57. كل ما تريد معرفته عن ثاندر Thndr - الجزء الأول
كلام ينوّر أول بودكاست عربي مبسط عن الحياة المالية
linktr.ee/Kalamyenawar : في اللينك ده هتلاقوا كل الروابط الخاصة بكلام ينور تقدروا تتواصلوا معانا وتسمعونا من خلالها
من أكتر الاسئلة اللي بنتسألها ديماً عايز ابدأ استثمر ومش عارف استثمر فين .. إيه المنصات اللي احنا ككلام ينور ممكن ننصح بيها
وبما اننا بنحاول ديماً نكون حياديين على قد ما نقدر.. فقبل ما نرشح أي منصة لازم على الأقل نعرفك مين أصحاب المنصة؟ بيقدموا إيه؟ وإيه مزايا وعيوب المنصة دي؟
ضيفنا النهاردة هو أحمد حمودة شريك مؤسس لمنصة ثاندر (أول منصة مصرية للاستثمار الإلكتروني) هنتكلم مع أحمد على مدار حلقتين في عرض شامل وكامل لمنصة ثاندر.. إيه اللي بيميز ثاندر وإيه هدفها واسئلة تانية كتير
Ahmad Hammouda @LinkedIn : تقدروا تعرفوا أكتر عن أحمد وتتواصلوا معاه من هنا
: في الجزء الأول بنتكلم عن
02:33 إيه هي منصة ثاندر في 10 ثواني؟ -
03:08 أنت كمؤسس لثاندر عايز إيه؟ -
03:47 هل لقيت فجوة في السوق وأنت بتفكر في الفكرة دي ؟ -
04:30 إيه اللي بيميز ثاندر عن باقي المنصات الموجودة؟ -
05:19 إيه الصعوبات اللي بتواجه الأفراد وبتحاول تسهلها من خلال التطبيق ده؟ -
06:22 مين العميل بتاعك أو الهدف اللي أنت عايزه أو مين اللي هيستفيد من المنصة بتاعتك؟ -
06:48 إيه العائد الإقتصادي بتاع العميل اللي هيجي المنصة وازاي القرار ده ممكن يغير حياته؟ -
08:58 كلمني على قاعدة المستخدمين بتوعك من ساعة ما ابتديت ثاندر من حيث النمو؟ -
10:56 هل بتشوف طلاب جامعة مثلاً بيحوشوا على جانب وبيحاولوا يفتحوا محافظ؟ -
13:54 كشركة شايف ازاي ممكن تتطور في السنين اللي جايه؟ -
14:48 كلمني على السوبر ماركت؟ -
17:17 بتفكر ازاي في المنافسة كرائد أعمال؟ -
20:57 هل نقدر نقول إن ثاندر هي الدمج ما بين التكنولوجيا والخدمات المصرفية؟ -
22:34 عدد الموظفين عندك قد إيه تقريباً؟ -
24:16 أنت كمؤسس إيه الحاجه اللي بتقلقك؟ -
27:52 إيه الخبر اللي ممكن لما تسمعه يخليك مبسوط؟ -
30:14 هل أنت راضي باللي أنت حققته لحد النهاردة في ثاندر؟ -
30:45 هل في حاجه ممكن نعملها لمستمعي كلام ينور؟ -
ده الجزء الأول من حوارنا مع أحمد حمودة واحد من مؤسسي منصة ثاندر.. استنونا الاسبوع الجاي هنكمل كلامنا واسئلتنا عن منصة ثاندر ولمستمعي كلام ينور أي حد هيحمل التطبيق من الرابط الموجود على صفحتنا ويعدي بكل خطوات فتح الحساب هيحصل على مكافأة تصل إلى 1000 جنيه كبداية للاستثمار
https://thndr.page.link : حمل التطبيق من هنا
تابعوا حلقتنا واكتبولنا آرائكم بعد سماع الحلقة
: للأسئلة والأقتراحات
: تابعونا على موقعنا الإلكتروني
👇 وصفحتنا على
Omar Shams @ Clubhouse Omar Shams @ LinkedIn : تابعوا شمس على
Transcript:
00:44
اهلاً بيكوا في حلقة جديدة من بودكاست كلام ينور
حلقة النهاردة من الحلقات المهمه جداً بالنسبالي لأن من أكتر الاسئلة اللي بتجيلنا من الناس إنها عايزة تبتدي تستثمر مش عارفين يستثمروا فين ، مش عارفين يفتحوا حسابهم فين .. إيه المنصات اللي احنا ككلام ينور يعني ممكن ننصح بيها ، ولكن أنا ديماً بقول أنا بحاول أبقى حيادي على قد ما أقدر قبل ما أرشح حد لازم نعمل معاه على الأقل لقاء نعرف هو بيعمل إيه ، بيقدم إيه للناس ، إيه المزايا إيه العيوب ، إيه اللي بيحاول يبنيه
النهاردة أنا معايا أحمد حمودة شريك مؤسس في منصة ثاندر المنصة دي منصة مصرية منشأة يمكن في 2019 ، أحمد كان قبليها في مدير عام أوبر في مصر Pharos Holding و CI Capital وقبل كده كان في بنوك إستثمارية زي
الخبرة بتاعة أحمد في المجال المالي مع المجال التكنولوجي هي اللي خلته يبتدي الفكرة بتاعة ثاندر .. هنسمع النهاردة معاه رحلته في الشركة إيه اللي بيعمله ، إيه مستقبل ثاندر وحاجات تانية كتير جداً جداً يارب تستمتعوا بالحلقة بتاعة النهاردة أنا استمتعت جداً بلقائي مع أحمد
01:53
أحمد أهلاً بيك معانا النهاردة أنا مبسوط جداً جداً إنك معايا ، الحلقة مهمه جداً بالنسبالي لأن من أكتر الاسئلة ديماً اللي بتجيلي ازاي نبتدي ، أو ممكن تنصحنا أو شايف شركة معينه مثلاً في مصر لأن في ناس كتير جداً من اللي بيسمعونا أول مره يستثمروا أو يبتدوا حياتهم في طريق الإستثمار وأنا عارف ثاندر من الحاجات اللي قريتها عليها ديماً إن معظم المستخدمين اللي عندك جداد فأعتقد الحلقة دي مهمه جداً جداً بالنسبالي والنهاردة هنعمل كده تقييم للمنتج بالكامل إيه هو ثاندر وبيعمل إيه من كذا زاوية يعني
02:33
عمر: فأول حاجه عاوز أسئلك عليها إيه ثاندر في 10/15 ثانية؟
أحمد: طيب عمر أحب الأول بس أشكرك إنك مدينا المساحة دي فشكراً جداً إنك أديتنا المساحة إننا نتكلم معاك ونحاول نقرب أكتر أحنا بنحاول نعمل إيه.. طيب ثاندر في 10 ثواني هي أسهل طريقة إنك تستثمر بيها في مصر مش محتاج يكون عندك سابق خبرة من على موبايلك من غير حد أدنى ومن غير ما تروح أي فرع
عمر: سهل جداً
أحمد: طولت عن الـ 10 ثواني؟؟
عمر: لأ لأ في الـ 10 ثواني
03:08
عمر: أنت لما أبتديت ثاندر كنت عايز تعمل إيه؟ يعني أنت كمؤسس لثاندر أنت عايز إيه؟
أحمد: حاجتين.. أول حاجه أعتقد إن كل حد من حقه يبقى عنده فرصة أن فلوسه تشتغل ، يبقى هو قاعد في البيت وعنده خيار إن فلوسه بتشتغل ومتكونش الفرصة دي متاحه لناس معينه .. ثاندر موجود عشان كده عشان يبقى كل حد عنده هذه القدره ، أنا بصراحة كمان من الحاجات اللي وأنا بفكر ابدأ ثاندر كانت بدل ما بنخرج جمعة وسبت بنخرج يوم الجمعة ويوم السبت بنشيل الجزء اللي كنا هنخرج بيه نستثمره أو ندخره عشان مستقبلنا
03:47
عمر: أنت لقيت فجوة في السوق وأنت بتفكر في الفكرة دي؟
أحمد: أعتقد نفس الفجوة اللي أنت شايفها واللي احنا شوفناه إن نسبة قليلة أوي من الناس في مصر هي اللي بتستثمر .. في وجهة نظرنا يا عمر حاجتين هما اللي أدوا لكده إن أول حاجه محدش علمنا من واحنا صغيرين ازاي ندير أموالنا وازاي نستثمر فلوسنا فدي أول حاجه
الحاجه التانية لحد دلوقتي مفيش منتج متوافق مع ازاي احنا دلوقتي بقينا عايشين حياتنا خاصة واحنا متعودين على الحاجات اللي زي أوبر وتطبيقات توصيل الطعام والبقالة كلها بخدمة معينة مفيش تطبيق أو منصة شبه الحاجات دي بس في مجال الإستثمار
04:30
عمر: طيب دي الفجوة اللي في السوق وأنت قدمت الخدمة دي .. إيه بقى اللي بيميز ثاندر عن كل الناس الموجودة؟
أحمد: خلقنا منتج للأفراد ، خلقنا منتج للناس اللي محدش كان مركز معاهم أو كان بيبني ليهم فبدل ما أنا كمؤسسة مالية كنت ببني عشان الملاءة المالية العالية أو المؤسسات ويوم ما لما جيت فكرت في الأفراد حطيت شوية تغييرات بسيطة في المنصة اللي عندي.. أحنا من أول يوم بدأنا منتج من وإلى الأفراد فاحنا فاهمين هما بيستخدموا ازاي الحاجات ، إيه اللي بيدوروا عليه وبنسمعلهم اظن إن ده أكبر ميزة بالنسبالنا إن المنتج مخلوق مخصوص للناس دي اللي بتستثمر بجانب شغلها ، اللي وتيرة حياتها سريعة ، عندهم توقعات معينة ده اللي بيميزنا
05:19
عمر: في الصعوبات أنت لقيتها على الأفراد انت بتحاول تسهلها من خلال التطبيق ده؟ يعني ممكن مثلاً نذكر نوعين تلاته مثلاً من الصعوبات ده؟
أحمد: بص أحنا لما بدأنا ثاندر كان في 3 معوقات كبار بالنسبالنا وخاصة ديماً كده فكر فيها يا عمر إن ده منتج موجود للأفراد اللي زيي وزيك اللي هيستثمروا بجانب عملهم بالتالي الـ 3 صعوبات هما عملية فتح الحساب ، عملية تمويل الحساب ، والوعي أستثمر فين أروح فين الكلام ده كله
فـ ازاي تفتح حساب بسهولة جداً من على موبايلك من غير ما تكون محتاج تروح فرع ، ازاي أمول حسابي بطريقة سهلة تتماشى مع الناس اللي عندنا والحته التالتة ازاي حد يعلمني ابتدي منين.. أبص فين.. إيه الحاجات المختلفة الناس عندها ديماً حاجز ما بينها وبين الإستثمار فهما دول الـ 3 معوقات اللي احنا بنحاول نعالجهم من أول يوم
06:22
عمر: هايل.. طيب مين العميل بتاعك يعني من الناس اللي بيسمعونا لو شوفت 1 2 3 4 تقول ده العميل بتاعي ، الهدف اللي أنت عايزة ، أو ده الراجل اللي هيستفيد من المنصة بتاعتك .. مين هو؟
أحمد: أنا وأنت.. أي حد في الوطن العربي عايز يزود دخله بطريقة سهله ، ونفسه في أي حاجه يجيبها كمان سنة محتاجه فلوس هو ده الخطة المستهدفة
06:48
عمر: طيب إيه العائد الإقتصادي بتاع الراجل اللي هيجي عندك على المنصة؟ يعني تفتكر مثلاً واحد النهاردة جه فتح حساب في ثاندر ازاي القرار ده هيأثر عليه كمان 3 سنين ، 5 سنين ، 10 سنين وخاصة إننا في البودكاست بهتم جداً جداً أنا شخصياً يعني بتأثير المدى طويل على القرارات بتاعتي ، يعني عايز أشوف القرار بتاعي ده هيفرق معايا كمان 10 سنين ازاي وهيغير حياتي ازاي .. فازاي ممكن يغير حياته القرار ده؟
أحمد: بص أنا احب نتكلم على حتة الـ 10 سنين كمان شوية لأن ده جزء كبير جداً من اللي احنا مؤمنين بيه وهو فكرة الاستثمار طويل الأجل مقابل تداول المضاربة فهسيبها دي على جانب شوية
خليني ابدأ الاول بالمهمه بتاعتنا وهي إننا نوفر كل الطرق للناس العادية اللي زيي وزيك إن هما يوصلوا للحرية المالية .. الطريقة اللي احنا بنعرّف بيها الحرية المالية إن عمر يقدر ياخد قرارات مصيريه في حياته من غير ما الشق المالي يوقف عمر عن القرار ده فلما تيجي تسألني إيه الأستفادة بتاعتنا للعملاء أنا هبقى مبسوط أو هحس أن ثاندر فعلاً حققت اللي هي عايزاه لما أعرف إن فلان الفلاني عرف يعمل ينشئ الشركة بتاعته كمان 4 سنين عشان هو من دلوقتي ابتداى يحوش ويستثمر مع ثاندر فكان عنده القدرة إنه يسيب شغله ويعتمد على مدخراته إن هو يبدأ تمهيد ، إن فلانه عرفت تسفر أبنها كمان 5 سنين يدرس علم الروبوتات في ألمانيا عشان هي بتستثمر من ثاندر ، إن فلان عرف يجيب بلاي ستاشن 5 ، عرف يتجوز دي الطريقة اللي احنا بنحقق بيها النجاح أو الأستفادة الأقتصادية اللي الناس المفروض تتوقعها من منصة زي ثاندر
عمر: أنا بالنسبالي أي فكرة ناجحة هي لازم تحقق العائد الأقتصادي في الناحيتين يعني لازم تحقق العائد الأقتصادي للشركة اللي بتقدم الخدمة ولازم تحللي مشكلة كعميل ودي أمثله كتير فالشركات الناشئة خصوصاً في مجال التكنولوجيا هي لازم تحقق المعادلة ما بين الناحيتين أنت كشركة لازم تعمل فلوس والعميل بتاعك لازم يعمل فلوس أو يبقى عنده عائد أقتصادي
08:58
عمر: احنا أتكلمنا على الأهداف .. كلمني على النمو بتاع قاعدة المستخدمين بتوعك .. هل من ساعة ما ابتديت ثاندر في أعتقد في 2019 .. مظبوط!
أحمد: آه ثاندر تأسست في ديسمبر 2019 وأخدنا رخصة السمسرة ودي كانت أول مره إن شركة مصرية تحصل عليها في آخر 12 سنة في أغسطس 2020
بصراحة 2021 كانت بالنسبالنا سنة اللي تحققنا فيها إننا في احتياج لمنتج زي ده وعلى عكس ناس كتيرة بتقولنا لأ واحنا كشعب وكجيل مش جاهز لسه ياخد الخطوة دي كنا عايزين نشوف فعلاً الناس عايزة حاجه زي كده ولا لأ فمن حيث النمو عمتاً الشركات اللي زينا بتقيس الكبر بالمحفظة بإجمالي المحفظة بتاعة العملا بتاعتهم ، فأحنا إجمالي المحفظة كبر 29 مره خلال 2021 ومع الأخذ في الاعتبار إن المحفظة الوسيطة 2000 جنية
اللي بالنسبالنا كمان يخلينا مبسوطين أكتر بالنمو ده ان 87% من المستثمرين اللي بيستثمروا أول مره يستثمروا كان عن طريق ثاندر ومتوسط العمر كان 20 سنة وأكتر من 50% بره القاهرة فمن حيث النمو فيه تفاعل
احنا صادقين في مهمتنا احنا بنتيح هذه التجربة لفئة جديدة واللي بنقوله مش صعب وكل اللي بنادي بيه إن أي حد المفروض يبقى فاهم دخله قد إيه ومصاريفه قد إيه وبعدين حته صغيرة من الفائض بيستثمرها بشكل شهري في المنتج اللي يناسبه بقى
عمر: أنا بس عايز أوضح إن محفظة الوسيطة هنا معناه إن من أكبر عميل لأصغر عميل لو جيت للعميل اللي في النص بالظبط من المستخدمين بتوعك هو ده اللي هيبقى عنده 2000 جنية مظبوط؟
أحمد: 50% من العملاء المحفظة بتاعتهم أقل من 2000 جنية
10:56
عمر: معنى كده إن في صغار مستثمرين لسه أول مره يبتدوا في حياتهم .. هل بتشوف طلاب جامعة؟ هل بتشوف ناس لسه مخلصوش بيحوشوا حاجه صغيره على جانب وبيحاولوا يفتحوا محافظ؟
أحمد: حاجتين هنا أول حاجه مش بس صغار مستثمرين عارف في مفهوم كده إني هجيب مبلغ كبير وأقوم حاطه وأشوف هيطلع قد إيه وفي مفهوم تاني اللي احنا بنذق عليه كل شهر بحط حته صغيره بستثمرها فاحنا عندنا من الحاجات اللي احنا مبسوطين أوي بيها إن عدد مرات اللي أنت بتمول فيها حسابك ده احنا ديماً بنبص عليه
احنا من الحاجات اللي عملناها مع البورصة والهيئة العامة للرقابة المالية إن احنا سن الاستثمار بدل ما كان 21 سنة بقى 16 سنة دلوقتي في مصر فأنت من أول ما بقى عندك 16 سنة ينفع تفتح حساب إستثماري وتستثمر وأعتقد دي حاجه عظيمة حتى لمصر
والحاجه التانية وانا اسف اني بخش شوية في الحساب ولكن متوسط الأعمار 29 سنة وأكتر سن متكرر عندها هو 22 سنة
12:00
عمر: هايل.. ودي حاجه تبسطني لأن احنا ديماً بنقول إن الناس الصغيره عندها مميزات عن الناس الكبيرة يعني أنا لو كان عندي المعلومة دي وانا 22 سنة وفي حد بيشجعني كنت غالباً حوشت أكتر أو بقى عندي العادة بتاعة الاستثمار وهو ده الهدف من البودكاست وهو ده الهدف من شركتك برده إنكو تعرفوا الناس إن عندك فرصة حتى من وأنت صغير لأن طبعاً المضاعفه وكل الحاجات اللي بنتكلم عليها في الحلقات القديمة كل ما نبتدي بدري كل ما يكون عندك مميزات عن الناس الكبيرة حتى لو أنت في ظروف سوق وحش وأبتديت بدري وعملت ما يسمى بمتوسط التكلفة بالدولار أو إنك بتخش على أسعار مختلفة كتير في السنين الأولانية دي حاجه في مصلحتك كمستثمر
12:15
أحمد: عمر لو تسمحلي قبل ما نخش على السؤال الجاي لأن اللي أنت بتقوله ده وعشان كده أنا مبسوط جداً إني معاك لأن احنا متفقين إن لو في 3 نصايح الشركة دي كلها مبنيه عليها هي النصحية اللي مابتخيبش كل ما ابتديت بدري كل ما المحفظة بتاعتك هتبقى أحسن .. عمرها ما بتخيب يعني كل ما الوقت يبقى في صالحك كل ما محفظتك هتبقى أحسن
الحاجه التانية هي فكرة بستثمر على المدى الطويل وبستثمر كل شهر فحتى في الشهور اللي الدنيا نازله تحت لو أنا مقتنع بهذه الشركات فدي فرصة حلوة إني شاري أسهم الشركات اللي أنا مقتنع بمستقبلها بسعر أرخص فحققت متوسط التكلفة بتاعي اللي هي متوسط الدولار اللي انت بتتكلم عليها
والحاجه التالتة اللي احنا بنادي عليها هي ياريت تكون بتستثمر لهدف معين سواء صندوق طوارئ ، سواء عايز أتجوز ديماً بتستثمر ناحية هدف معين عايز تحققه
13:54
عمر: مظبوط.. أنت شايف ثاندر ازاي ممكن تتطور يعني أنت النهاردة بتغطي البورصة المصرية أعتقد برده بتقدم استثمار بسهولة وبلا مجهود والكلام ده كله أنت شايف ازاي ممكن تتطور في السنين اللي جايه كشركة؟
أحمد: الطريقة اللي احنا بنبص بيها لتطوير ثاندر بالنسبة لمصر عندنا البورصة المصرية وعندنا الصناديق ، بالنسبة للمقيمين خارج ينفع يستثمروا كمان في السوق الأمريكي أنا بالنسبالي ثاندر هو أي حد في الوطن العربي يعرف يستثمر في المنتج المناسب ليه من موبايله من جيبه من على ثاندر.. أي منتج إستثماري موجود طالما ان احنا بذلنا مجهود وعرفنا نفسهم الناس المنتج ده إيه وإيه المخاطر المصحوبة مع المنتج ده فأنا بستثمر وأنا فاهم أنا داخل في إيه
14:49
عمر: شوفتك استخدمت كلمة (سوبر ماركت) في أحد مقالاتك اللي قريتها عنك.. كلمني على السوبر ماركت
أحمد: أيوة أحسن كلمه عندي أكتر كلمه بحبها .. بص أنا بقولك يا عمر اللي احنا بنتكلم عليه احنا بنروج له إن عمر كل شهر يبقى عنده هذه العاده انه بيحط حته صغيرة من دخله بيستثمرها ، احنا ثاندر بعد كده شغلتنا إني أوفر لعمر المنتجات الاستثماريه المختلفة عشان عمر يبتدي يقرر إيه المنتج المناسب ليه .. ده المنتج اللي بيأدي الهدف اللي عند عمر فعشان كده احنا الحاجه اللي بنحاول نعملها ومتفقين عليها جوه الشركة إن لما تفتح ثاندر عندك سوبر ماركت لكل الأدوات الاستثمارية المختلفة الي عندك وبعد كده أنت بناءاً على هدفك تبتدي تختار أنهي منتج يناسبك
15:50
عمر: تمام واضح.. وعلى فكرة احنا كمصريين بالذات احنا متعودين على مفهوم زي الجمعية يعني أنا أول حساب توفير عملته كان من خلال جمعية يعني عايز أحوش ومش عارف أمسك رقم في أيدي فبتدخل جمعية ، فأظن الناس عندها العادة بتاعة التوفير وده اللي أنا بشوفه حتى من الناس احنا عندنا العادة بس مش عارفين نعمل بيها إيه فأعتقد انت هنا دورك تحل الحته دي أنا ممكن احول العادة بتاعتي بدون ما أحطها في جمعية بدون فايدة أو بدون عائد على الاستثمار لأن الجمعية مابتعملش أي عائد فأعتقد برده ده سوق كبير بالنسبالك
أحمد: أنت قولت حاجه مهمه أوي يا عمر برده أنا عايز أتكلم عليها لأن أول هدف للاستثمار أن فلوسك متخسرش قيمتها فأنا اي حد سايب فلوسه في البيت مش بيستثمرها هو خسران لما تحط في حسابك التضخم والحاجات دي كلها فده مفهوم احنا محتاجين نفكر فيه والمفهوم التاني اللي انت بتقوله انه ازاي احنا كثاندر نبسط على الناس الموضوع وانهم يثقوا فينا خلي بالك دلوقتي الناس بيسمعوا بودكاست بيخشوا على تيك توك دي الطريقة اللي الناس بتاخد بيها المحتوى فعشان كده بنقدّر أوي لما حد بيعزمنا في حاجه زي كده نتكلم فيها مع الناس
17:17
عمر: لو دخلنا بقى على المنافسة.. أنا ليه بسألك على المنافسة لأني أنا بقيس أي نجاح بهل أنت قائد للسوق .. بتفكر ازاي في المنافسة كرائد أعمال وانت بتعمل الشركة أكيد عملت بحث للسوق كويس وشوفت حتى بره.. كلمني على المنافسة بشكل عام؟
أحمد: احنا دلوقتي السوق الكبير بتاعنا هو الشرق الأوسط يعني حلمنا اننا نكون المنصة الأستثمارية الأولى في الشرق الأوسط فأنا لما أجي أبص على الشرق الأوسط في كذا لاعب بيحاول يوصل للي احنا بنعمله وهو استخدام التكنولوجيا لتسهيل الاستثمار وأعتقد أنت متفق معايا ان أكبر حاجه محتجاها السوق دلوقتي هو نشر الوعي وان الناس تبقى عارفه ازاي ممكن تستثمر والحاجات دي كلها فالحته دي غير أن المنافسة بتذقنا ديماً اننا نطور المنتج بتاعنا بتفيدنا كمان في حتة الوعي ..
في بعد كده المنافسة ما بين المؤسسات المالية الموجودة بالفعل دلوقتي أنا عندي نظرة مختلفة إن أعتقد العالم كله متجه ناحية إن المؤسسات المالية الموجودة محتاجه تشتغل مع فينتك (التكولوجية المالية) وهما يوزعوا المنتجات المالية اللي عندهم بطريقة سهله وبسيطة للمستثمرين وده اللي احنا عملينه
فمثلاً في مصر بدل ما احنا بنتنافس مع (أزيموت) في مصر احنا بنوزع الاشتراكات أو بنبيع ونشتري في الصناديق بتاعتنها وهدفنا ان يبقى كل مدراء الأصول في مصر عنده صندوق استثمار على ثاندر عشان تعرف تخش فيها
فالمنافسة مع الموجودين بتتجه اننا نشتغل مع بعض ونبقى احنا حلقة الوصل مابينهم وبين الأفراد لأن احنا كل حاجه بنبنيها مبنيه انها تتعامل مع أعداد كبيرة من الأفراد على عكس هما كانوا بانين النموذج بتاعهم ازاي ومن الناحية التانية في شركتين بينافسونا في الشرق الأوسط بس البودكاست بتاعك في ناس كتيرة بيسمعوه فمش هقدر أقول أسمهم عشان مكونش بعملهم دعايا وبنحترمهم جداً
عمر: وأعتقد برده الحصة السوقية أو الاختراقات بتاعة المستخدمين قليل جداً في الشرق الأوسط صح؟
أحمد: تفتكر في كام في الشرق الأوسط بيستثمروا؟
عمر: بص أنا عملت البحث بتاعي فعارف الأرقام فانت قول اللي عندك
أحمد: أنا خايف الأرقام أطلع أنا غلط
عمر: لأ لأ أنت قول اللي أنت شايفه أخر الأرقام
أحمد: أخر الأرقام عندنا اللي بيستثمروا في الأسواق 2% لما دي تقارنها بالأسواق الأكثر تطورا هتعرف إنك تتدخل فئة جديدة للاستثمار أكبر بكتير منك تنافس الناس الموجودة .. أنت الأرقام عندك شبه دي ولا مختلفة؟
عمر: مظبوط ، شبه دي وكان كذا مقال بيتكلموا عن الاختراقات دي وبعدين احنا عالمياً من الأقل المناطق يعني ممكن تكون أقل منطقة في العالم مع اننا عندنا أكبر قاعدة شبابى في العالم اعتقد ان المنطقة صغيرة جدا
أحمد: أنت عندك في السنة 500 مليار دولار الادخار السنوي وعندك 2% بس اللي بيستثمروا وخلي بالك الاستثمار ده كمان لو عاوز يبقى في نمو اقتصادي والبلد دي تكبر وتتقدم لازم يبقى في طريقة سلسة إنك بتوجه فلوس الناس اللي عايزة تحوش في المشاريع والأفكار الجديدة فمهم أوي ان المعادلة دي تتظبط لو عاوزين المنطقة عندنا تتقدم إن شاء الله
20:57
عمر: طيب أنا هرجع ليك يمكن مسألتكش أحمد عمل إيه أو تاريخه إيه لأني مبحبش أفتح بيها ديماً الحلقة بحب تيجي بطبيعية في نص الحلقة أنا في حاجه مميزة في حياتك المهنية أنت اشتغلت في الخدمات المصرفية الإستثمارية في بنوك استثمارية في المنطقة العربية بالنظام القديم اللي هو البنية بتاعته من تكنولوجي وهكذا وبعدين تحولت روحت أوبر وأشتغلت في حاجه تكنولوجية بحت فهل بقى ثاندر هي الدمج ما بين الاتنين التكنولوجية و الخدمات المصرفية الإستثمارية؟
أحمد: بص أنا هحكيلك في 20 ثانية برده إن شاء الله عشان منزودش على الناس أنا كنت شغال الخدمات البنكية وجالي صفقة إني أشتغل على بيع البنك الإستثماري ده وساعتها أبتدت الفكرة تجيلي هو مفيش أي خطة عند البنك الإستثماري ده إنه يخلق منتج للأفراد وده كان بيحصل في العالم كله وفي إتجاه جديد إنك تستخدم التكنولوجيا بإنك توفر منتجات مالية للأفراد بإنك تجتذب الأفراد دي بطريقة أكثر فاعلية وتخدم عليهم عن طريق برنامج فالإقتصاد يشتغل ده كانت أول ملاحظة و زيرو خبرة في إن شركات التكنولوجية بتشتغل ازاي وهنا ابتديت أفكر أنا عاوز أبني ثاندر قولت أنا مش فاهم العالم ده كله ماشي ازاي جتلي الفرصة إني أروح أوبر .. فأنا من أول يوم في أوبر بفهم الدنيا دي ماشية ازاي عشان أبني ثاندر فزي ما أنت قولت أنا روحت أوبر عشان أفهم العالم بتاع التكنولوجيا ده ماشي ازاي عشان أعكس التعليم ده في الصناعة اللي أنا عايز أعملها
22:34
عمر: ثاندر قد إيه حجمها النهاردة .. يعني عدد الموظفين عندك قد إيه تقريباً؟
أحمد: احنا عندنا دلوقتي حوالي 70 موظف وعندنا مكتبين في القاهرة ودبي
22:47
عمر: هل الكفاءات صعبه؟ هل وأنت بتعين بتلاقي الكفاءات بسهولة ولا أنت بتحتاج تجهز ناس من الأول وبتحاول تديهم الثقافة بتاعة ثاندر .. كلمني على التوظيف عندك شكله عامل ازاي؟
أحمد: أعتقد اننا في العصر اللي هو أهم أصل لأي شركة هي الناس فأي حد هيقولك إن توظيف المواهب مش من أصعب الحاجات اللي بيقابلها يبقى أعتقد يعني متفائل شوية احنا كمان المشكلة ان احنا عندنا حلم كبير أوي وعندنا مهمه خلي بالك يا عمر سهل أوي إني أقول خد الفلوس دي أسلفهالك أصعب بكتير إني أقولك خد خطوة لورا وأصرف أقل دلوقتي عشان خاطر مستقبل أحسن والكلام ده فمهم اوي بالنسبالنا أننا نلاقي ناس عندها نفس الحلم مؤمنين بنفس التأثير اللي احنا بنحاول نعمله أعتقد هو ده بس بمجرد ما بنلاقي كده الدنيا بعد كده بتظبط دي أول حاجه الحاجة التانية أنا متخرج من أوبر ولو بصيت على الجيل اللي كان في أوبر الـ 3 سنين اللي فاتوا هتلاقي ناس كتيرة أوي يا بيبدأوا بيعملوا الشركات بتاعتهم فأنا أحب إن 10% من ثاندر يخرجوا بنفس الفكر بإنك يكون عندك تأثير بتحترم الناس بتحاول إن الناس تيجي تشتغل مع بعض وتبدع الكلام ده كله يكون موجود بطريقة أكتر في بلدنا يعني
24:16
عمر: أنت كمؤسس إيه الحاجه اللي مبتخلكش تنام بليل؟ يعني إيه أكتر حاجه بتقلقك؟ أكبر مخاطرة عندك؟
أحمد: أكلمك طبعاً ده بره الوقت بتاع التبرعات الكام شهر دول بيبقوا لوحديهم.. أنا في رأيي اللي بيفرق معايا بالذات في حتة المنتج المبني على التكنولوجية لازم يبقى عندك فريق المنتج والتكنولوجيا التقني اللي يزقك إنك تعمل المنتج لأن لو احنا فكرنا إن المنتج بتاعنا مش هيبقى مبني على التكنولوجية هنرجع زي الناس التانية ونبتدي نركز على فئات معينه أعتقد دي أول حاجه والحاجه التانية بالنسبالي هي الشق التعليمي خلي بالك أنا اعتقد إن في مشكلة
التكنولوجية المالية هي التمكين.. بس في ناس كتيرة مش بتفرق ما بين التمكين والسهولة ، إننا تتيح الخدمة للناس والناس تبقى فاهمه هي بتاخد إيه ده اتاحه ، الناس داخله عشان الموضوع سهل أوي وأعتقد ده الفخ اللي (روبنهود) وقع فيه أيام (جيم ستوب) إن الناس بتخش عشان الموضوع سهل ويلا وقلبنا أكننا في طريق المضاربة بدل من إني منصة بتتيح خدمة الناس فاهمة هي بتعمل إيه بالذات في حتة الخدمات المالية دي من الحاجات اللي ديماً بتفرق معايا
عمر: أنت عارف يمكن بعد 10 سنين لو أتكلمنا أعتقد أنت ممكن تكون محظوظ أنك بادي في ظروف السوق صعبة يعني لو أنت شغال في سوق بيطلع والناس عاملة فلوس وصغار المستثمرين فرحانين والكلام ده كله أعتقد ده الفخ اللي أنت بتتكلم عليه يعني النهاردة لو ظروف السوق صعبة شوية أنت بتحاول تخلي الناس أنت نفسك كمؤسس حذر بتحاول تعلمهم ازاي يستثمروا هل الكلام ده صح يعني الحاجات اللي بتتولد في سوق الهابط أعتقد أحسن
أحمد: 100% بص الحاجات عمتاً اللي بتتولد في تحدي لظروف السوق أو في ظروف زي دي بيبقى عندها الفرصة إنها تتكيف وتغير نموذج العمل للقوانين الجديدة وشوفنا كده يعني بعد 2008 طلع (أوبر) و (اير بي إن بي) بعد كل مشكلة الشركات الجديدة هي اللي عندها القدرة انها تسمع ايه اللي في السوق وتشتغل عليه الحته اللي أنت بتقول عليها دي كمان أحنا في أول السنة لما ابتدى السوق ينزل فلاحظنا إن في عندنا إتجاه إن الناس بتبيع الأسهم وبتخش في الصناديق وكان بالنسبالنا أول فكرة إنه الله ده إتجاه صحي إن الناس مش بتخرج بره المنصة الناس بتخرج من أصل وبتخش في أصل تاني وبعد كده لما كنا بنتكلم أكتشفنا اننا لأ احنا مش role بنقوم بدورنا مظبوط لأن الأوقات اللي السوق واقع ده اللي الناس لازم تعرف إن ده مش أحسن وقت تبيع فيه بالعكس ده جزء كبير من مستثمرينا بيبعوا الأسهم وبيخشوا على الصناديق محتاج نبذل مجهود أكبر ونفهم الناس أمتى المفروض تبيع أمتى المفروض ماتبيعش إيه الفلوس اللي المفروض تكون حاطتها في الأسهم فأنت مش محتاجها على المدى القريب فتقدر تستحمل حركات زي دي فلما بتتولد برده في الظروف دي بتبتدي تركز أوي فإيه الحاجات اللي أنت فعلاً محتاج العميل بتاعك يكون عارفها
27:42
عمر: أنا سألتك إيه اللي مش بيخليك تنام بليل هسألك العكس بقى إيه اللي بيخليك متحمس وبيبسطك وإيه الخبر اللي أنت بتسمعه وبخليك في قمة السعادة يعني؟
أحمد: أكتر حاجه بصراحة بتفرق معايا من الحاجات اللي كنت بحبها أوي في أوبر أنا قبل ثاندر كنت مديرعام أوبر في مصر وكانت من الحاجات اللي بتفرق معايا أوي لما أنزل أطلب أوبر وألاقي حد جانبي بيطلب أوبر وألاقي الناس كلها بتستخدم التطبيق بتاعنا أنا دلوقتي برده لما أعرف القصة بتاعة إن واحدة بتستثمر عشان خاطر تسفر أبنها ألمانيا من الحاجات اللي بتفرق معايا إن هي دلوقتي بتعمل كده دي قصة بتخليني متحمس للي أنا بعمله والحاجه التانية ودي قصة برده من أبرز الحاجات بالنسبالي لما بدأت ثاندر لما كنت في أسوان والراجل بيعملي تذكرة الصعود قالي أنت كذا أنا بستثمر معاكوا عن طريق ثاندر فتبقى من أبعد المحافظات عن القاهرة بيعرف يستثمر دلوقتي وفي الحتة دي وعن طريق ثاندر هو ده اللي بيخليني احسن اننا فعلاً بنوصل لمكان ما
والحاجه التانية كمان أنا من الناس اللي بتتحمس اوي لما بشتغل مع ناس شاطرة أو ذكية لما باجي أشتغل مع معظم أو أغلبية الفريق عندنا بتحمس جداً
29:03
عمر: هايل .. أنا برده بيعجبني جداً لما أنت قولت إن أكتر من 50% بره القاهرة وإسكندرية يعني في المحافظات يعني دي حاجه بسطاني جداً لأن الوعي المالي إنتشاره ودي قوة الإنترنت ودي قوة وسائل التواصل ودي قوة التطبيقات إن شركات السمسرة أو البنوك الإستثمارية صعب جداً تروح تفتح فروع في كل انحاء الجمهورية فأنا عايز أشكرك طبعاً إنك بتساهم في وصول المعلومات دي في الحتت الصعبة دي
أحمد: ده شرف لينا بصراحة دي من الحاجات اللي احنا فعلاً بنعتز بيها جداً واحنا كل شوية بنحاول نسافر نقابلهم ونفهم لأن أنت برده لازم تاخد بالك إن العميل اللي بره القاهرة مختلف عن العميل اللي في القاهرة العميل اللي في جنوب مصر غير العميل اللي في إسكندرية فبتحاول برده تفهم هما عايزين إيه عشان المنتج يبقى برده متماشي معاهم
عمر: وده بيساعد برده على وصول المعلومة لكل الناس ، توحيد الفرص على الأقل فدي برده حاجه جميلة أنت بتعملها
30:11
عمر: هل أنت مبسوط باللي أنت عملته لحد النهاردة في ثاندر؟
أحمد: 100% أنا فخور جداً باللي الفريق عمله هنا ومتحمس أوي للفريق ده هيبني إيه وعارف اننا كمان 5 سنين هنبص ورا وهنبقى فخورين بالتأثير بتاعنا بس احنا لسه بدري أوي اننا نبقى راضين احنا لسه بنقول بسم الله الرحمن الرحيم آه بنينا حاجات كتيرة بس عشان نبقى راضيين محتاجين يبقى التأثير بتاعنا أوسع وأكبر بمنتهي الصراحة
30:45
عمر: طيب في حاجه احنا ممكن نعملها للمستخدمين لو تقدر تكلمنا عنها كده سريعاً؟
أحمد: أي حد هيحمل التطبيق من اللينك بتاع عمر
عمر: احنا هنحطه في الشو نوتس على الصفحة بتاعتنا
أحمد: أي حد هيحمل التطبيق من اللينك بتاع عمر هيفتح معانا حساب هيبقى عنده مكافأة حتى 1000 جنية
عمر: ده كان الجزء الأول من لقائي مع أحمد الأسبوع الجاي هنغطي حاجات تانية مهمه برده عن المنصة عايز أفكركوا ديماً إن جميع المصطلحات اللي احنا بنقولها باللغة الإنجليزية مترجمه على الموقع الإلكتروني بتاعنا .. هستناكوا الإسبوع الجاي وشكراً جداً جداً على وقتكوا النهاردة
Translation of some words and terms:
Recommend توصي
Users مستخدمين
Product review تقييم المنتج
Angle زاوية
Within ضمن
Founder مؤسس
Option خيار
Gap فجوة
Market سوق
Food delivery App تطبيقات توصيل الطعام
Groceries البقالة
Platform المنصة
Reflect تعكس
Edge ميزة
Pace وتيرة
Expectations توقعات
Friction صعوبات
Specially خصوصاً
Bottlenecks معوقات
Education تعليم
Instruction تعليمات
Client عميل
Target plan الخطة المستهدفة
long term effect تأثير المدى الطويل
long term investment إستثمار طويل المدى
speculative trading تداول المضاربة
mission empowering everyday individuals with the means to reach financial freedom مهمة تمكين الأفراد العاديين بالوسائل للوصول إلى الحرية المالية
Defines تعرّف
Benefits فوائد
Startups شركات ناشئة
Bootstrap تمهيد
robotics علم الروبوتات
this is how we major success or economic benefits هذه هي الطريقة التي نحقق بها النجاح الكبير أو الفوائد الاقتصادية
tech startups الشركات الناشئة في مجال التكنولوجيا
Growth النمو
Users base قاعدة المستخدمين
validate التحقق من صحة
Unlike عكس
In terms of growth من حيث النمو
bear in min مع مراعاة
Median Portfolio المحفظة الوسيطة
Average age متوسط العمر
Validation تصديق
not a rocket science مش صعب
Concept مفهوم
Math رياضة
Advantage ميزة
Compounding مضاعفة
Dollar average cost متوسط التكلفة بالدولار
we're very Aligned احنا متفقين
Evolve تطوير
Frictionless investment استثمار بدون احتكاك
As long as طالما
what we promoting ما نروج له
ultimately في نهاية الأمر
Clear واضح
Saving Account حساب توفير
Habit عادة
Interest فائدة
Value قيمة
Content محتوى
Competition منافسة
Market leader قائد السوق
Fin Tech التكنولوجية المالية
subscriptions إشتراكات
buying شراء
Selling بيع
Asset Manager مدير الأصول
Mutual fund صناديق إستثمارية
Model نموذج
Market share الحصة السوقية
Penetrations اختراقات
More Developed أكثر تطوراً
Regions المناطق
Annual saving الادخار السنوي
Channel توجه
Formulaمعادلة
Interesting مميزة
Investment Banking الخدمات المصرفية الإستثمارية
Structure بنية
Pure Tech تكنولوجية بحت
Deal صفقة
More efficient أكثر فاعلية
Software برنامج
Economics إقتصاديات
Observation ملاحظة
Experience خبرة
Industry صناعة
Culture ثقافة
Hiring Talent تعيين المواهب
Risk مخاطرة
Fundraising تبرعات
Empowering تمكين
Cautious حذر
Bear market سوق هابط
Challenge market condition تحدي ظروف السوق
Adapt يتكيف
Over the moon في غاية السعادة
Highlights أبرز
Boarding ticket تذكرة صعود
Impact تأثير
Bounty up to مكافأة حتى
تنويه هام: جميع الآراء التي تم التعبير عنها من قبل شمس وضيوف البودكاست هي آراؤهم الشخصية ولا تعكس رأي أي كيان ينتمون إليه. هذا البودكاست مخصص لأغراض تعليمية فقط ولا ينبغي الاعتماد عليه في القرارات الاستثمارية. أي اعتماد على المعلومات المقدمة يتم على مسؤوليتك الخاصة
#كلام_ينوّر #بودكاست #بودكاست_عربي #بودكاست بالعربي # ثاندر #الجزء_الأول