10. ما يسأله المستمعون - الجزء الأول
كلام ينوّر أول بودكاست عربي مبسط عن الحياة المالية
linktr.ee/Kalamyenawar : في اللينك ده هتلاقوا كل الروابط الخاصة بكلام ينور تقدروا تتواصلوا معانا وتسمعونا من خلالها
حلقتنا الأسبوع ده هي رد على أسئلة أتبعتت لنا من مستمعين للبودكاست على صحفتنا على انستجرام
أول سؤال من أستاذ عبد الله غانم سألنا ازاي أستثمر جزء من مدخراتي في عمل جانبي؟
وأمتى ابدأ أدعو أصحابي أو مستثمرين جدد لمشاركتي في مشروعي؟
بنتكلم كمان عن لو عندي عجز في توفير المبلغ المطلوب لتنفيذ مشروع ممكن أسد العجز ده ازاي؟
السؤال التاني والتالت من بشمهندس اسلام عادل وأستاذة عاليا عودة وسألونا عن الأستثمارات ولو حابب ابدأ أستثمر أستثمر في إيه؟
؟ (Asset classes) ما هي فئات الأصول
هل لازم استثمر فلوسي في كل فئات الأصول دي عشان أكون مستثمر كويس؟
تعتبر فئة أصل؟ Bitcoin هل العملة المشفرة زي الـ
تابعوا الحلقة العاشرة من كلام ينوّر وأبعتولنا على صفحتنا على انستجرام اسئلتكم وآرائكم عشان نرد عليها وتشاركونا في الحلقات اللي جاية
: للأسئلة والأقتراحات
: تابعونا على موقعنا الإلكتروني
👇 وصفحتنا على
Omar Shams @ Clubhouse Omar Shams @ LinkedIn : تابعوا شمس على
Transcript:
: سؤال من عبدالله غانم بيقول
ازاي أستثمر جزء من مدخراتي في عمل جانبي؟ وأمتى ابدأ أدعو أصحابي أو مستثمرين جدد لمشاركتي في مشروعي؟ ★
معناها اني عندي وظيفة او دخل ثابت او عندي أصول بتدخلي دخل معين بيغطي مصاريفي فببدأ أدخر Saving في سياق السؤال الـ
هى استثمار جانبي بيدخلك دخل إضافي غير الدخل الأساسي Side gig
أستثمر قد ايه من مدخراتي؟ ★
انا بعد ما دفعت مصاريفي بقي عندي مدخرات وانا مع مدرسة انك تحاول تحقق أهداف طويلة المدى يعني مثلا لو عندك حساب تقاعد او لو عندك أي حاجه بتحوش فيها خد جزء من مدخراتك حطها الأول وبعدين خد جزء تاني حطه في صندوق الطوارئ بتاعك أو أي هدف قصير المدى انت عاوز تعمله وتاخد الجزء اللي فاضل من المدخرات جربها في الفكرة بتاعتك فممكن نقول مثلا ان من ربع لثلث مدخراتك هتحطهم في الفكرة دي. طيب انا لو أخدت ربع مدخراتي وحطيته في الفكرة بتاعتي الرقم ده هيعتبر قليل ، انا مثلا بحوش 1000 وهحط 250 في الشهر ده رقم قليل جدا ان انا أعمل بيه الفكرة بتاعتي
الحل انا ممكن أروح أخد تمويل صغير يزود القدرة بتاعتي عشان يساعدني أعمل الفكرة دي ، بمعني ان انا ممكن اروح للبنك أقوله انا عاوز قرض شخصي صغير بـ 10000 او 15000 الرقم اللي هيكفيني عشان اعمل الفكرة بتاعتي فالفلوس هتكون موجودة معايا النهاردة ، أنا مش هروح أخدها من مدخراتي كلها واروح حاططها فيها لأ انا هروح أخد تمويل ، التمويل ده هيبقى صغير هيبقى ربع مدخراتي مثلا ويديني القدرة ان انا اجرب الفكرة بتاعي النهاردة. لو عندي عجز ممكن أسد العجز بالطريقة دي. ده معناه اني هاخد الـ10000 / 15000 اللي انا هحطهم في فكرتي وهقدر أحقق الفكرة بتاعتي النهاردة وهدفع الـ 250 أو الـ 300 اللي جايين من بتاعي كقسط للبنك في الفترة دي
: كده انا حققت ايه
مستنتش اني أحوش رقم كبير عشان اعمل النموذج المبدئ لمشروعي لان جالي فلوس النهاردة -
ألتزمت بالميزانية اللي هي 250 / 300 اللي عاوز أدفعهم -
مدخلتش في مدخراتي الأساسي الكبير اللي أنا بحوشها كل شهر اللي بتحقق لي حاجات تانية -
انا ليه بعمل كده عشان نفسيا انا عاوز يبقى عندك ديما حاجات بتروح في المدخرات اللي ليها علاقة بالتقاعد او بالحاجات التانية *
أمتى أروح أدعو صحابي أو المستثمرين أو الناس تشارك معايا في الفكرة دي؟ ★
انت بتدعو الناس للاستثمار معاك في السلعة بتاعتك أو في فكرتك مش بس عشان تاخد منهم فلوس اهم من كده أنك بتوزع الـمخاطر بتاعك في الاستثمار ، لأن أي فكرة فيها مخاطرة ، قبل ما تفكر في التمويل فكر في المخاطرة بتاعتك ، انت كصاحب عمل محتاج توزع المخاطرة لان لو هي حاجه مفهاش مخاطرة وبتجيب فلوس كويسة انا اصلاً ليه أدخل صحابي او مستثمرين معايا! احنا مش بنروح نجيب ناس تشاركنا في مشاريعنا عشان احنا معندناش تمويل بس لأ انت بتوزع عليهم المخاطرة
السلعة بتاعتك لما تحس ان ليها استخدام حقيقي في السوق ، يعني انت بتنزلها السوق وبتتكلم مع ناس متعرفهمش عشان تاخد رد فعل حقيقي ، مش بتبيع لاصحابك او لقرايبك او لناس تعرفك لان دول رأيهم هيبقى ديما متحيز ليك ، لازم تنزل السلعة لوحدها وتجرب تشوف رد فعل الجمهور اللي ميعرفكش ايه
Angel investor و venture capital لازم تفهم كل حاجه عن تمويل المشروع بتاعك ، المستثمرين النهاردة غير زمان في حاجه اسمها
الناس دي مش بسهولة انك تتكلم معاهم ، انت لازم تجهز الأرقام في دماغك وتبقى عارف أيه اللي بيحصل وعامل دراسة جدوى كويسة وفاهم كل اللي بيحصل. وانا من وجهة نظري كمان لازم تبقى عارف الاتجاهات اللي موجودة في السوق للسلعة بتاعتك ويبقى عندك تصور ليها في المستقبل هل هيتغير ولا لأ ، لأن الوضع اللي انت واقف عليه انهاردة في أي سلعة هو متغير لان التكنولوجيا بقت سريعة جدا وبتغير الدنيا بسرعه جدا ، فتبقى فاهم مثلا لو انا بعمل حاجه ليها علاقة بالبطريات البطريات اسعارها بتقل كل سنتين تلاته بشكل كبير ، كل سنتين تلاته تكلفة الطاقة بتقل 50% فهتقعد تنزل تنزل ده معناه مثلا ان يدخل منافسين جديده أو يدخل ناس تعمل المشروع بتاعي أسهل ، فلازم اكون متخيل كل الحاجات اللي بتخش في السلعة بتاعتي اتجاها رايح فين مع الوقت ، فلازم ابقى فاهم كل حاجه عن التمويل على قد ما اقدر اهم من ان السلعة جميلة او ليها استخدام عشان سلعتك تبقى قوية من الناحية المالية كمان
امتى ادخل مستثمر معايا لو انا حاسس ان المنافسين بتوعي عندهم تمويل افضل مني مخليني ضعيف كسلعة لو العلامة دي موجودة عنك يبقى لازم تدخل مستثمر معاك
: سؤال من اسلام عادل وعاليا عودة بيقول
أستثمر في إيه؟ ★
فالأول لازم أعرف فئات الأصول لأن انا لما باستثمر بستثمر في أصول فلازم أعرف ايه هي الفئات اللي انا ممكن استثمر فيها
: هنقسمهم من الفئات من الأقل مخاطرة للأكبر مخاطرة
فئة الكاش الفلوس اللي بحوشها في البيت ، ومع الاسف النوع ده على المدى الطويل بيخسر بسبب التضخم
فئة الـدخل الثابت بتديني دخل ثابت سنويا او شهريا وبتنقسم لـ
فئة الودائع او الاستثمارات المضمونة مع البنوك ، دي مخاطرة أعلى شوية لاني مش بشوف الفلوس وبسيبها في البنك ، والبنك في المقابل بيديني فايدة على الوديعة او الشهادة او ايا كان نوع الاستثمار
فئة السندات عبارة عن ديون بتصدرها الشركات او الحكومات بيبقى عائدها اعلى من البنك ، لان البنك بيكون اضمن ولأن في احتمال ان الشركة او الحكومة دي تفلس فمتقدرش تردلي فلوس تاني فأنا باخد عائد أعلى شوية لان المخاطرة فيها بتكون أعلى من البنك
فئة الأسهم بتكون أعلى في المخاطرة من الفئتين اللي قبليها ، لاني بدي فلوسي لشركة والشركة بتسثتمرها في نشاط معين والمساهمين بيتداولوا الاسهم في بورصة السوق العام. انا بعمل ارباحي ازاي كمستثمر من الأسهم بطريقتين 1. الشركة بتوزع سنوياً أرباح في شكل توزيعات نقدية 2. من سعر السهم نفسه لانه بيطلع وينزل مع الوقت
فئة السلع زي اني اشتري دهب او فضة او بلاتينيوم ، وفي سلع كتير ممكن اشتريها. ليه بنشتري السلع دي؟ لأن هي فئة اصول تحميها في حالة التضخم ولان الدهب مع الوقت بيطلع
فئة العقارات زي عقارات السكن ، عقارات تجارية زي المحلات أو الأراضي دي المخاطرة بتاعتها بتبقى عالي لأن تدوالها مش سهل وبيكون بطئ
فئة المشاريع الخاصة بمعنى اني بروح استثمر في مشروع خاص مش متداول على البورصات ، حاجه خاصة زي مشروع واحد صاحبي صغير لسه بيبتدي ، او مشروع شركة كهربا أو مشروع شركة ماية
هل انا لازم استثمر فلوسي في كل فئات الأصول دي عشان أكون مستثمر كويس؟ ★
لأ طبعا ، انت ممكن تبتدي براحة بإنك تدخل فلوسك اللي محوشها فالبيت البنك وبعدين تقسمها في الحاجات البسيطة السهلة اللي انت عندك القدرة انك تستثمر فيها زي الودايع – الأسهم – السندات ، وهم دول الـ 3 حاجات الأساسية اللي بيعتبروا فئات أصول أساسية (الكاش – أدوات الدخل الثابت – الأسهم) الحاجات التانية بتسمى (فئات الأصول البديلة) عشان تنوع الاستثمار بس. ولكن انا كمستثمر قاعد في البيت ممكن أعمل محفظة متوازنة ما بين سندات وأسهم وكاش الـ 3 دول يكفوني جدا على مدار 10 /20/ 30 سنة أنهم يحققولي مع الوقت اهدافي الاستثمارية.
هل العملات المشفرة زي (البيتكوين) تعتبير فئة أصل؟ ★
اه ، ممكن نقول ان العملة المشفرة تعتبر من فئات الأصول العالية ، طب لو انا حابب هل استثمر فيه؟ لو انت فاهم المخاطر اللي انت بتحطها مفيش مشكلة ، يعني مثلا لو قولتلي انا هحط 50% من محفظتي المتنوعة في الأسهم و30% سندات وال20% هحط مثلا 10% في العملة المشفرة و5% في الدهب و5% في مشروع مع واحد صاحبي هقولك معنديش مشكلة ، مدام انت عارف وموزع استثمارك بشكل يسمح انها تنمو مع الوقت وفي نفس الوقت قابل المخاطر اللي انت بتاخده يبقى مفيش مشكلة انت لازم فالأول تبتدي تفكر انا بوصل لفئات الأصول دي بسهولة ازاي؟ قدامي اللي انا هقدر استثمر فيه 1 2 3 4 والمخاطر بتاعتهم 1 2 3 4 وابتدي اوزع محفظتي بالشكل اللي انا حابه
حاجة كمان بستغرب ليها جدا بشوف الناس بتتجه في الاستثمار من ان فلوسي فالبيت محوشها أروح أخد مخاطرة في أعلى حاجة في فئات الأصول واستثمر في مشروع وده اعلى فئات المخاطرة في كل الفئات المطروحه ، انت بتبقى شايف ان المخاطرة في الاسهم عالي ولكن المشاريع دي بيكون فيها مخاطرة أكتر 5 أو 10 مرات عن الأسهم ، لازم تعرف ان في حاجات كتير ما بين الكاش والاستثمار في مشروع زي الاسهم والسندات والودايع... كل الحاجات اللي فالنص دي ممكن توزع فيها جزء صغير
Translation some words and terms:
Saving : مدخرات
Side gig : مشروع أو وظيفة جانبية يقوم بها الشخص بالإضافة إلى وظيفته الأساسية من أجل زيادة دخله
Long term targets : أهداف طويلة المدى
Short term goal : هدف قصير المدى
prototype : النموذج المبدئي
budget : ميزانية
Feedback : رد فعل
venture capital : رأس المال الاستثماري
Angel Investor : وهو الشخص الذي يقدم دعماً مالياً لشركة ناشئة في مراحلها الأولى من أجل دفع الشركة للنجاح، وعادةً ما يكون ذلك مقابل حقوق ملكية في الشركة
Venture Capital : هو التمويل الذي يخصصه المستثمرون في المشاريع الريادية والشركات الناشئة والتي تنطوي على نسبة مخاطرة عالية، والتي تحتاج لوقت طويل للحصول على أرباح
private equity : الأسهم الخاصة
Trends : اتجاهات
ِAsset Classes : فئات الأصول
Fixed Income : دخل ثابت
Bonds : سندات
Real Estate : العقارات
Alternative asset classes : فئات الأصول البديلة
crypto currency : عملة مشفرة
Bitcoin : عملة رقمية مؤمنة عن طريق التشفير
تنويه هام: جميع الآراء التي تم التعبير عنها من قبل شمس وضيوف البودكاست هي آراؤهم الشخصية ولا تعكس رأي أي كيان ينتمون إليه. هذا البودكاست مخصص لأغراض تعليمية فقط ولا ينبغي الاعتماد عليه في القرارات الاستثمارية. أي اعتماد على المعلومات المقدمة يتم على مسؤوليتك الخاصة
#كلام_ينور #بودكاست #بودكاست_عربي #بودكاست_بالعربي #اسئلة # إدخار #مدخرات #اصول #استثمار #مستثمرين