119. ٥ أفكار مختلفة للمحافظ المتنوعة
كلام ينوّر أول بودكاست عربي مبسط عن الحياة المالية
linktr.ee/Kalamyenawar : في اللينك ده هتلاقوا كل الروابط الخاصة بكلام ينور تقدروا تتواصلوا معانا وتسمعونا من خلالها
بنتكلم النهاردة على المحافظ المتنوعة، ازاي الناس ممكن تكّون محفظتها سواء للاستخدام في أهداف زي التقاعد أو التحويش لحاجه معينه على مدار 5 او 10 سنين.. بنتكلم عن 5 أفكار مختلفة للمحافظ المتنوعة وطريقة اختيارنا ليها بناءاً على التكلفة
:المحافظ المتنوعة
(04:09) محفظة الصندوق الواحد -
(07:53) محفظة الـ 60-40 -
(10:25) محفظة الـ 48 - 12 -40 -
(12:46) المحفظة الدائمة -
(16:10) محفظة جميع المواسم -
:صناديق الاستثمار المتداولة
ITOT - iShares Core S&P Total US Stock Market ETF :الأسهم الأمريكية -
SPDW - SPDR Portfolio Developed World ex-US ETF :الأسهم الدولية (أسهم خارج أمريكا) -
VGIT-Vanguard Intermediate-Term Treasury ETF :السندات -
BIL SPDR Bloomberg 1-3 Month T-Bill ETF :الكاش -
IAUM - iShares Gold Trust - ETF :الذهب -
GSG - iShares S&P GSCI Commodity-Indexed Trust - ETF :السلع -
لو في محافظ معينة حابينا نتكلم عليها ابعتولنا على صفحتنا عشان نغطيها في الحلقات اللي جاية واستنونا الاسبوع الجاي وحلقة جديدة من كلام ينور
تابعوا حلقتنا واكتبولنا آرائكم بعد سماع الحلقة
: للأسئلة والأقتراحات
: تابعونا على موقعنا الإلكتروني
👇 وصفحتنا على
Omar Shams @ Clubhouse Omar Shams @ LinkedIn : تابعوا شمس على
Transcript:
اهلاً بيكوا في حلقة جديدة من بودكاست كلام ينور
النهارده انا عايز اتكلم على موضوع المحافظ المتنوعة سواء للاستخدام في أهداف زي التقاعد او انت بتحوش لحاجه معينه مثلا على مدار خمس سنين او 10 سنين يعني مش حاجه لازم تكون هتاخدها وانت عندك 60 سنة وعايز تعمل محفظة بشكل متنوع تنوع فيها المخاطر
عملت كده بحث سريع، صغير على أنواع المحافظ وهرشح النهارده ازاي الناس ممكن تكّون محفظتها وانا هنا بتكلم على الأسواق العالمية يعني لازم يكون عندك سمسار ينفذلك الحاجات دي لان احنا بنستخدم النهارده النماذج كلها اللي احنا عاملينها صناديق استثمار مقيدة اللي تكلمنا عنها قبل كده
والسبب ان احنا بنستخدم الصناديق دي ان الصناديق دي التنوع فيها بيبقى موجود بالفعل، انت مش محتاج تعمل فيها اي حاجه بس انت محتاج تشتري صندوق من على بورصة مقيدة فيها وفي نفس الوقت الصندوق ده بيبقى فيه مصاريف قليلة جدا وهي تعتبر ارخص طريقة ان انت تبني بيها محفظة متنوعة واحسن طريقه على المدى الطويل
فهنذكر النهاردة مجموعة صناديق استثمار، صناديق الإستثمار دي غالبا هتلاقوها في البورصة الامريكية لان معظم الصناديق بتبقى مقيدة هناك فزي ما قلنا انت بتحتاج سمسار ومحتاج تغذي الحساب بتاعك وبعدين تشتري الصناديق دي من على البورصة مش محتاج تعمل اي حاجه كل اللي انت محتاجه سواء انت بتستثمر كمية فلوس كبيره مره واحده او بتحط جزء كل شهر أو هدف كل ثلاث شهور انت كل اللي انت بتحاول تعمله ان انت بتشتري نفس السنه دي في الفتره اللي انت اتفقت فيها مع نفسك او حطيت خطة استثمارية بتاعتك بتحول الفلوس وبعدين تخش تحط اسم الصندوق فبيطلع لك وبتشتريه
الهدف من حلقة النهارده انا مش بنصح بصندوق معين بعينه انت ممكن تدور على صناديق بديلة بتعمل نفس الحاجات لو حابب بس احنا طريقة اختيارنا للصناديق النهارده بتبقى لها علاقة بالتكلفة والصناديق دي بتبقى دخل سلبي زي كلامي في حلقات قبل كده ان ده سلبي هو بيتابع مؤشر معين بيتابع مثلا حركة الذهب او بيتابع حركة الاسهم الامريكية او بيتابع حركة الأسهم العالمية ايا كان اسم الصندوق ده وهدفه بيعمل ايه فهو مبيفكرش هو بيشتري اللي موجود في الورقة اللي طلعت اول يوم يعني لو قلنا الصندوق ده ذهب بيبقى هو فقط بيشتري ذهب مبيغيرش طريقة الاستثمار بتاعه
المحافظ المتنوعة اللي هتكلم عليها النهاردة هتبتدي من صندوق استثمار واحد فقط لحد خمس صناديق يعني ممكن محفظة دي تبقى فيها صندوق واحد أو صندوقين او 3 صناديق او 4 صناديق او 5 صناديق على حسب انت شايف ايه الاستراتيجيه او ايه فئة الأصول اللي انت عايز تستثمر فيها، في واحد ممكن يقولي لا والله انا الحاجات دي مبحبهاش مش عايز استثمر في الذهب مثلاً فانا عايز استثمر في صندوق مافيهوش ذهب او عايز محفظه ما فيهاش ذهب واحد يقول لا انا عايز ذهب فالحاجة بتختلف كل واحد عن التاني زي ما قلنا مفيش حاجه صح كل واحد عنده تحمل من المخاطر بنسب معينه انا اقدر اتحمل مخاطر واحد ثاني ما يقدرش والعكس صحيح
(04:09)
هبتدي بأول صندوق النهاردة هو صندوق واحد فقط محفظه فيها صندوق واحد فقط و المحفظة دي مكونه من صندوق استثمار بيستثمر في الأسهم الأمريكية، فكرة المحفظة دي اه هو انت هنا ممكن يبقى عندك مخاطرة الدولة واحده اكيد وعندك مخاطره إن أنت بتستثمر في فئة أصول واحدة لها الاسهم ولكن طبيعة الشركات المقيدة في السوق الامريكي خاصة الشركات الكبيره لان السنه دي بتتبع الشركات الكبيرة هي من جواها موزعة المخاطر ناعمه يعني هنلاقي مختلف القطاعات يعني هنلاقي مختلف الدول مثلا لو قلنا شركات الكبيره زي أبل وجوجل هو مش بياخد كل ارباحه من السوق الامريكي يعني لو حصل حاجه في أمريكا لوحدها ممكن مثلا 40% او 50% 60% من الأرباح بتاعته تتاثر ولكنه ما زال عنده تنوع جاي من الدول الأخرى الموجودة فـ صندوق الأسهم الأمريكي بطبيعة السوق نفسه هو موزع المخاطر جوه الشركات دي
هنا انا شلت التوزيع الجغرافي لأن الأسهم جابتلي توزيع جغرافي عشان هي في العالم، طب بالنسبة لفئة الأصول هنلاقي ان المحفظة دي فيها مخاطرة عالية قوي على الاسهم يعني لو حصل انهيار عالمي في الأسهم المحفظة دي من اكتر المحافظ اللي هتاثر وده عيبها ولكن مميزاتها ان في ناس بتؤمن ان الاسهم على مدار الطويل 10 15 20 سنة الأسهم غالبا أدائها بيبقى افضل من كل فئات الأصول الاخرى
في نوعيه من المستثمرين وفي كتب اتكتبت عن الموضوع ده اللي هو لا انت مش لازم تعمل اي حاجه اشتري فقط الصندوق استثمار سلبي زي مثلا في المثال اللي احنا هنتكلم عليه النهارده
ITOT صندوق اسمه
احنا هنحاول نحط في الشو نوتس كل الصناديق اللي احنا اتكلمنا عليها اساميهم عشان لو مثلا طريقه نطقي للحروف او لو قلت حاجه غلط تبقى برده مكتوبه الناس تقدر ترجع لها في الشو نوتس أو على الموقع الإلكتروني
فصندوق الاستثمار iShares
مثلا ده جاي من بلاك روك الصندوق ده بيبقى متوزع في الاسهم الامريكية، الصندوق ده حجمه 45 مليار دولار فانت اي حاجه بتحطها انت بتحط حاجات صغيرة في صندوق حجمه كبير عنده الرقابة يعني الشركات دي شركات كبيره جدا انها يبقى فيها مخاطرة انهم ميحققوش الهدف لان في قوانين كتير جدا متراقبين من السوق المالي بتاعهم حاجات كتير جدا فده يعتبر من اامن الحاجات اللي انت تقدر تستثمر فيها
هنلاقي هنا ان المصروف الصندوق ده هو 0.03 فلو حضرتك حاطط 100 دولار في الصندوق ده هتلاقي التكلفة بتاعتك هنا 3 سنت يعني على كل 100 دولار حضرتك بتحطهم في الصندوق استثمار الصندوق بياخد منك مصاريف سنوية 3 سنت على كل 100 دولار ودي تعتبر من أقل المصاريف اللي انت ممكن تتحملها في أي صندوق استثمار وفي نفس الوقت هيحقق لك الميزة بتاعه ان انت استثمارات في السوق وحوشت فيه ومع الوقت الشركات الكبيره دي شركات عالمية بتنمو أيا كان هتطلع انت مستثمر في هذه الفكرة بأقل مصاريف
طيب هنا مين الراجل اللي المفروض يستثمر في الصندوق ده او انت المفروض تسأل نفسك انا المفروض استثمر في المحفظه اللي هي فيها صندوق واحد دي امتى لما انا يكون عندي إيمانا انا قرأت ودرست وذاكرت وسمعت حلقات وشفت حاجات كتير وقلت انا عايز استثمر فقط في الأسهم يبقى هي دي المحفظه المثاليه بالنسبه لك تقول لي لا انا عايزه اوزع أكتر في فئات اصول اخرى فكده هنضطر نخش على المحافظ اللي بعديها او تختار من المحافظ اللي بعديها
(07:53)
تاني محفظة النهارده معانا وهي محفظة عملنا عليها حلقه بالكامل إن هي محفظة الـ 60-40 هنلاقي ان كان في حد اسمه "جون بوجل" هو مؤسس مجموعة فانجارد
فانجارد دي من أكبر شركات إدارة الأصول في العالم النهارده وهو كان اول واحد بيزق الناس أنها تستثمر في الصناديق استثمار المتبعة المؤشرات من غير ما تعين مدير استثمار او حد يقول لك اشتري ايه او ابيع ايه كان هو اكتر واحد بيزق الناس انها تعمل الاستثمار بالطريقه دي وهو من اوائل الناس اللي كانت بيتكلموا على المحافظ 60-40 وقد ايه هي مهمة وثاني احنا عملنا حلقه عليها تقدر ترجع بالكامل تسمعها ايه هي المحفظة 60-40 لو عايز تسمع تفاصيل عليها اكتر
The Little Book of Common Sense جون بوجل برده كتب كتب في كتاب مثلا
تقدر برده ترجعله وبرده ممكن تشوف الكتب الاخرى اللي أتكلم عليها فيها
هنلاقي محفظة 60-40 زي ما اتكلمنا قبل كده هي محفظة عبارة عن 60% أسهم و40% من أدوات الدخل الثابت، ليه هنا بندخل أدوات داخل ثابت لأن التذبذب بيبقى عالي في الأسهم في اوقات كتير الأسهم بتنزل وأدوات الدخل الثابت بتطلع والعكس صحيح فالمحفظة متنوعة في فئتين مش بيمشوا مع بعض في جميع الأوقات فالتذبذب او خسارتك في الفترات على المدى القريب ممكن تبقى أقل من التذبذب بتاع المحفظة الاولانية اللي غالبا هيبقى اعلى لانها كلها أسهم النهارده احنا رحنا 60-40 وده كده دخلنا اول فئه أصول تانية بتنوع
ITOT هنستخدم زي المحفظه الاولى 60% عشان نعمل الاستثمار في الأسهم وهنحطهم في
VGIT أسهم و40% هنحطها في
وده صندوق استثمار بيستثمر في السندات
طيب ازاى هعمل كده ان انا مثلا قلت لنفسي اول كل سنه انا هحط رقم 100 دولار في الشهر اول السنه مثلا هيبقى عندي 12 قسط هدفعهم فال 100 دولار دول ITOT هتحطهم 60 دولار في الأسهم اللي هما في صندوق الاستثمار
VGIT و 40 دولار في صندوق
كل شهر هاجي أحط نفس التوزيعة يبقى هنا محفظة 60-40 هي عبارة عن صندوقين وهنلاقي إن نسبة النفقات بتاعها برضه 3 سنت على الـ 100 دولار كل سنة فده يعتبر يعني هتلاقي الصناديق دي وانت بتقرأ النشرة بتاعتها أن النسب بتاعتها مذكورة وانا هنا بقولكوا المحفظة محسوبة بالكامل بـ 3 سنت في السنة على الـ 100 دولار
(10:25)
هنيجي هنا لثالث نوع من المحافظ المتنوعة تاني انت ممكن يبقى عندك الاف من المحافظ المتنوعة يعني احنا بس النهارده بنتكلم على 5 أنواع اخترناهم نتكلم عليهم وبرده لو في حاجه معينه الناس عايزانا نتكلم عليها تقدر تبعتلنا عشان نغطيها
تالت نوع هي محفظة فيها 3 انواع من صناديق الاستثمار المحفظة دي فيها 48% اسهم امريكية اللي هي نفس اللي كنا بنستخدموا في الأول وفيها 12% اسهم عالميه 40% سندات او ادوات دخل ثابت
فكرة المحفظة دي ايه ان احنا قطعنا 60-40 حتتين خلينا 48% موجودة في الاسم جوه امريكا و 12% حطيناها في أسهم عالمية، ليه لان ممكن هنا الناس تقول لك لا انا مش عاوز استثمر في امريكا انا عايز برده اخد دول صغيرة عالميه زي البرازيل، الصين، دول اخرى ليها برده أداء في الاقتصاد العالمي وعايز انواع شويه ان انا ITOT مبقاش مركز 100% مع امريكا طبعا ده كل واحد حسب اختياره فأنت هتعمل محفظة بالشكل ده
ITOT 48% هشتري
SPDW 12% هتشتري
VGIT هشتري 40% أدوات دخل ثابت
هنلاقي مجموعة محفظة بتاعتك محسوب نسبة النفقات بتاعها 4 سنت على كل 100 دولار
فهنا المحفظة دي اغلى شويه ولكن برده هي في النسب مقبوله جدا يعني كل الفنادق دي تعتبر من ارخص الصناديق اللي انت ممكن تستثمر فيها، دي شكل المحفظة هي فيها 3 صناديق هنا قسمنا الـ 60-40 هي بشكل عام هي 60-40 برضه ولكن قسمنا الـ 60 دي ودناهم 48% و 12%
من الناس اللي هي كانت بترشح المحفظة دي هو كاتب وراجل مستثمر اسمه تايلور لاريمور وكتابه اللي بيتكلم فيه على المحافظ اللي فيه على الـ 3 صناديق استثمار
The Bogleheads' Guide to The Three-Fund Portfolio كتاب
الكتاب ده كان بيتكلم على الموضوع ده لو حابب برده تقرا ايه البعد وليه الناس تستثمر بهذه الطريقة هو ده الراجل اللي كان بيرشح المحفظة دي
(12:46)
بعد كده هنروح على حاجه اسمها المحفظة الدائمة، دي محفظة واحد عملها اسمه هاري براون هو عايز يعمل محفظه فيها 4 فئات أصول، الـ 4 فئات أصول دي بتحاول تتجنب اي مشاكل عالميه بتحصل يعني انا هحط اربع صناديق استثمار مع بعض كده ولو حصل مشكلة في العالم ما تاثرش قوي لان في حاجات غير متوقعة بتحصل كل شويه في الاحداث الاقتصاديه العالميه وانا واحد بخاف شويه فمش عايز اتعرض للمخاطرة دي فدي محفظة متنوعة أكتر، دفاعية أكتر من المحافظ اللي قبلها وبرده Fail-Safe Investing هو كاتب كتاب على المحفظة الدائمة اسمه
المحفظة دي بقى مكونه من ايه هنلاقي في هنا اختلاف شويه هنلاقي في 25% أسهم 25% سندات 25% كاش و 25% دهب
المحفوظة دي هنلاقي فيها فيها كاش، الكاش في وقت معين بتقدر تاخد عليه فوايد او بتاخد عليه عوايد من السمسار بتاعك او من البنك اللي انت حاطط فيه فلوس وممكن تقول لا انا مش عايز وممكن تعمل البديل الإسلامي بتاعك ان انت تفتح حساب في بنك إسلامي وتسيب الكاش بتاعك او ايا كان هم بيعملوا استثمارات او لأ
وبرضه ممكن تستثمرها في صندوق استثمار الـ 25% دي وهندي مثال في صندوق استثمار ممكن تحط فيه الفلوس دي وهو بالنيابه عنك بيستثمر الكاش ولكن الكاش ده مبيبقاش عرضة لمشاكل بتحصل لو حصل حاجه في الدنيا جامده الكاش بيحفظ قيمته ده في نفس الوقت العوائد اللي على المدى الطويل برده الكاش ده بيسحب المحفظة
يعني لو قلنا الأسهم على مدار 20 سنه طلع 15% بعيدا عن التذبذب اللي بيحصل الجزء بتاعك لو انت حاطه كاش غالبا انت مش تعمل عائد دي
طيب هنلاقي المحفظة دي شكلها عامل ازاي احنا قلنا هي فيها 4 صناديق بالتساوي
ITOT أسهم 25% في صندوق
VGIT سندات 25% في صندوق
BIL كاش 25% في صندوق
وده شبه الكاش هو بيستثمر في الحاجات اللي هي مفيهاش أي نوع من أنواع المخاطرة على المدى القصير جداً
IAUM دهب 25% في صندوق
وده صندوق استثمار للدهب هو بيشتري دهب وبيديك العوائد بتاعته لو الدهب طلع 1% الصندوق بيطلع 1% ، الدهب نزل 10% الصندوق ده بينزل 10% هو انت بدل ما تروح تشتري دهب بتروح تشتري صندوق استثمار ده وهو بيحطها بالنيابة عنك في مكان آمن وبتاخد العوائد بتاعتك
هنلاقي بشكل عام هنا الصندوق في 4 حاجات وفي صناديق اعلى شويه من التعقيد أكتر من الأسهم زي الذهب والكاش والكلام ده كله فالمصروف على الصندوق ده هو 8 سنت على ال 100 دولار برده هو اه اغلى من المحفظة عشان انت برده تدفع 8 سنت على كل 100 دولار في السنة ولكن ما زالت في المدى المقبول جدا جدا وتعتبر محافظة رخيصه ان انت تعملها في اربع صناديق الـ 4 صناديق دول بيدوك تنوع ولكن انت بتعملهم من حساب واحد وانت قاعد في بيتكم على الكنبة او مبتعملش اى حاجه تقدر تستثمر بهذه الطريقة
(16:10)
آخر محفظة هتكلم عليها النهارده وان شاء الله انا اعمل هعمل حلقات قدام فيها برده محافظ متنوعة بشكل أكبر ولكن انا حبيت النهارده ابتدي يجي بحاجات بسيطه
خامس نوع وهي محفظة جميع المواسم اللي كان بيتكلم على الطريقه دي تنوع اسمه راي داليو، راي داليو من الناس المشهوره اللي كتبوا كتب كتير وهو عنده شركة إدارة أصول كبيرة وفي ناس تانيه برده زي توني روبنز كان بيتكلم برده على قد ايه المحفظة دي من المحافظ المهمه اللي الناس تعرف تستثمر فيها في أي وقت وايه اللي حصل اضطرابات في الأسواق بشكل عام المحفظة دي بتادي اداء كويس على المدى طويل
هنلاقي المحفظة دي مكونه من 30% من الاسهم 40% من سندات طويلة الأجل 15% من السندات أجلها اقصر شويه 7.5% سلع و7.5% دهب
صناديق الاستثمار المستخدمة في الموضوع ده
ITOT أسهم 30% في صندوق
VGIT سندات طويلة الأجل 40% في صندوق
VGIT سندات قصيرة الأجل 15% في صندوق
GSG سلع 7.5% في صندوق
IAUM دهب 7.5% في صندوق
هنلاقي المحفظة دي نسبة النفقات بتاعتها 9 سنت على كل 100 دولار، تاني المحفظه ما زالت لسه مش غاليه يمكن لما بتطلع فوق 10 او 12 سنت على 100 دولار يمكن وقتها المحفوظ بالنسبالك تبقى غاليه لكن طول ما انت في الأرقام 7 8 9 10 حتى مفيش مشكلة لأنها على المدى الطويل مش هياخد من ارباحك قوي
(18:30)
الخمس محافظ اللي احنا اتكلمنا عليهم النهارده من أول صندوق واحد لحد خمس صناديق ممكن يشتغل في التقاعد كويس جدا ممكن يشتغلوا في حاجه خمس سنين حاجه 10 سنين مفضلش ان الحاجه دي تتبني وتقعد فيها سنة أو سنتين وخلاص تزهق فكره المحافظ دي ان انت بتبنيها على المدى الطويل احنا اتكلمنا كتير جدا على الموضوع ده وقد ايه هو مهم وقد ايه ان انت لازم يبقى عندك نظام تضخ في فلوس على طول ومتزهقش ولو شفت النتائج بتاعتك فترات قصيره سنه او سنتين او 3 حتى ادائك مش كويس مش معناه ان على المدى الطويل أداءك هيبقى وحش
وبالعكس ولو شفت حلو جدا في اول ثلاث اربع سنين و فاكر ان انت كده نجحت ده مش حقيقي الموضوع طويل وماراثون واستثمار بيقعد وقت كبير خاصة لو انت مش موجه مجهود وقت أنت تستثمر على جنب عشان تعمل دخل سلبي مع الوقت محفظتك هتكبر المضاعفة هتخش وهتحس بالفوائد أو القيمة بتاعه الاستثمار بتاعك في فترات زمنية اللي قدام
يا رب الموضوع بس ما يكونش معقد انا ذكرت اسامي كتير وكلام كتير انا بحاول ابتدي على قد ما اقدر ببساطه الموضوع انا اسف جدا اقرأ الشو نوتس يمكن تلاقي معلومات توضح لك المعلومات أكتر خد كل كلامي واعمل عليه بحث بتاعك ما تاخذش اي حاجه مني مسلم بيها اللي هو اكيد فاهم وبيعمل ايه لا انا عايزاك تروح وتدور ورايا وتعمل بحث وتشوف الكتب اللي احنا اتكلمنا عنها نشوف مين هو مثلا راي داليو تشوف مين الناس اللي احنا ذكرنا اساميهم النهارده تقرأ مقالات عليهم شوف العيوب والمميزات بتاعه كل محفظة
قدام شويه ممكن اعمل تحليلات اكتر على كل محفظة وازاي بتادي امتى بتادي العوائد بتاعتها عامله ازاي على المدى الطويل ولكن النهارده حلقة بس كده بدايه عن الكلام في المحافظ المتنوعة من خلال صناديق الاستثمار المقيدة
شكرا جدا على وقتكم ويا رب ما تكونوا زهقتوا واشوفكم ان شاء الله الاسبوع الجاي
Translation of some words and terms:
Risk المخاطر
Risk Tolerance تحمل من المخاطر
Permanent Portfolio محفظة دائمة
All Season Portfolio محفظة لجميع المواسم
Passive سلبي
Founder مؤسس
Expense Ratio نسبة النفقات
Drag يجر
Complexity تعقيد
Diversification تنويع
Compounding مضاعفة
For Granted أمر مسلم به
Articles مقالات
تنويه هام: جميع الآراء التي تم التعبير عنها من قبل شمس وضيوف البودكاست هي آراؤهم الشخصية ولا تعكس رأي أي كيان ينتمون إليه. هذا البودكاست مخصص لأغراض تعليمية فقط ولا ينبغي الاعتماد عليه في القرارات الاستثمارية. أي اعتماد على المعلومات المقدمة يتم على مسؤوليتك الخاصة
#كلام_ينوّر #بودكاست #بودكاست_عربي #بودكاست_بالعربي #المحافظ_المتنوعة