجهزة الموثوقة
Develop يطور
Win Win Situation وضع مفيد للجميع
Improvement تحسين
Escalation Points نقاط التصعيد
Portal بوابة
Global عالمي
Limitation تقييد
Diversification تنويع
تنويه هام: جميع الآراء التي تم التعبير عنها من قبل شمس وضيوف البودكاست هي آراؤهم الشخصية ولا تعكس رأي أي كيان ينتمون إليه. هذا البودكاست مخصص لأغراض تعليمية فقط ولا ينبغي الاعتماد عليه في القرارات الاستثمارية. أي اعتماد على المعلومات المقدمة يتم على مسؤوليتك الخاصة
#كلام_ينور #بودكاست #بودكاست_عربي #بودكاست_بالعربي#ساكسو_بنك #الجزء_الثاني